വെള്ളരിക്കുണ്ട്: സര്‍വീസ് പെന്‍ഷന്‍കാരോടുള്ള കേരള സര്‍ക്കാരിന്‍റെ നിരന്തര അവകാശ നിഷേധത്തിനെതിരേ കെഎസ്എസ്പിഎ പരപ്പ നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ വെള്ളരിക്കുണ്ട് സബ് ട്രഷറി യ്ക്കു മുന്നില്‍ പഞ്ചദിന അവകാശസംരക്ഷണ സത്യഗ്രഹം സമാപിച്ചു.
സമാപനദിന പരിപാടി ഡിസിസി സെക്രട്ടറി ഹരീഷ് പി.നായര്‍ ഉദ്ഘാടനം ചെയ്തു. കെഎസ്എസ്പിഎ കള്ളാര്‍-പനത്തടി മണ്ഡലം പ്രസിഡന്‍റ് വി.കെ.ബാലകൃഷ്ണന്‍ അധ്യക്ഷത വഹിച്ചു. സംസ്ഥാന സമിതിയംഗം ടി.കെ.എവുജിന്‍ മുഖ്യപ്രഭാഷണം നടത്തി.
പി.എ.ജോസഫ്, ജി.മുരളീധരന്‍, പി.എം.ഏബ്രഹാം, ബി.റഷീദ, പി.വി. ജോസഫ്, സി.എ.ജോസഫ്, പി.ജെ.മാത്യു, ആലീസ് കുര്യന്‍, എം.പി.ഇന്ദിരാമ്മ, കെ.ദാമോദരന്‍, ചിങ്ങനാപുരം മോഹനന്‍, കെ.മാധവന്‍നായര്‍, കെ.കുഞ്ഞമ്പു, എം.ഡി.ദേവസ്യ, കെ.സി.സെബാസ്റ്റ്യന്‍, രാജു മാത്യു, എം. എ.ജോസ്, വി.ജെ.ജോര്‍ജ്, മാത്യു തോമസ്, ജോസുകുട്ടി അറയ്ക്കല്‍, പി.മധുസൂദനന്‍, പി.വേണുഗോപാല്‍ എന്നിവര്‍ പ്രസംഗിച്ചു. സംസ്ഥാന ബജറ്റിലെ നികുതി വര്‍ധനവില്‍ പ്രതിഷേധിച്ച് വെള്ളരിക്കുണ്ട് ടൗണില്‍ നിന്നും സബ്ട്രഷറിയിലേയ്ക്ക് പ്രതിഷേധപ്രകടനം നടത്തി.