കാഞ്ഞങ്ങാട്: യൂണിവേഴ്സല് റിക്കാര്ഡ് ബുക്കിന്റെ നാഷണല് സോഷ്യല് വര്ക്കര് ഐക്കണ് അവാര്ഡ് ചട്ടഞ്ചാല് എച്ച്എസ്എസ് അധ്യാപകന് രതീഷ് പിലിക്കോടിന് സമര്പ്പിച്ചു. കാഞ്ഞങ്ങാട് ബാലാജി റീജന്സി ഹാളില് നടന്ന ചടങ്ങില് സാഹിത്യനിരൂപകന് ഇ.പി. രാജഗോപാലന് അവാര്ഡ് കൈമാറി.
അരവിന്ദന് മാണിക്കോത്ത് അധ്യക്ഷത വഹിച്ചു. സത്താര് ആദൂര്, സുറാബ്, എ.എം. ശ്രീധരന്, കെ.വി. സജീവന്, ജിനേഷ്കുമാര് എരമം, പ്രമോദ് അടുത്തില, കെ.വി. രഘുനാഥന്, ബാലകൃഷ്ണന് പെരിയ, വാസുദേവന് നമ്പൂതിരി, ടി.വി. ശ്രീധരന്, ഉണ്ണികൃഷ്ണന് അണിഞ്ഞ, രാജന് പൊയിനാച്ചി, പി.പി. രാജന്, വിനോദ്കുമാര് പെരുമ്പള, സുലൈമാന് ബാദുഷ, രതീഷ് ആവണി, അശോകന് കോടോത്ത്, സജി വാതപ്പള്ളി പി. ബാബുരാജ് എന്നിവര് പ്രസംഗിച്ചു. മുരളീധരന് പാലമംഗം സ്വാഗതവും സന്തോഷ് പനയാല് നന്ദിയും പറഞ്ഞു.