കാസര്‍ഗോഡ്: ട്രാന്‍സ്‌പോര്‍ട്ട് ഡെമോക്രാറ്റിക് ഫെഡറേഷന്‍റെ (ടിഡിഎഫ്) നേതൃത്വത്തില്‍ ഒക്ടോബര്‍ ഒന്ന് മുതല്‍ നടത്തുന്ന അനിശ്ചിതകാല പണിമുടക്കിന് മുന്നോടിയായി പുതിയ ബസ് സ്റ്റാന്‍ഡില്‍ നിന്നും കെഎസ്ആര്‍ടിസി ജില്ലാ ഡിപ്പോയിലേക്ക് ലോംഗ് മാര്‍ച്ച് നടത്തി. രാജ്‌മോഹന്‍ ഉണ്ണിത്താന്‍ എംപി ഉദ്ഘാടനം ചെയ്തു.കെഎസ്ആര്‍ടിസിയിലെ 12 മണിക്കുര്‍ സിംഗിള്‍ ഡ്യൂട്ടി പിന്‍വലിക്കുക, സ്വകാര്യവത്കരണ ശ്രമങ്ങള്‍ ഉപേക്ഷിക്കുക, മെക്കാനിക്കല്‍ - മിനിസ്റ്റീരിയല്‍ ഡ്യുട്ടി പരിഷ്‌കരണം പിന്‍വലിക്കുക, ശമ്പളം കൃത്യമായി വിതരണം നടത്തുക തുടങ്ങിയ ആവശ്യങ്ങള്‍ ഉന്നയിച്ചാണ് പണിമുടക്ക്. ഐഎന്‍ടിയുസി ജില്ലാ പ്രസിഡന്‍റ് പി.ജി.ദേവ് മുഖ്യപ്രഭാഷണം നടത്തി.
കെഎസ്ടിഡബ്ല്യുയു ജില്ലാ പ്രസിഡന്‍റ് എം.വി.പത്മനാഭന്‍ അധ്യക്ഷത വഹിച്ചു. സംസ്ഥാന സെക്രട്ടറി ബിജു ജോണ്‍, സംസ്ഥാന ഓര്‍ഗനൈസിംഗ് സെക്രട്ടറി പി.കെ.ഷംസുദ്ദീന്‍, മഹിളാ കോണ്‍ഗ്രസ് ജില്ലാ പ്രസിഡന്‍റ് ശാന്തമ്മ ഫിലിപ്പ്, ബ്ലോക്ക് കോണ്‍ഗ്രസ് പ്രസിഡന്‍റ് കെ.ഖാലിദ്, ഐഎന്‍ടിയുസി ജില്ലാ വൈസ് പ്രസിഡന്‍റ് അര്‍ജുനന്‍ തായലങ്ങാടി, പി.ശ്രീനിവാസ്, വി.രാമചന്ദ്രന്‍, ജില്ലാ ജനറല്‍ സെക്രട്ടറിമാരായ തോമസ് സെബാസ്റ്റ്യന്‍, കെ.എം.ശ്രീധരന്‍, ജല അഥോറിറ്റി ഐഎന്‍ടിയുസി ജില്ലാ പ്രസിഡന്‍റ് വിനോദ് കുമാര്‍ അരമന, കെ.വി.വേണുഗോപാല്‍, വി.പി.സുധീര്‍, പി.ടി.രഞ്ജിത്ത്, വി. ഗോപാലകൃഷ്ണക്കുറുപ്പ്, ജലീല്‍ മല്ലം എന്നിവര്‍ പ്രസംഗിച്ചു.