കാസര്ഗോഡ്: 74-ാമത് റിപ്പബ്ലിക് ദിനം വിപുലമായി ആഘോഷിക്കാന് ജില്ലയില് ഒരുക്കങ്ങള് പൂര്ത്തിയായി. വിദ്യാനഗര് മുനിസിപ്പല് സ്റ്റേഡിയത്തില് രാവിലെ ഒമ്പതിന് മന്ത്രി അഹമ്മദ് ദേവര്കോവില് പതാക ഉയര്ത്തി സല്യൂട്ട് സ്വീകരിക്കും. എംപി, എംഎല്എമാര് സംബന്ധിക്കും. സ്വാതന്ത്ര്യ സമര സേനാനികളായ കെ.കുഞ്ഞിക്കണ്ണന് നമ്പ്യാര്, ഗോപാലന് നായര് എന്നിവര് മുഖ്യാതിഥികളാവും. പരേഡ് വീക്ഷിക്കാനെത്തുന്നവര് രാവിലെ എട്ടിനകം മുനിസിപ്പല് സ്റ്റേഡിയത്തില് പ്രവേശിക്കണമെന്ന് ജില്ലാ കളക്ടര് അറിയിച്ചു.
8.20ന് ചടങ്ങുകള് ആരംഭിക്കും. സായുധ സേന, പോലീസ്, വനിതാ പോലീസ്, എക്സൈസ്, സ്റ്റുഡന്റ് പോലീസ് കാഡറ്റ്, റെഡ്ക്രോസ്, എന്എസ്എസ്, എന്സിസി, സ്കൗട്ട് ആന്ഡ് ഗൈഡ്സ് എന്നിവയുടെ നേതൃത്വത്തില് പരേഡ് അരങ്ങേറും. പരേഡില് പങ്കെടുക്കുന്നവര് രാവിലെ ഏഴിനകം സ്റ്റേഡിയത്തില് എത്തണം. പരേഡിനുശേഷം സാംസ്കാരിക പരിപാടികള് അരങ്ങേറും.
തെരഞ്ഞെടുത്ത 11 ടീമുകള് വിവിധ കലാപരിപാടികള് അവതരിപ്പിക്കും. പെരിയ ജവഹര് നവോദയ വിദ്യാലയ, കുമ്പള കോഹിനൂര് പബ്ലിക് സ്കൂള്, പരവനടുക്കം എംആര്എച്ച്എസ്, വിദ്യാനഗര് കേന്ദ്രീയ വിദ്യാലയ 2, കുമ്പള ലിറ്റില് ലില്ലി ഇംഗ്ലീഷ് മീഡിയം സ്കൂള്, കാസര്ഗോഡ് യോദ്ധ തയ്ക്കോണ്ടോ അക്കാദമി, അമ്പലത്തറ ജനനി നാട്ടറിവ് പഠനകേന്ദ്രം, മധൂര് നാട്യമണ്ഡപ എന്നിവയുടെ നേതൃത്വത്തില് ദേശീയോദ്ഗ്രഥന ഗാനങ്ങള്, നാടന്പാട്ട്, ഗ്രൂപ്പ് ഡാന്സ്, യോഗാ പ്രദര്ശനം, ഡിസ്പ്ലേ തുടങ്ങിയവ അരങ്ങേറും.