അവബോധ പരിപാടി നടത്തി
1280805
Saturday, March 25, 2023 1:09 AM IST
കാസര്ഗോഡ്: തദ്ദേശസ്വയംഭരണ വകുപ്പ് കാസര്ഗോഡ്, രാഷ്ട്രീയ ഗ്രാംസ്വരാജ് അഭിയാന് കാസര്കോട്, പ്രോജക്റ്റ് മാനേജ്മെന്റ് യൂണിറ്റ് എന്നിവയുടെ നേതൃത്വത്തില് ക്ലീന് ആന്ഡ് ഗ്രീന് വില്ലേജ് തീമിനെ ആസ്പദമാക്കി "മാറ്റിയെടുക്കാം മാതൃകയാക്കാം' എന്ന പേരില് എന്എസ്എസ് വിദ്യാര്ഥികള്ക്ക് വേണ്ടി അവബോധ പരിപാടി സംഘടിപ്പിച്ചു. കാസര്ഗോഡ് ഗവ. കോളജില് നടന്ന പരിപാടിയില് ആശയമതില്, ഒപ്പ് മരം, സെല്ഫി കോര്ണര്, അവബോധ ക്ലാസ് തുടങ്ങിയ പരിപാടികള് നടത്തി. ഉദ്ഘാടനം ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണന് നിര്വഹിച്ചു.
പ്രിന്സിപ്പല് ഡോ.എ.എല്. അനന്തപദ്മനാഭ അധ്യക്ഷത വഹിച്ചു. വൈസ് പ്രിന്സിപ്പൽ ഡോ. ലിയാഖത്ത് അലി, എന്എസ്എസ് പ്രോഗ്രാം ഓഫീസര് ആസിഫ് ഇക്ബാല് കാക്കശേരി എന്നിവര് പ്രസംഗിച്ചു. ശുചിത്വമിഷന് അസി. കോ-ഓര്ഡിനേറ്റര് റിയാസ്, തദ്ദേശസ്വയംഭരണ വകുപ്പ് അസി. ഡയറക്റ്റര് ബി.എന്. സുരേഷ് എന്നിവര് ക്ലാസെടുത്തു. ആര്ജിഎസ്എ കാസര്ഗോഡ് ബ്ലോക്ക് കോ-ഓര്ഡിനേറ്റര് കെ. ശില്പ സ്വാഗതവും കമ്യൂണിറ്റി ഡെവലപ്മെന്റ് എക്സ്പെര്ട്ട് ബി. ജയകൃഷ്ണന് നന്ദിയും പറഞ്ഞു.