കരുനാഗപ്പള്ളി : കേരഫെഡിന്റെ വൈവിധ്യവൽക്കരണം വേഗത്തിലാക്കണമെന്ന് കേരഫെഡ് വർക്കേഴ്സ് യൂണിയൻ (സിഐടിയു) വാർഷിക സമ്മേളനം ആവശ്യപ്പെട്ടു.
ഡീലർഷിപ്പ് നൽകുന്നതിലെ അപാകതകൾ പരിഹരിച്ച് മാർക്കറ്റിംഗ് രംഗം ശക്തിപ്പെടുത്തി കേരഫെഡ് ഉൽപ്പന്നങ്ങൾ എല്ലാ സ്ഥലങ്ങളിലും ലഭ്യമാക്കാൻ നടപടി സ്വീകരിക്കണമെന്നും സമ്മേളനം ആവശ്യപ്പെട്ടു.
സിഐടിയു ഏരിയ സെക്രട്ടറി എ അനിരുദ്ധൻ ഉദ്ഘാടനം ചെയ്തു. യൂണിയൻ പ്രസിഡന്റ് പി ആർ വസന്തൻ അധ്യക്ഷനായി. ഗിരീഷ് രക്തസാക്ഷി പ്രമേയവും അനിൽകുമാർ അനുശോചന പ്രമേയവും അവതരിപ്പിച്ചു. സിപിഎം ഏരിയ സെക്രട്ടറി പി കെ ജയപ്രകാശ്, സിഐടിയു ഏരിയ പ്രസിഡന്റ് വി ദിവാകരൻ, ഡി രാജൻ, ബി കൃഷ്ണകുമാർ, പി എസ് സലീം, സദാനന്ദൻ, ജെ രവീന്ദ്രൻ എന്നിവർ പ്രസംഗിച്ചു.
ഭാരവാഹികളായി പി ആർ വസന്തൻ ( പ്രസിഡന്റ്), പി ജി വിജയകുമാർ (വർക്കിംഗ് പ്രസിഡന്റ്), സതീശൻ, അനിൽകുമാർ ,രൂപേഷ് (വൈസ് പ്രസിഡന്റ്), ജെ രവീന്ദ്രൻ (ജനറൽ സെക്രട്ടറി), കെ മോഹനൻ, ഗിരീഷ്, പി കെ പ്രസന്നൻ (ജോയിന്റ് സെക്രട്ടറി), കെ അനിൽകുമാർ (ട്രഷറർ) എന്നിവരെ തെരഞ്ഞെടുത്തു.