തകർന്ന് തരിപ്പണമായി കൊ ട്ടാരക്കര സ്വകാര്യ ബസ് സ്റ്റാന്‍റ്
Friday, June 14, 2024 11:39 PM IST
കൊ​ട്ടാ​ര​ക്ക​ര: ത​ക​ർ​ന്നും പൊ​ട്ടി​പ്പൊ​ളി​ഞ്ഞും വെ​ള്ളം ക​യ​റി​യും മ​ൺ​കൂ​ന​ക​ൾ നി​റ​ഞ്ഞും ദു​രി​താ​വ​സ്ഥ​യി​ൽ കൊ​ട്ടാ​ര​ക്ക​ര പ്രൈ​വ​റ്റ് ബസ് സ്റ്റാൻഡ്. നി​ർ​മാ​ണോ​ദ്ഘാ​ട​നം ക​ഴി​ഞ്ഞി​ട്ട് ര​ണ്ട​ര വ​ർ​ഷ​മാ​യി​ട്ടും ന​വീ​ക​ര​ണ ജോ​ലി​ക​ൾ തു​ട​ങ്ങാ​ൻ ക​ഴി​ഞ്ഞി​ട്ടി​ല്ല.

ത​റ​യി​ലെ കോ​ൺ​ക്രീ​റ്റ് ഭാ​ഗ​ങ്ങ​ൾ പ​ല​യി​ട​ത്തും പൊ​ട്ടി​പൊ​ളി​ഞ്ഞി​ട്ടു​ണ്ട്. വാ​ഹ​ന​ങ്ങ​ൾ ക​യ​റി താ​ഴ്ന്ന സ്ഥ​ല​ങ്ങ​ളി​ലെ​ല്ലാം വെ​ള്ളം ക​യ​റി കി​ട​ക്കു​ന്നു. മ​ണ്ണ് പ​രി​ശോ​ധ​ന​ക്കാ​യി കു​ഴി​ച്ച സ്ഥ​ല​ങ്ങ​ളി​ലെ​ല്ലാം മ​ൺ​കൂ​ന​ക​ൾ രൂ​പ​പ്പെ​ട്ടി​ട്ടു​ണ്ട്. സ്റ്റാ​ന്‍റിന്‍റെ ​മധ്യ​ഭാ​ഗ​ത്തു കൂ​ടി​യു​ള്ള ഓ​ട​യു​ടെ സ്ലാ​ബു​ക​ൾ പ​ല​യി​ട​ത്തും ഇ​ള​കി മാ​റാ​യി​. ചി​ല​ത് പൊ​ട്ടി​പൊ​ളി​ഞ്ഞി​ട്ടു​മു​ണ്ട്.

കൊ​ട്ടാ​ര​ക്ക​ര ന​ഗ​ര​സ​ഭ​യു​ടെ നി​യ​ന്ത്ര​ണ​ത്തി​ലാ​ണ് പ്രൈ​വ​റ്റ് ബ​സ് സ്റ്റാ​ന്‍റ്. ദി​നം​പ്ര​തി നൂ​റി​ല​ധി​കം ബ​സു​ക​ളാ​ണ് വ​ന്നു പോ​കു​ന്ന​ത്. ഒ​രോ ബ​സി​ൽ നി​ന്നും എ​ല്ലാ ദി​വ​സ​വും 20 രൂ​പ വെ​ച്ച് ന​ഗ​ര​സ​ഭ ഈ​ടാ​ക്കി​യും വ​രു​ന്നു.​ എ​ന്നി​ട്ടും ബ​സ് സ്റ്റാന്‍റിന്‍റെ വി​ക​സ​ന​ത്തി​നാ​യി ഒ​ന്നും ചെ​യ്യു​ന്നി​ല്ല. ജീ​വ​ന​ക്കാ​ർ​ക്കാ​യി ഒ​രു വി​ശ്ര​മ​മു​റി പോ​ലും ഇ​വി​ടെ​യി​ല്ല.

ബ​സ് തൊ​ഴി​ലാ​ളി​ക​ളു​ടെ​യും നാ​ട്ടു​കാ​രു​ടെ​യും നി​ര​ന്ത​ര ആ​വ​ശ്യ​ത്തെ തു​ട​ർ​ന്ന് സ്റ്റാ​ന്‍റ് ന​വീ​ക​ര​ണ​ത്തി​ന് 75 ല​ക്ഷം രൂ​പ ന​ഗ​ര​സ​ഭ അ​നു​വ​ദി​ച്ചിരുന്നു. ക​രാ​ർ ന​ൽ​കി​യ ശേ​ഷം ഇ​തി​ന്‍റെ ഉ​ദ്ഘാ​ട​ന​വും ന​ട​ത്തി. ​മ​ന്ത്രി കെ.എ​ൻ ബാ​ല​ഗോ​പാ​ലാ​യി​രു​ന്നു ഉ​ദ്ഘാ​ട​ക​ൻ. ഉ​ദ്ഘാ​ട​നം ന​ട​ത്തി​യെ​ങ്കി​ലും പണി ഒ​രി​ഞ്ചു​പോ​ലും മു​ന്നോ​ട്ടു പോ​കാ​ൻ ക​ഴി​ഞ്ഞി​ല്ല. സ​ങ്കേ​തി​ക പ്ര​ശ്ന​ങ്ങ​ൾ മൂ​ല​മാ​യി​രു​ന്നു ആ​ദ്യ മു​ട​ക്കം. അ​തു പ​രി​ഹ​രി​ക്ക​പ്പെ​ട്ടെ​ങ്കി​ലും ക​രാ​റു​കാ​ര​ൻ നി​ർ​മാ​ണ ജോ​ലി​ക​ൾ തു​ട​ങ്ങാ​ൻ ത​യാ​റാ​യി​ല്ല. ഉ​ട​ൻ ജോ​ലി​ക​ൾ തു​ട​ങ്ങു​മെ​ന്നാ​ണ് പു​തി​യ അ​റിയി​പ്പ്.

ക​രാ​റു​കാ​ര​ൻ ജോ​ലി​ക​ൾ തു​ട​ങ്ങി​യ​താ​ണ് ത​ട​സങ്ങ​ൾ​ക്ക് കാ​ര​ണ​മെ​ന്ന് ന​ഗ​ര​സ​ഭാ ചെ​യ​ർ​മാ​ൻ പ​റ​യു​ന്നു.​ ഇ​യാ​ളെ ഒ​ഴി​വാ​ക്കി പു​തി​യ ക​രാ​ർ ന​ൽ​കാ​ൻ ആ​ലോ​ച്ചി​രു​ന്ന​താ​ണ്. എ​ന്നാ​ൽ ഇ​യാ​ളി​പ്പോ​ൾ അ​ടു​ത്ത ആ​ഴ്ച​യി​ൽ ജോ​ലി ആ​രം​ഭി​ക്കാ​മെ​ന്ന് വ്യ​ക്ത​മാ​ക്കി​യി​ട്ടു​ള്ള​താ​യി ചെ​യ​ർ​മാ​ൻ എ​സ്.ആ​ർ ര​മേ​ശ് അ​റി​യി​ച്ചു.

Copyright @ 2022 , Rashtra Deepika Ltd.