ചായ്യോം: 28 മുതല്‍ ഡിസംബര്‍ രണ്ട് വരെ ചായ്യോത്ത് ജിഎച്ച്എസ്എസിൽ നടക്കുന്ന ജില്ലാ സ്‌കൂള്‍ കലോത്സവത്തിന്‍റെ പ്രധാന പന്തലിന് കാല്‍നാട്ടി. എം.രാജഗോപാലന്‍ എംഎല്‍എ കാല്‍നാട്ടല്‍ കര്‍മം നിര്‍വഹിച്ചു. പഞ്ചായത്ത് പ്രസിഡന്‍റ് ടി.കെ.രവി അധ്യക്ഷതവഹിച്ചു. പഞ്ചായത്ത് സ്ഥിരം സമിതി അധ്യക്ഷ ഷൈജമ്മ ബെന്നി, വാര്‍ഡ് മെംബർ പി.ധന്യ, പ്രിന്‍സിപ്പല്‍ പി.രവീന്ദ്രന്‍, മുഖ്യാധ്യാപകന്‍ എ.അജയകുമാര്‍, പിടിഎ പ്രസിഡന്‍റ് കെ.വി.ഭരതന്‍, സ്റ്റേജ് പന്തല്‍ സബ് കമ്മിറ്റി ചെയര്‍മാന്‍ കെ.വി.ബാബു, കണ്‍വീനര്‍ കെ.അനിത എന്നിവര്‍ സംബന്ധിച്ചു.
വേദികള്‍ക്ക് നദികളുടെ പേര്
നീലേശ്വരം: ജില്ലാ സ്‌കൂള്‍ കലോത്സവത്തിന്‍റെ വേദികള്‍ക്ക് സംസ്ഥാനത്തെ വിവിധ നദികളുടെ പേര് നല്‍കും. പ്രധാന വേദിയായ ചായ്യോത്ത് സ്‌കൂള്‍ ഓഡിറ്റോറിയത്തിന് ജില്ലയിലെ ഏറ്റവും പ്രധാന നദിയായ തേജസ്വിനിയുടെ പേരാണ്.
മറ്റു വേദികളും പേരും ഇപ്രകാരമാണ്. വേദി രണ്ട് കലാവേദി - പയസ്വിനി, മൂന്ന് കലാവേദി റോഡ് - നിള, നാല് സാമി ഗ്രൗണ്ട് കിഴക്കുഭാഗം - കബനി, അഞ്ച് സാമി ഗ്രൗണ്ട് ബസ് സ്‌റ്റോപ്പിന് പിറകുവശം - പെരിയാര്‍, ആറ് പെരിങ്ങാര അമ്പലം ഗ്രൗണ്ട് - പമ്പ, ഏഴ് ബാങ്ക് കെട്ടിടത്തിന് പടിഞ്ഞാറുഭാഗം - ഭവാനി, എട്ട് വായനശാലയ്ക്ക് സമീപം ഹക്കീമിന്റെ പറമ്പ് - നെയ്യാര്‍, ഒമ്പത് പെരിങ്ങാര സ്റ്റേജ് - ചാലിയാര്‍, 10 മദ്രസ ഹാള്‍ - മണിമലയാര്‍, 11 തംബുരു ഓഡിറ്റോറിയം - പാമ്പാര്‍, 12 ഇന്‍സ്പയര്‍ ഹാള്‍ - ചൈത്രവാഹിനി.