കാഞ്ഞങ്ങാട്: ദേശീയ ഗ്രാമീണ തൊഴിലുറപ്പ് തൊഴിലുറപ്പ് പദ്ധതി കേന്ദ്ര-സംസ്ഥാന സര്‍ക്കാറുകള്‍ കാണിക്കുന്ന അവഗണനയില്‍ ജില്ലാ ദേശീയ ഗ്രാമീണ തൊഴിലുറപ്പ് തൊഴിലാളി കോണ്‍ഗ്രസ് (ഐഎന്‍ടിയുസി) ജില്ലാ കമ്മിറ്റി പ്രതിഷേധിച്ചു. തൊഴില്‍ ദിനം വെട്ടിച്ചുരുക്കിയും കേന്ദ്ര സര്‍ക്കാരും എടുത്ത തൊഴിലിന് കൃത്യസമയത്ത് വേതനം നല്‍കാതെയും വര്‍ഷം നൂറു ദിന തൊഴില്‍ മുഴുവന്‍ തൊഴിലാളികള്‍ക്ക് നല്‍കാതെയും സിപിഎം ഭൂരിപക്ഷ പഞ്ചായത്ത് ഭരണസമിതി തൊഴിലുറപ്പ് തൊഴിലാളികളെ രാഷ്ട്രീയപരമായി ഭീഷണിപ്പെടുത്തി ചൂഷണം ചെയ്യുന്ന നടപടി അവസാനിപ്പിച്ചില്ലെങ്കില്‍ ശക്തമായി നേരിടുവാന്‍ യോഗം തീരുമാനിച്ചു.
ഐഎന്‍ടിയുസി ജില്ലാ പ്രസിഡന്‍റ് പി.ജി.ദേവ് ഉദ്ഘാടനം ചെയ്തു. ഗ്രാമീണ തൊഴിലുറപ്പ് തൊഴിലാളി കോണ്‍ഗ്രസ് ജില്ലാ ജനറല്‍ സെക്രടറി വി.വി.ചന്ദ്രന്‍ അധ്യക്ഷത വഹിച്ചു. കെ.എം.ശ്രീധരന്‍, ടി.വി. കുഞ്ഞിരാമന്‍, തോമസ് സെബാസ്റ്റ്യന്‍, വി.പി.മഹാരാജ്, ലത സതീഷ്, സമീറ ഖാദര്‍, സി.വി.രമേശന്‍, ഉദയകുമാര്‍, സത്യന്‍, സി.ജെ.ടോണി, സിന്ധു ബാബു എന്നിവര്‍ സംസാരിച്ചു. ഭാരവാഹികള്‍: പി.ജി.ദേവ് (പ്രസിഡന്‍റ്), ലത സതീഷ്, സമീറ ഖാദര്‍ (വൈസ് പ്രസിഡന്‍റ്), വി.വി.ചന്ദ്രന്‍ (ജനറല്‍ സെക്രട്ടറി) സുബൈദ, മിനി (ജോയിന്‍റ് സെക്രട്ടറിമാര്‍) തോമസ് സെബാസ്റ്റ്യന്‍ (ട്രഷറര്‍).