കരുനാഗപ്പള്ളി: കുലശേഖരപുരം ഗ്രാമപഞ്ചായത്തിൽ വിവിധ പദ്ധതികളുടെ ഉദ്ഘാടനവും ആനുകൂല്യ വിതരണവും ഫെബ്രുവരി ഒന്നുമുതൽ പത്തുവരെ വിവിധ പരിപാടികളോടെ സംഘടിപ്പിക്കുമെന്ന് ഭാരവാഹികൾ അറിയിച്ചു.
2022- 23 വാർഷിക പദ്ധതിയിൽ ഉൾപ്പെടുത്തി നടപ്പാക്കുന്ന 12 പദ്ധതികളുടെ ഉദ്ഘാടനവും ആനുകൂല്യ വിതരണവും വിവിധ ദിവസങ്ങളിലായി നടക്കും. സ്ത്രീകൾക്കായുള്ള പ്രത്യേക ആയുർവേദ ചികിത്സാ പദ്ധതിയുടെ ഉദ്ഘാടനം, പഞ്ചായത്തിലെ 115 വൃദ്ധജനങ്ങൾക്കുള്ള കട്ടിൽ വിതരണം, പതിമൂന്നോളം ഗ്രന്ഥശാലകൾക്കുള്ള ഫർണിച്ചർ വിതരണം എന്നീ പദ്ധതികൾക്കുമായി എട്ടു ലക്ഷം രൂപയാണ് മാറ്റിവെച്ചിരിക്കുന്നത്.
ഭൗമസൂചിക പദവി ലഭിച്ച ആദിനാട് തേങ്ങയുടെ വേറിട്ട തെങ്ങിനത്തിന്റെ വിത്ത് തേങ്ങാ സംഭരണത്തിന്റെയും, സ്കൂളുകൾക്ക് നൽകുന്ന ഫർണിച്ചർ വിതരണത്തിന്റെയും, ക്ഷീരകർഷകർക്കുള്ള കറവ യന്ത്ര വിതരണ ഉദ്ഘാടനം, ലൈഫ് പദ്ധതിയിലെ ആദ്യ ഗഡു വിതരണം, 52 ഓളം കുടുംബങ്ങളുടെ ഗുണഭോക്തൃ സംഗമവും ഭിന്നശേഷി അംഗങ്ങൾ ഉൾപ്പെട്ട കുടുംബങ്ങൾക്കുള്ള ആനുകൂല്യ വിതരണം, കേര കർഷകർക്ക് ജൈവവള വിതരണം, വിദ്യാർഥികൾക്ക് ലാപ് ടോപ്പുകളുടെ വിതരണം, ഹരിതകർമ സേനയ്ക്ക് വാങ്ങിയ ഇലക്ട്രിക്ക് വാഹനത്തിന്റെ ഫ്ലാഗ് ഓഫ്, 322 ഗുണഭോക്താക്കൾക്കുള്ള പോത്തുകുട്ടി വിതരണത്തിന്റെ ഉദ്ഘാടനം എന്നിവയുൾപ്പെടെ പദ്ധതികളാണ് പഞ്ചായത്ത്തുക വകയിരുത്തിയിരിക്കുന്നതെന്നും അധികൃതർ അറിയിച്ചു.
ഓണാട്ടുകരയുടെ കാർഷിക സമൃദ്ധി തിരിച്ചുപിടിക്കുന്നതിന് കാർഷിക മേഖലയ്ക്ക് ഊന്നൽ നൽകി കൊണ്ടുള്ള പദ്ധതികൾ നടപ്പിലാക്കി വരികയാണെന്നും ഓണാട്ടുകര എള്ളിന്റെ വിത്തുല്പാദനത്തിനു വേണ്ടിയുള്ള പദ്ധതി കേരഫെഡ് കോമ്പൗണ്ടിലുള്ള കൃഷിയിടത്തിൽ ആരംഭിച്ചു കഴിഞ്ഞതായും പഞ്ചായത്ത് പ്രസിഡന്റ് മിനിമോൾ നിസാം, വൈസ് പ്രസിഡന്റ് എസ് നാസർ, പഞ്ചായത്ത് സെക്രട്ടറി ജനചന്ദ്രൻ, പഞ്ചായത്തംഗം എസ്. സുജിത്ത് എന്നിവർ അറിയിച്ചു.
ടെന്ഡര് ക്ഷണിച്ചു
കൊല്ലം: കേരളാ മാരിടൈം ബോര്ഡിന്റെ അധീനതയിലുള്ള എം.ടി മലബാര്, എം.ടി ധ്വനി ടഗ്ഗുകളിലെ അറ്റകുറ്റപ്പണികള്ക്കായി പെയിന്റും അനുബന്ധ ഉപകരണങ്ങളും വിതരണം ചെയ്യുന്നതിന് ടെന്ഡര് ക്ഷണിച്ചു.. വിവരങ്ങള്ക്ക് തുറമുഖ ഓഫീസര്, തുറമുഖ ഓഫീസ്, ആശ്രാമം കൊല്ലം-02, അസിസ്റ്റന്റ് എക്സിക്യൂട്ടീവ് എഞ്ചിനീയര്, മെക്കാനിക്കല് എഞ്ചിനീയറിംഗ് വര്ക്ക്ഷോപ്പ്, പള്ളിത്തോട്ടം കൊല്ലം-06, 0474 2749789, 9495719835.