കാ​ട്ടാ​ന​ക്കൂ​ട്ടം ജ​ന​വാ​സ മേ​ഖ​ല​യി​ൽ; ഉ​റ​ക്കം ന​ഷ്ട​പ്പെ​ട്ട് അ​മ്പ​തേ​ക്ക​ർ​ നി​വാ​സി​ക​ൾ
Thursday, February 29, 2024 2:27 AM IST
കു​ള​ത്തൂ​പ്പു​ഴ: കു​ള​ത്തൂ​പ്പു​ഴ ഗ്രാ​മ​പ​ഞ്ചാ​യ​ത്തി​ൽ രാ​പക​ൽ വ്യ​ത്യാ​സം ഇ​ല്ലാ​തെ കാ​ട്ടാ​ന​ക്കൂ​ട്ടം ജ​ന​വാ​സ മേ​ഖ​ല​യി​ൽ എ​ത്തി​യ​തോ​ടെ ഉ​റ​ക്കം ന​ഷ്ട​പ്പെ​ട്ട് അ​മ്പ​തേ​ക്ക​ർ​നി​വാ​സി​ക​ൾ. സെ​റ്റി​ൽ​മെ​ന്‍റ് കോ​ള​നി ഉ​ൾ​പ്പെ​ടു​ന്ന പ്ര​ദേ​ശ​ത്ത് പാ​ത​യോ​ര​ത്താ​ണ് ക​ഴി​ഞ്ഞ ഏ​താ​നും ദി​വ​സ​ങ്ങ​ളാ​യി കാ​ട്ടാ​ന​ക്കൂ​ട്ടം നി​ല​യുറപ്പി​ച്ചി​രി​ക്കു​ന്ന​ത്.

ക​ഴി​ഞ്ഞ ദിവസം പട്ടാപകൽ നാ​ട്ടു​കാ​ർ നോ​ക്കി നി​ൽ​ക്കെയാ​ണ് പ്ര​ധാ​ന പാ​ത മു​റി​ച്ചു കടന്ന് ആ​ന​ക്കൂ​ട്ടം സ​മീ​പ​ത്തെ തേ​ക്ക് പ്ലാ​ന്‍റേ​ഷ​നി​ൽ ക​ട​ന്ന​ത്.

വ​നം വ​കു​പ്പ് സെ​ൻ​ട്ര​ൽ ന​ഴ്സ​റി​യു​ടെ തോ​ട്ട​ത്തി​ൽ നി​ന്നും അ​ൻ​പ​തേക്ക​ർ പാ​ല​ത്തി​നു സ​മീ​പ​ത്ത് കൂ​ടിയാണ് കാട്ടാനകൾ പോകാറുള്ളത്. ആ​ഴ്ച​ക​ൾ​ക്ക് മു​മ്പ് നേ​ഴ്സ​റി​ക്ക് ചു​റ്റു​മു​ള്ള വ​നം വ​കു​പ്പ് സ്ഥാ​പി​ച്ചി​ട്ടു​ള്ള സൗ​രോ​ർ​ജ വേ​ലി മ​റി​ക​ട​ന്നാ​ണ് പോകുന്നത്.

ആ​ന​ക്കൂ​ട്ടം​ പു​റ​ത്തി​റ​ങ്ങി​ പു​ല​ർ​ച്ച​വ​രെ ആ​ദി​വാ​സി കോ​ള​നി​യോ​ട് ചേ​ർ​ന്നു​ള്ള കൃ​ഷി​യി​ട​ങ്ങ​ളി​ലും സ​മീ​പ​ത്തെ വ​ന​ത്തി​ലു​മാ​യി നി​ൽ​ക്കു​ക​യാ​യി​രു​ന്നു. പ്ര​ദേ​ശ​ത്ത് കാ​ട്ടു​പോ​ത്തു​ക്ക​ളു​ടെ സാ​ന്നി​ധ്യ​വും ജ​ന​ജീ​വി​ത​ത്തി​ന് സ്വൈ​രം കെ​ടു​ത്തു​ന്നു. ഈ ​പ്ര​ദേ​ശ​ത്തേ​ക്കു​ള്ള രാ​ത്രി യാ​ത്ര ഭ​യ​ത്തോ​ടെ​യാ​ണ് നി​വാ​സി​ക​ൾ കാണുന്നത്. കു​ള​ത്തൂ​പ്പു​ഴ ടൗ​ണി​ൽ നി​ന്നും അ​വ​രു​ടെ താ​മ​സ സ്ഥ​ല​ത്തേ​ക്ക് ജോ​ലി​യും മ​റ്റും ക​ഴി​ഞ്ഞ് ക​ട​ന്നു​പോ​കു​ന്ന​ത് ജീവൻ പണയം വച്ചാണ്. കാ​ട്ടു​മൃ​ഗ​ങ്ങ​ളെ ജ​ന​വാ​സ മേ​ഖ​ല​യി​ൽ നി​ന്നും തു​ര​ത്തു​ന്ന​തി​ന് വേ​ണ്ട ന​ട​പ​ടി​ക​ൾ​ വ​നം​വ​കു​പ്പ് അ​ടി​യ​ന്ത​ര​മാ​യി കൈ​ക്കൊ​ള്ള​ണ​മെ​ന്നാ​ണ് പ്ര​ദേ​ശ​ത്തെ താ​മ​സ​ക്കാ​രു​ടെ ആ​വ​ശ്യം.