ഏ​ഴ് ആന​ക​ള്‍ അ​തി​ര്‍​ത്തിക​ട​ന്നു പു​ലി​പ്പ​റ​മ്പി​ലെ വൈ​ദ്യു​തവേ​ലി ചാ​ര്‍​ജ് ചെ​യ്തു
Saturday, October 1, 2022 12:43 AM IST
കാ​സ​ർ​ഗോ​ഡ്: കാ​റ​ഡു​ക്ക ബ്ലോ​ക്കി​ലെ ആ​ന​തു​ര​ത്ത​ല്‍ ദൗ​ത്യം വീ​ണ്ടും അ​ന്തി​മ​ഘ​ട്ട​ത്തി​ല്‍. നാ​ല് പ​ഞ്ചാ​യ​ത്തു​ക​ളി​ലെ ചെ​റു​വ​ന​ങ്ങ​ളി​ല്‍ ത​മ്പ​ടി​ച്ച 12 ആ​ന​ക​ളി​ല്‍ ഏ​ഴെ​ണ്ണം ദേ​ലം​പാ​ടി പു​ലി​പ്പ​റ​മ്പി​ലെ വ​നാ​തി​ര്‍​ത്തി ക​ട​ന്നു. ഇ​തോ​ടെ ഇ​ലി​ടെ നാ​ലു കി​ലോ​മീ​റ്റ​ര്‍ ദൂ​ര​ത്തി​ല്‍ തൂ​ക്കു സൗ​രോ​ര്‍​ജ വേ​ലി ചാ​ര്‍​ജ് ചെ​യ്തു.
അ​വ​ശേ​ഷി​ക്കു​ന്ന​വ​യി​ല്‍ നാ​ല് ആ​ന​ക​ള്‍ പ​യ​സ്വി​നി​പ്പു​ഴ ക​ട​ന്ന് പാ​ണ്ടി വ​ന​ത്തി​ലെ​ത്തി​യി​ട്ടു​ണ്ട്. കാ​ട​കം വ​ന​ത്തി​ലു​ണ്ടാ​യി​രു​ന്ന ഒ​റ്റ​യാ​ന്‍ ആ​ദ്യം ഏ​ഴം​ഗ​സം​ഘ​ത്തി​നു പി​ന്നാ​ലെ വ​ച്ചു​പി​ടി​ച്ചി​രു​ന്നെ​ങ്കി​ലും പി​ന്നീ​ട് തി​രി​ഞ്ഞു​ന​ട​ന്ന് വീ​ണ്ടും മു​ളി​യാ​ര്‍ വ​ന​ത്തി​ലെ​ത്തി. പാ​ണ്ടി​യി​ലെ നാ​ല് ആ​ന​ക​ളെ ഇ​നി താ​ര​ത​മ്യേ​ന എ​ളു​പ്പ​ത്തി​ല്‍ ക​ര്‍​ണാ​ട​ക വ​നാ​തി​ര്‍​ത്തി ക​ട​ത്തി​വി​ടാ​നാ​കും. വീ​ണ്ടും ജ​ന​വാ​സ​മേ​ഖ​ല​ക​ള്‍​ക്കു ന​ടു​വി​ല്‍ പെ​ട്ടു​പോ​യ ഒ​റ്റ​യാ​ന്‍ മാ​ത്ര​മാ​ണ് നാ​ട്ടു​കാ​ര്‍​ക്ക് ത​ല​വേ​ദ​ന​യാ​കു​ന്ന​ത്.
മു​ന്‍​വ​ര്‍​ഷം ന​ട​ത്തി​യ ഓ​പ്പ​റേ​ഷ​ന്‍ ഗ​ജ​യി​ല്‍ നി​ന്നും വ്യ​ത്യ​സ്ത​മാ​യി വ​ലി​യ ഒ​ച്ച​പ്പാ​ടി​ല്ലാ​തെ​യും കൃ​ത്യ​മാ​യ ആ​സൂ​ത്ര​ണ​ത്തോ​ടു​കൂ​ടി​യു​മാ​ണ് പ്ര​ത്യേ​ക ക​ര്‍​മ​സേ​ന കാ​ട്ടാ​ന​ക​ളെ തു​ര​ത്തി​യ​ത്. സ​ന്ധ്യാ​സ​മ​യ​ത്ത് തു​ട​ങ്ങി നേ​രം പു​ല​രു​ന്ന​തു​വ​രെ​യു​ള്ള സ​മ​യ​ത്താ​ണ് ആ​ന​ക​ളെ നീ​ക്കി​നീ​ക്കി വ​നാ​തി​ര്‍​ത്തി​യി​ലെ​ത്തി​ച്ച​ത്. ഈ ​കാ​ല​യ​ള​വി​ല്‍ എ​വി​ടെ​യും കാ​ര്യ​മാ​യ കൃ​ഷി​നാ​ശ​മു​ണ്ടാ​യി​ല്ലെ​ന്ന​തും നേ​ട്ട​മാ​യി. ഏ​ഴാ​ന​ക​ള​ട​ങ്ങി​യ പ്ര​ധാ​ന കൂ​ട്ട​ത്തെ 30 കി​ലോ​മീ​റ്റ​റി​ല​ധി​കം ദൂ​രം നീ​ക്കി​ക്കൊ​ണ്ടു​വ​ന്നാ​ണ് വ​നാ​തി​ര്‍​ത്തി ക​ട​ത്തി​യ​ത്. ഇ​വ കാ​ടു​ക​യ​റി​യ​തോ​ടെ​യാ​ണ് പ്ര​ദേ​ശ​ത്തെ പ്ര​ധാ​ന ആ​ന​ത്താ​ര​യാ​യ പു​ലി​പ്പ​റ​മ്പി​ല്‍ നേ​ര​ത്തേ നി​ര്‍​മാ​ണം പൂ​ര്‍​ത്തി​യാ​യി​രു​ന്ന സൗ​രോ​ര്‍​ജ​വേ​ലി ചാ​ര്‍​ജ് ചെ​യ്ത​ത്.
ഒ​റ്റ​യാ​ന്‍ മു​ളി​യാ​ര്‍ വ​ന​ത്തി​ല്‍ പെ​ട്ടു​പോ​യ സാ​ഹ​ച​ര്യ​ത്തി​ല്‍ കു​റ്റി​യ​ടു​ക്കം, ബേ​പ്പ് പ്ര​ദേ​ശ​ങ്ങ​ളി​ലെ ഗ്രാ​മീ​ണ റോ​ഡു​ക​ളി​ല്‍ ജാ​ഗ്ര​ത പ്ര​ഖ്യാ​പി​ച്ചി​ട്ടു​ണ്ട്. ആ​ന​യു​ടെ നീ​ക്ക​ങ്ങ​ള്‍ ക​ര്‍​മ​സേ​ന​യു​ടെ പ്ര​ത്യേ​ക നി​രീ​ക്ഷ​ണ​ത്തി​ലാ​ണ്.
15 ദി​വ​സം മു​മ്പാ​ണ് പ്ര​ത്യേ​ക ക​ര്‍​മ​സേ​ന ദൗ​ത്യം തു​ട​ങ്ങി​യ​ത്. ടീം ​ലീ​ഡ​ര്‍ എം.​പി.​രാ​ജു, ജ​യ​കു​മാ​ര്‍, അ​ഭി​ലാ​ഷ്, സ​ന​ല്‍, അ​മ​ല്‍, ബി​പി​ന്‍, നി​വേ​ദ് എ​ന്നി​വ​രാ​ണ് സം​ഘ​ത്തി​ലു​ള്ള​ത്. ഡി​എ​ഫ്ഒ പി.​ബി​ജു, റേ​ഞ്ച് ഫോ​റ​സ്റ്റ് ഓ​ഫീ​സ​ര്‍ സോ​ള​മ​ന്‍ തോ​മ​സ് ജോ​ര്‍​ജ്, കാ​റ​ഡു​ക്ക സെ​ക്ഷ​ന്‍ ഫോ​റ​സ്റ്റ് ഓ​ഫീ​സ​ര്‍ എ​ന്‍. വി.​സ​ത്യ​ന്‍ എ​ന്നി​വ​ര്‍​ക്കാ​ണ് പ്ര​വ​ര്‍​ത്ത​ന​ങ്ങ​ളു​ടെ നേ​തൃ​ത്വം. ഇ​നി​യും പ​ത്തു ദി​വ​സ​ത്തി​നു​ള്ളി​ല്‍ ദൗ​ത്യം പൂ​ര്‍​ത്തി​യാ​ക്കാ​നാ​കു​മെ​ന്നാ​ണ് പ്ര​തീ​ക്ഷ. ഇ​തി​ന​കം പൂ​ര്‍​ത്തി​യാ​കു​ന്ന നാ​ലു കി​ലോ​മീ​റ്റ​ര്‍ ദൂ​രം കൂ​ടി വേ​ലി ചാ​ര്‍​ജ് ചെ​യ്താ​ല്‍ ക​ര്‍​മ​സേ​ന പോ​യി​ക്ക​ഴി​ഞ്ഞാ​ല്‍ പ​ഴ​യ​പോ​ലെ ആ​ന​ക​ള്‍ തി​രി​ച്ചെ​ത്തു​ന്ന​തി​നെ പ്ര​തി​രോ​ധി​ക്കാ​നാ​കു​മെ​ന്നാ​ണ് പ്ര​തീ​ക്ഷ.

Copyright @ 2022 , Rashtra Deepika Ltd.