കൊല്ലം: ഭിന്നശേഷിക്കാരുടെ സംഘടനയായ ഡിഎഡബ്ല്യൂഎഫ് സംസ്ഥാന സമ്മേളനം ഇന്നും നാളെയും കൊല്ലം സി.കേശവൻ മെമ്മോറിയൽ ടൗൺ ഹാളിൽ നടക്കും.
ഇന്ന് രാവിലെ ഒമ്പതിന് ഡിഎഡബ്ല്യുഎഫ് സംസ്ഥാന പ്രസിഡന്റ് പരശുവയ്ക്കൽ മോഹനൻ പതാക ഉയർത്തുന്നതോടെ സമ്മേളനം ആരംഭിക്കും. രാവിലെ പത്തിന് പ്രതിനിധി സമ്മേളനം മന്ത്രി ഡോ.ആർബിന്ദു ഉദ്ഘാടനം ചെയ്യും. സ്വാഗതസംഘം ചെയർമാൻ എസ്.സുദേവൻ, എൻപിആർഡി ജനറൽ സെക്രട്ടറി വി.മുരളീധരൻ, ഡിഎ..ഡബ്ല്യുഎഫ് സംസ്ഥാന രക്ഷാധികാരി എം.സ്വരാജ്, കെ..എസ്എഫ്ഇ ചെയർമാൻ കെ.വരദരാജൻ, സിപിഎം സംസ്ഥാന കമ്മിറ്റി അംഗം എം.എച്ച്. ഷാരിയർ, മേയർ പ്രസന്ന ഏണസ്റ്റ്, എം.മുകേഷ് എംഎൽഎ, ഡോ.സുജിത്ത് വിജയൻപിള്ള എംഎൽഎ എന്നിവരും സംബന്ധിക്കും. തുടർന്ന് ഭാരവാഹികളുടെ തെരഞ്ഞെടുപ്പ്.
നാളെ ഉച്ചകഴിഞ്ഞ് 3.30 ന് കന്റോൺമെന്റ് മൈതാനിയിൽ ന ചേരുന്ന പൊതുസമ്മേളനം സിപിഎം സംസ്ഥാന സെക്രട്ടറി എം.വി.ഗോവിന്ദൻ മാസ്റ്റർ ഉദ്ഘാടനം ചെയ്യും. മന്ത്രി കെ.എൻ.ബാലഗോപാൽ, എൻപിആർഡി ജനറൽ സെക്രട്ടറി വി.മുരളീധരൻ, എം.സ്വരാജ്, മുൻ എംപി പി. രാജേന്ദ്രൻ മുൻമന്ത്രി ജെ.മേഴ്സികുട്ടിയമ്മ, എം.നൗഷാദ് എംഎൽഎ എന്നിവരും ഡിഎഡബ്ല്യുഎഫ് സംസ്ഥാന ഭാരവാഹികളും പങ്കെടുക്കും.
സംഘാടക സമിതി ചെയർമാൻ എസ്.സുദേവൻ, ജനറൽ കൺവീനർ എക്സ്.ഏണസ്റ്റ്, ഡി എഡബ്ല്യുഎഫ് സംസ്ഥാന പ്രസിഡന്റ് പരശുവയ്ക്കൽ മോഹനൻ, ജില്ലാ സെക്രട്ടറി അരവിന്ദാക്ഷൻ നായർ, പ്രസിഡന്റ് അത്തിക്കൽ സുനിൽകുമാർ എന്നിവർ പത്രസമ്മേളനത്തിൽ പങ്കെടുത്തു.