ഭീമനടി: കെപിസിസി നിര്ദേശപ്രകാരം കോൺഗ്രസ് എളേരി മണ്ഡലം കമ്മിറ്റി എളേരി, ഭീമനടി എന്നിങ്ങനെ രണ്ടായി വിഭജിച്ചു. ഭീമനടി മണ്ഡലം പ്രസിഡന്റായി സി.എ. ബാബുവിനെയും എളേരി മണ്ഡലം പ്രസിഡന്റായി എ.വി. ഭാസ്കരനെയും നിയമിച്ചു.
ഭീമനടി രാജീവ് ഭവനില് ചേര്ന്ന സ്ഥാനാരോഹണയോഗം കെപിസിസി അംഗം കരിമ്പില് കൃഷ്ണന് ഉദ്ഘാടനം ചെയ്തു. എളേരി ബ്ലോക്ക് കോണ്ഗ്രസ് പ്രസിഡന്റ് ജോയി ജോസഫ് അധ്യക്ഷത വഹിച്ചു.
കെപിസിസി അംഗം ശാന്തമ്മ ഫിലിപ്പ്, ഡിസിസി ജനറൽ സെക്രട്ടറി സെബാസ്റ്റ്യൻ പതാലിൽ, മാമുനി വിജയന്, ബ്ലോക്ക് കോണ്ഗ്രസ് കമ്മറ്റി ഭാരവാഹികളായ ജോയി മാരൂര്, ശ്രീവത്സന് ചീമേനി, മുരളി, മുന് ബ്ലോക്ക് പ്രസിഡന്റ് എ.സി. ജോസ്, യൂത്ത് കോണ്ഗ്രസ് ജില്ലാ വൈസ് പ്രസിഡന്റ് രാജേഷ് തമ്പാന്, ചീമേനി മണ്ഡലം പ്രസിഡന്റ് എ. ജയറാം യുഡിഎഫ് ചെയര്മാന് ഷെരീഫ് വാഴപ്പള്ളി, ബ്ലോക്ക് പഞ്ചായത്തംഗം അന്നമ്മ മാത്യു, ലില്ലിക്കുട്ടി, യൂത്ത് കോണ്ഗ്രസ് മണ്ഡലം പ്രസിഡന്റ് ജോബിന് ജോസ്, ആദിവാസി കോണ്ഗ്രസ് ജില്ലാ സെക്രട്ടറി കെ.സി. കുഞ്ഞികൃഷ്ണന്, എം.എം. കുഞ്ഞമ്പു, ടോമി തടത്തില്പ്പറമ്പില്, മുന് മണ്ഡലം പ്രസിഡന്റുമാരായ പി.കെ. അബൂബക്കര്, ജേക്കബ് തോമസ് എന്നിവര് പ്രസംഗിച്ചു.