പാലാവയല്: ക്രൈസ്തവ സന്യാസത്തെ അവഹേളിക്കുന്ന കക്കുകളി നാടകത്തിനും ആവിഷ്കാര സ്വാതന്ത്ര്യത്തിന്റെ പേരില് ക്രൈസ്തവ വിശ്വാസത്തെ അവഹേളിക്കുന്ന പ്രവണതയ്ക്കുമെതിരെ കെസിവൈഎം പാലാവയല് യൂണിറ്റിന്റെ നേതൃത്വത്തില് ടൗണില് പന്തം കൊളുത്തി പ്രകടനവും പ്രതിഷേധവും നടത്തി. കാര്ഷിക വിളകള്ക്ക് ന്യായമായ വില ലഭിക്കണമെന്നും കര്ഷകരെ സംരക്ഷിക്കണമെന്നും ആവശ്യപ്പെട്ട മാർ ജോസഫ് പാംപ്ലാനിക്ക് ഐക്യദാര്ഢ്യം പ്രഖ്യാപിച്ചു. ബിഷപ്പിനെതിരെ ഭീഷണി മുഴക്കിയ കെ.ടി. ജലീലിനെതിരെ നടപടിയെടുക്കണമെന്നും ആവശ്യപ്പെട്ടു. ഇടവക വികാരി ഫാ.ജോസ് മാണിക്യത്താഴത്ത് ഉദ്ഘാടനം നിര്വഹിച്ചു. സഹവികാരി ഫാ.ജെറിന് പന്തല്ലൂപറമ്പില്, കെസിവൈഎം മേഖലാ പ്രസിഡന്റ് എമില് നെല്ലംകുഴിയില്, യൂണിറ്റ് പ്രസിഡന്റ് സാമുവല് നെല്ലംകുഴിയില്, ആനിമേറ്റര് സിസ്റ്റര് ആല്ഫി, യൂണിറ്റ് ജനറല് സെക്രട്ടറി വര്ഗീസ്, ഡാനി, ജിയോ, ഇമ്മാനുവല്, ജോര്ജുകുട്ടി അറയ്ക്കല്, പാരിഷ് കൗണ്സില് സെക്രട്ടറി മാമ്മച്ചന് അരീക്കാട്, ജോയി വണ്ടനാനി, ബെന്നി നെല്ലംകുഴി, ബിജു ഔസേപ്പറമ്പില്, ജോസ് പ്രകാശ്, സോമി അറയ്ക്കല് എന്നിവര് നേതൃത്വം നല്കി.