ശാസ്താംകോട്ട: കോവിഡ് രണ്ടാം ഘട്ട ജാഗ്രത പ്രവർത്തനങ്ങൾ ഊർജിതപെടുത്തുവാൻ പടിഞ്ഞാറേകല്ലട ഗ്രാമപഞ്ചായത്ത് ഭരണസമിതിയുടെയും പഞ്ചായത്ത് തല ജാഗ്രത സമതിയുടെയും യോഗങ്ങൾ തീരുമാനിച്ചു.
യുദ്ധകാലാടിസ്ഥാനത്തിലുള്ള പ്രവർത്തനങ്ങൾ നടപ്പിലാക്കും. ആംബുലൻസ് സൗകര്യവും ടാക്സി ഓട്ടോ സൗകര്യവും പഞ്ചയാത്ത് ചിലവിൽ നടപ്പിലാക്കും. എല്ലാ ദിവസവും ഉച്ചക്ക് 1.30ന് പഞ്ചായത്ത് പ്രസിഡന്റ്, വൈസ് പ്രസിഡന്റ്്, സ്റ്റാൻഡിംഗ് കമ്മിറ്റി ചെയർമാൻമാർ, മെഡിക്കൽ ഓഫീസർ, സെക്ടറൽ മജിസ്ട്രേറ്റ്, റവന്യൂ, പോലീസ് അധികാരികളും ചേർന്നുള്ള പഞ്ചായത്ത് തല കോവിഡ് ഉന്നതാധികാര സമിതി യോഗം ചേർന്നു. സ്ഥിതി ഗതികൾ വിലയിരുത്തി നടപടികൾ സ്വീകരിക്കുവാനും അതോടൊപ്പം ഡോക്ടറുടെ സന്ദേശം ജനങ്ങൾക്കായി പഞ്ചായത്ത് തല മാധ്യമങ്ങൾ വഴി സമർപ്പിയ്ക്കാനും തീരുമാനമായി.
പതിനാല് വാർഡുകളിലും കോവിഡ് ജാഗ്രതാ സമതികൾ കൂടുതൽ കാര്യക്ഷമമാക്കുവാനും ഓരോ വാർഡിലും പൂർണസമയ ഒരു ആരോഗ്യ വാളന്റിയറെ നിയമിക്കുകയും ചെയ്യും.
രോഗികളെയും ക്വാറന്റീനിൽ കഴിയുന്നവവരെയും സഹായിക്കാൻ ആഗ്രഹിക്കുന്നവർ പഞ്ചായത്തിൽ ആരംഭിച്ച വാർ റൂം ആയി ബന്ധപെടേണ്ടതാണ്. കോവിഡ്19 കൂടുതൽ വഷളായി കൊണ്ടിരിക്കുന്ന പഞ്ചായത്തിൽ കടുത്ത നിയന്ത്രണങ്ങളും പരിശോധയും നടത്തുവാൻ തീരുമാനിച്ചു.
ആർറ്റി പി സി ആർ ടെസ്റ്റ് ഇന്ന് വാർഡ് 12 ൽ രാവിലെ ഒന്പതിന് ആരംഭിക്കും. ആശാവർക്കർ ടെസ്റ്റ് നടത്തേണ്ടവരുടെ ലിസ്റ്റ് തയാറാക്കി സമയം നിശ്ചയിച്ചു കുടുംബങ്ങൾക്ക് നൽകും.
ഇന്ന് 13,14 വാർഡുകാർക്ക് കോതപുരം ഗവ.എൽ പി സ്കൂളിൽ ടെസ്റ്റ് നടത്തും. ഒരു വാർഡിൽ 50 പേർ എന്ന ക്രമത്തിൽ ലിസ്റ്റ് തയാറാക്കും. നാളെ ഒന്നും രണ്ടും വാർഡുകൾക്കും നാലിന് മൂന്നും നാലും വാർഡുകൾക്കും ആറിന് 5,6,7 വാർഡുകൾക്കും ഏഴിന് എട്ടുമുതൽ 11 വരെ ഉള്ള വാർഡുകൾക്കും ടെസ്റ്റ് നടത്തും.
ഈ ദിവസങ്ങളിൽ ഏറെ പ്രയാസം നേരിടുന്നവരെ വാർഡ് നോക്കാതെ ടെസ്റ്റ് നടത്തും. ഗ്രാമപഞ്ചായത്തു പ്രസിഡന്റ് ഡോ. സി. ഉണ്ണികൃഷ്ണൻ അധ്യക്ഷത വഹിച്ചു. വൈസ് പ്രസിഡന്റ് കെ സുധ, സ്റ്റാൻഡിങ് കമ്മിറ്റി ചെയര്മാന്മാരായ ഉഷാലയം ശിവരാജൻ, കെ സുധീർ, ജെ അംബിക കുമാരി, സെക്ടറൽ മജിസ്ട്രേറ്റ് സീമ, മെഡിക്കൽ ഓഫീസർ, വില്ലേജ് ഓഫീസർ, പോലീസ് സബ് ഇൻസ്പെക്ടർ, ഐസിഡിസി സൂപ്പർവൈസർ, സി ഡി എസ്. ചെയർപേഴ്സൺ, ആയുർവേദ മെഡിക്കൽ ഓഫീസർ, തുടങ്ങിയവർ പങ്കെടുത്തു.