നവീകരിച്ച പ്രസ്‌ക്ലബ് കെട്ടിടം ഉദ്ഘാടനം ചെയ്തു
1459341
Sunday, October 6, 2024 6:55 AM IST
കാസര്‍ഗോഡ്: പ്രസ്‌ക്ലബുകള്‍ക്ക് സമൂഹത്തില്‍ പ്രധാനപ്പെട്ട ചില ധര്‍മങ്ങള്‍ നിര്‍വഹിക്കാനുണ്ടെന്ന് മുഖ്യമന്ത്രി പിണറായി വിജയന്‍. കാസര്‍ഗോഡ് പ്രസ് ക്ലബിന്‍റെ നവീകരിച്ച കെട്ടിടം ഓണ്‍ലൈനായി ഉദ്ഘാടനം ചെയ്തു പ്രസംഗിക്കുകയായിരുന്നു മുഖ്യമന്ത്രി.
മാധ്യമപ്രവര്‍ത്തകരുടെ ഒത്തൊരുമയ്ക്കും കൂട്ടായ മുന്നേറ്റത്തിനും ക്ഷേമത്തിനും കരുത്താകുക എന്നതോടൊപ്പം മാധ്യമവിദ്യാഭ്യാസത്തിന് അവസരം ഒരുക്കുന്നതിലും സാമൂഹിക പ്രതിബദ്ധതയുള്ള മാധ്യമസംസ്‌കാരം വളര്‍ത്തിയെടുക്കുന്നതിലും പ്രസ് ക്ലബുകള്‍ക്ക് വലിയ പങ്കുവഹിക്കാന്‍ സാധിക്കുമെന്നും അദ്ദേഹം കൂട്ടിച്ചേര്‍ത്തു.
മന്ത്രി പി.എ. മുഹമ്മദ് റിയാസ് അധ്യക്ഷത വഹിച്ചു. എന്‍.എ. നെല്ലിക്കുന്ന് എംഎല്‍എ ശിലാഫലകം അനാഛാദനം ചെയ്തു. സി.എച്ച്. കുഞ്ഞമ്പു എംഎല്‍എ കോണ്‍ഫറന്‍സ് ഹാള്‍ ഉദ്ഘാടനം ചെയ്തു.
ജില്ലാ പഞ്ചായത്ത് പ്രസിഡന്‍റ് ബേബി ബാലകൃഷ്ണന്‍, നഗരസഭ ചെയര്‍മാന്‍ അബ്ബാസ് ബീഗം എന്നിവര്‍ മുഖ്യാതിഥികളായി.
ജില്ലാ പഞ്ചായത്ത് വൈസ് പ്രസിഡന്‍റ് ഷാനവാസ് പാദൂര്‍, നഗരസഭ കൗണ്‍സിലര്‍ പി. രമേശ്, കെയുഡബ്ല്യുജെ സംസ്ഥാന പ്രസിഡന്‍റ് എ.വി. വിനീത, ജനറല്‍ സെക്രട്ടറി ആര്‍. കിരണ്‍ബാബു, മീഡിയ അക്കാദമി വൈസ് ചെയര്‍മാന്‍ ഇ.എസ്. സുഭാഷ്,
ജില്ലാ ഇന്‍ഫര്‍മേഷന്‍ ഓഫീസര്‍ എം. മധുസൂദനന്‍, പിഡബ്ല്യുഡി അസി. എക്സിക്യൂട്ടീവ് എന്‍ജിനിയര്‍ പി.എം. യമുന എന്നിവര്‍ പ്രസംഗിച്ചു. പ്രസ്‌ക്ലബ് പ്രസിഡന്‍റ് മുഹമ്മദ് ഹാഷിം സ്വാഗതവും സെക്രട്ടറി കെ.വി. പത്മേഷ് നന്ദിയും പറഞ്ഞു.