കുണ്ടറ: കെ എം മാണിയുടെ 90-ാം ജന്മദിനാഘോഷങ്ങളുടെ ഭാഗമായി കേരള കോൺഗ്രസ് -എം പ്രവർത്തകരുടെ നേതൃത്വത്തിൽ കുണ്ടറ നിയോജക മണ്ഡലത്തിൽ കാരുണ്യ ദിനം ആചരിച്ചു.
കുണ്ടറ സെന്‍റ് ലൂയിസ് ഹൗസിൽ നടന്ന ചടങ്ങിൽ അന്തേവാസികൾക്ക് ആവശ്യമായ നിത്യോപയോഗ സാധനങ്ങൾ പ്രവർത്തകർ ഉപഹാരമായി എത്തിച്ചു നൽകി.
കേരള കോൺഗ്രസ് -എം കുണ്ടറ നിയോജകമണ്ഡലം പ്രസിഡന്‍റ് വെങ്കിട്ട രമണൻ പോറ്റി അധ്യക്ഷത വഹിച്ച യോഗം സിസ്റ്റർ ലൂസി കുന്നേൽ ഉദ്ഘാടനം ചെയ്തു. യോഗത്തിൽ സംസ്ഥാന കമ്മിറ്റി അംഗം അനിൽ സാബു, സിസ്റ്റർ എലിസബത്ത് എന്നിവർ മുഖ്യപ്രഭാഷണം നടത്തി. സിസ്റ്റർ തെരേസ, സിസ്റ്റർ തെരസിറ്റ, കെ.റ്റി.യു.സി.എം. സംസ്ഥാന ജനറൽ സെക്രട്ടറി എ. പി ജർമിയാസ് , കെ സി കുഞ്ഞുമോൻ, ഷാനവാസ് കരീം, ജോയ് പേരയം, വി ജി ആന്‍റണി, എസ് ജോയ്, മുഖത്തല മുരളീധരൻ എന്നിവർ പ്രസംഗിച്ചു.
ചവറ: കേരളാ കോൺഗ്രസ് -എംതേവലക്കര മണ്ഡലം കമ്മിറ്റി യുടെ ആഭിമുഖ്യത്തിൽ കെ.എം മാണിയുടെ 90 മത് ജന്മദിനം കാരുണ്യ ദിനമായി ആഘോഷിച്ചു. തേവലക്കര സ്നേഹാലയത്തിലെ അന്തേവാസികൾക്ക് ഭക്ഷണം നൽകി കൊണ്ടാണ് ജന്മദിനാഘോഷം സംഘടിപ്പിച്ചത്.
തുടർന്നു നടന്ന ജന്മദിന സമ്മേളനം ജില്ലാ പഞ്ചായത്ത് അംഗം എസ്. സോമൻ ഉദ്ഘാടനം ചെയ്തു. ആർ.വി.എഫ്രം അധ്യക്ഷനായി . ബ്ലോക്ക് പഞ്ചായത്ത് അംഗം ജോസ് വിമൽരാജ് ,സി.പി.എം ജില്ലാ കമ്മിറ്റി അംഗം അഡ്വ.ജി.മുരളിധരൻ, കേരളാ കോൺഗ്രസ് സംസ്ഥാന സെക്രട്ടറിയേറ്റ് മെമ്പർ ചവറ ഷാ, നിയോജക മണ്ഡലം ജനറൽ സെക്രട്ടറി ആൻഡ്രൂസ് സിൽവ ,റെഷീദ് വെട്ടിക്കാടൻ , ഇരമചം പള്ളിൽ റഹീം, സി.എച്ച് സക്കീർ ,ഫ്രങ്കോ വിൻസെന്‍റ് തുടങ്ങിയവർ പ്രസംഗിച്ചു.