രാജപുരം: പൂടംകല്ല് താലൂക്ക് ആശുപത്രിയില് പ്രവര്ത്തിച്ചുകൊണ്ടിരുന്ന വാക്സിനേഷന് കേന്ദ്രം രാജപുരം പാരിഷ് ഹാളിലേക്ക് മാറ്റി. താലൂക്ക് ആശുപത്രിയിലെ തിരക്ക് ഒഴിവാക്കുന്നതിനായാണ് വാക്സിനേഷന് കേന്ദ്രം മാറ്റിയത്. താലൂക്ക് ആശുപത്രിയിലെ ക്രമാതീതമായ തിരക്ക് കോവിഡ് വ്യാപനസാധ്യത വര്ധിപ്പിക്കുന്ന സാഹചര്യത്തില് വാക്സിനേഷന് കേന്ദ്രത്തിനായി പാരിഷ് ഹാള് വിട്ടുനല്കാന് തയാറാണെന്ന് രാജപുരം ഫൊറോന വികാരി ഫാ. ജോര്ജ് പുതുപ്പറമ്പില് കള്ളാര് പഞ്ചായത്ത് അധികൃതരെ അറിയിച്ചിരുന്നു.
പരപ്പ ബ്ലോക്ക് പഞ്ചായത്ത് പ്രസിഡന്റ് എം. ലക്ഷ്മി, വൈസ് പ്രസിഡന്റ് കെ. ഭൂപേഷ്, കള്ളാര് പഞ്ചായത്ത് പ്രസിഡന്റ് ടി.കെ. നാരായണന്, വൈസ് പ്രസിഡന്റ് പ്രിയ ഷാജി, ബ്ലോക്ക് ആരോഗ്യ സ്ഥിരം സമിതി ചെയര്പേഴ്സണ് പത്മകുമാരി, പഞ്ചായത്ത് സ്ഥിരം സമിതി ചെയര്മാന്മാരായ കെ. ഗോപി, സന്തോഷ് വി. ചാക്കോ, ബ്ലോക്ക് പഞ്ചായത്തംഗം സി. രേഖ, പഞ്ചായത്തംഗങ്ങളായ പി. ലീല, വനജ ഐത്തു, അജിത്ത് കുമാര്, കൃഷണകുമാര്, ജോസ് പുതുശേരി കലായില്, ശരണ്യ, മിനി ഫിലിപ്, സബിത, മെഡിക്കല് ഓഫിസര് ഡോ. സി. സുകു, ഹെല്ത്ത് ഇന്സ്പെക്ടര് നിഷോര് കുമാര് എന്നിവര് ആദ്യ ദിവസത്തെ പ്രവര്ത്തനങ്ങള്ക്ക് നേതൃത്വം നല്കി.