തൃക്കരിപ്പൂർ: ചൈനയിലെ ക്വിൻഗാഡോയിൽ നടന്ന ഏഷ്യൻ ബീച്ച് സെപക്‌താക്രോ അണ്ടർ- 23 ചാമ്പ്യൻഷിപ്പിൽ വെള്ളി മെഡൽ നേടിയ ഇന്ത്യൻ ടീം അംഗമായ വലിയപറമ്പിലെ തീർഥ രാമനും ടീം പരിശീലകൻ കെ.വി. ബാബുവിനും തൃക്കരിപ്പൂർ റെയിൽവേ സ്റ്റേഷനിൽ
സ്വീകരണം നല്കി.
ജില്ലാ സെപക്‌താക്രോ അസോസിയേഷനും വലിയപറമ്പ് പഞ്ചായത്തും വലിയപറമ്പ് കെജിഎം സ്പോട്സ് ക്ലബും ചേർന്നാണ് വരവേല്പ് നല്കിയത്.വലിയപറമ്പ് പഞ്ചായത്ത് പ്രസിഡന്‍റ് വി.വി. സജീവൻ സ്വീകരണ ചടങ്ങ്ഉദ്ഘാടനം ചെയ്തു. സിനിമാ നടൻ പി.പി. കുഞ്ഞികൃഷ്ണൻ മുഖ്യാതിഥിയായിരുന്നു. ടി.വി. ബാലൻ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്‍റ് പി. ശ്യാമള, കെ. മധുസൂദനൻ, ബ്ലോക്ക് സ്ഥിരംസമിതി അധ്യക്ഷൻ കെ. അനിൽകുമാർ, പഞ്ചായത്ത് സ്ഥിരംസമിതി അധ്യക്ഷരായ ഇ.കെ. മല്ലിക, ഖാദർ പാണ്ഡ്യാല, കെ. മനോഹരൻ, ജില്ലാ സ്പോർട്സ് കൗൺസിൽ വൈസ് പ്രസിഡന്‍റ് പി.പി. അശോകൻ, കെ. അജിത, ഇ.കെ. ഷാജി, മധു കൊളങ്ങര, സി. കുമാരൻ എന്നിവർ പ്രസംഗിച്ചു.