രാ​ജ​പു​രം വൈ​ദ്യു​ത സെ​ക്‌ഷന്‍ ഓ​ഫീ​സി​ന് സ്വ​ന്തം കെ​ട്ടി​ട​മൊ​രു​ങ്ങും
Thursday, February 29, 2024 2:47 AM IST
രാ​ജ​പു​രം: രാ​ജ​പു​രം വൈ​ദ്യു​തി സെ​ക്‌ഷന്‍ ഓ​ഫീ​സി​ന് സ്വ​ന്തം കെ​ട്ടി​ട​മൊ​രു​ങ്ങും. രാ​ജ​പു​രം ഹോ​ളി​ഫാ​മി​ലി ഹ​യ​ര്‍ സെ​ക്ക​ന്‍​ഡ​റി സ്‌​കൂ​ള്‍ റി​ട്ട. മു​ഖ്യാ​ധ്യാ​പ​ക​നും പൊ​തു​പ്ര​വ​ർ​ത്ത​ക​നു​മാ​യ രാ​ജ​പു​ര​ത്തെ കു​ഴി​ക്കാ​ട്ടി​ല്‍ കെ.​ടി. മാ​ത്യു കെ​ട്ടി​ടം നി​ർ​മി​ക്കു​ന്ന​തി​നാ​യി സ്ഥ​ലം സൗ​ജ​ന്യ​മാ​യി ന​ല്കി​യ​തോ​ടെ​യാ​ണ് കെ​ട്ടി​ട​നി​ർ​മാ​ണ​ത്തി​ന് വ​ഴി​തെ​ളി​ഞ്ഞ​ത്. രാ​ജ​പു​രം ബി​എ​സ്എ​ന്‍​എ​ൽ ഓ​ഫീ​സി​നു സ​മീ​പ​മു​ള്ള 15 സെ​ന്‍റ് സ്ഥ​ല​മാ​ണ് സൗ​ജ​ന്യ​മാ​യി കൈ​മാ​റിയത്.

സ​മ്മ​ത​പ​ത്രം ക​ള്ളാ​ര്‍ പ​ഞ്ചാ​യ​ത്ത് പ്ര​സി​ഡ​ന്‍റ് ടി.​കെ. നാ​രാ​യ​ണ​ന്‍ വൈ​ദ്യു​ത വ​കു​പ്പ് കാ​ഞ്ഞ​ങ്ങാ​ട് ഇ​ല​ക്ട്രി​ക്ക​ല്‍ സെ​ക്‌ഷൻ എ​ക്‌​സി. എ​ന്‍​ജി​നി​യ​ര്‍ ടി.​പി. ആ​ശ​യ്ക്ക് കൈ​മാ​റി. കാ​ല​ങ്ങ​ളാ​യി രാ​ജ​പു​രം ടൗ​ണി​ൽ വാ​ട​ക​കെ​ട്ടി​ട​ത്തി​ലാ​ണ് സെ​ക്‌ഷന്‍ ഓ​ഫീ​സ് പ്ര​വൃ​ത്തി​ക്കു​ന്ന​ത്. വൈ​ദ്യു​തീ​ക​ര​ണ​ത്തി​ന് അ​വ​ശ്യ​മാ​യ സാ​ധ​ന​ങ്ങ​ള്‍ സൂ​ക്ഷി​ക്കാ​ന്‍ യാ​ര്‍​ഡ് പോ​ലും ഇ​ല്ലാ​തെ ബു​ദ്ധി​മു​ട്ടു​ന്ന അ​വ​സ്ഥ​യി​ലാ​ണ് ഓ​ഫീ​സ് ഉ​ണ്ടാ​യി​രു​ന്ന​ത്.

നി​ല​വി​ൽ സാ​ധ​ന​ങ്ങ​ൾ പാ​ത​യോ​ര​ത്ത് കൂ​ട്ടി​യി​ടു​ക​യാ​ണ്. ഓ​ഫീ​സി​നാ​യി മൂ​ന്നു​വ​ര്‍​ഷം മു​ന്‍​പ് ത​ന്നെ 10 സെ​ന്‍റ് കൈ​മാ​റാ​ന്‍ കെ.​ടി. മാ​ത്യു സ​ന്ന​ദ്ധ​ത അ​റി​യി​ച്ചി​രു​ന്നു. എ​ന്നാ​ല്‍ സ്ഥ​ല​ത്തേ​ക്ക് റോ​ഡി​ല്ലാ​ത്ത​തി​നാ​ലും സ്ഥ​ലം കു​റ​വാ​യ​തി​നാ​ലും കൈ​മാ​റ്റം ന​ട​ന്നി​ല്ല.

പി​ന്നീ​ട് റോ​ഡ് സൗ​ക​ര്യ​മ​ട​ക്കം ഒ​രു​ക്കി​യാ​ണ് സ്ഥ​ലം കൈ​മാ​റു​ന്ന​ത്. സ്ഥ​ല​പ​രി​മി​തി കാ​ര​ണം ഓ​ഫീ​സ് രാ​ജ​പു​ര​ത്ത് നി​ന്നും ഒ​ട​യം​ചാ​ലി​ലേ​ക്ക് മാ​റ്റാ​നു​ള്ള ആ​ലോ​ച​ന​യും വ​കു​പ്പ് ത​ല​ത്തി​ല്‍ ഉ​ണ്ടാ​യി​രു​ന്നു. ഇ​തേ​തു​ട​ർ​ന്ന് രാ​ജ​പു​രം വി​ക​സ​ന സ​മി​തി​യു​ടെ നേ​തൃ​ത്വ​ത്തി​ല്‍ വൈ​ദ്യു​ത സെ​ക്‌ഷന്‍ ഓ​ഫീ​സ് മാ​റ്റ​രു​തെ​ന്ന് ആ​വ​ശ്യ​പ്പെ​ട്ട് അ​ധി​കൃ​ത​ര്‍​ക്ക് നി​വേ​ദ​നം ന​ല്കി​യി​രു​ന്നു. ഇ​ന്ന​ലെ ഡെ​പ്യൂ​ട്ടി ചീ​ഫ് എ​ന്‍​ജി​നി​യ​ര്‍ കെ.​എ​സ്. സ​ഹി​ദ​യു​ടെ നേ​തൃ​ത്വ​ത്തി​ല്‍ സ്ഥ​ല പ​രി​ശോ​ധ​ന ന​ട​ത്തി അം​ഗീ​ക​രി​ച്ച​തോ​ടെ​യാ​ണ് സ​മ്മ​ത​പ​ത്രം കൈ​മാ​റി​യ​ത്.

അ​സി. എ​ക്‌​സി​ക്യൂ​ട്ടീ​വ് എ​ന്‍​ജി​നീ​യ​ര്‍ പി. ​സ​ന്തോ​ഷ് കു​മാ​ര്‍, അ​സി. എ​ന്‍​ജി​നീ​യ​ര്‍ കെ. ​ഭാ​സ്‌​ക​ര​ന്‍, സ​ബ് എ​ന്‍​ജി​നി​യ​ര്‍ കെ. ​അ​നി​ല്‍ കു​മാ​ര്‍, കെ.​ടി. മാ​ത്യു, ഫാ. ​ബേ​ബി ക​ട്ടി​യാ​ങ്ക​ല്‍, രാ​ജ​പു​രം വി​ക​സ​ന സ​മി​തി ഭാ​ര​വാ​ഹി​ക​ള്‍, വൈ​ദ്യു​ത സെ​ക്‌ഷൻ ജീ​വ​ന​ക്കാ​ര്‍ എ​ന്നി​വ​ര്‍ പ​ങ്കെ​ടു​ത്തു.