ചെ​മ്പ​ന്തൊ​ട്ടി: കേ​ര​ള​ത്തി​ലെ എ​യ്ഡ​ഡ് സ്കൂ​ളു​ക​ളി​ലെ സ്ഥി​ര​നി​യ​മ​നം ല​ഭി​ച്ച അ​ധ്യാ​പ​ക​ർ​ക്ക് ഭി​ന്ന​ശേ​ഷി സം​വ​ര​ണ പ്ര​ശ്നം ഉ​ന്ന​യി​ച്ച് താ​ത്കാ​ലി​ക​മാ​യി ദി​വ​സ​വേ​ത​ന അ​ടി​സ്ഥാ​ന​ത്തി​ൽ ശ​മ്പ​ളം ന​ല്കാ​നു​ള്ള തീ​രു​മാ​നം ഉ​പേ​ക്ഷി​ക്ക​ണ​മെ​ന്ന് കാ​ത്ത​ലി​ക്ക് ടി​ച്ചേ​ഴ്സ് ഗി​ൽ​ഡ് ചെ​മ്പ​ന്തൊ​ട്ടി യൂ​ണി​റ്റ് ആ​വ​ശ്യ​പ്പെ​ട്ടു.

ശ​മ്പ​ള സ്കെ​യി​ൽ പു​ന​സ്ഥാ​പി​ച്ച് നി​യ​മ​ന അം​ഗീ​കാ​രം ന​ല്കു​ന്ന​തി​നു​ള്ള സ​ത്വ​ര ന​ട​പ​ടി സ്വീ​ക​രി​ക്ക​ണ​മെ​ന്നും അ​ധ്യാ​പ​ക വി​രു​ദ്ധ നി​ല​പാ​ട് തി​രു​ത്ത​ണ​മെ​ന്നും ആ​വ​ശ്യ​പ്പെ​ട്ട് ചെ​മ്പ​ന്തൊ​ട്ടി യൂ​ണി​റ്റി​ന്‍റെ ആ​ഭി​മു​ഖ്യ​ത്തി​ൽ പ്ര​തി​ഷേ​ധ സം​ഗ​മ​വും ന​ട​ത്തി.

അ​ധ്യാ​പ​ക​രെ ദി​വ​സ​ക്കൂ​ലി​ക്കാ​രാ​ക്കി ത​രം​താ​ഴ്ത്തു​ന്ന പ്ര​വ​ണ​ത അ​ത്യ​ന്തം പ്ര​തി​ഷേ​ധ​ക​ര​മാ​ണ്. അ​ധ്യാ​പ​ക​രു​ടെ സ​ർ​വീ​സ് ആ​നു​കൂ​ല്യ​ങ്ങ​ൾ എ​ല്ലാം സ​ർ​ക്കാ​രി​ന്‍റെ ഈ ​നി​ല​പാ​ട് മൂ​ലം ന​ഷ്ട​മാ​കും. ഭി​ന്ന​ശേ​ഷി സം​ഭ​ര​ണം ന​ട​പ്പാ​ക്കി അ​വ​ർ​ക്ക് ത​സ്തി​ക​ക​ൾ മാ​റ്റി​വ​ച്ചി​ട്ടും ആ​വ​ശ്യ​ത്തി​ന് ഭി​ന്ന​ശേ​ഷി ക്കാ​ർ ഇ​ല്ലാ​ത്ത​തു​കൊ​ണ്ട് നി​യ​മ​നം ന​ട​ക്കാ​ത്ത​തി​ന്‍റെ ഉ​ത്ത​ര​വാ​ദി​ത്വം സാ​ധാ​ര​ണ അ​ധ്യാ​പ​ക​രു​ടെ മേ​ൽ കെ​ട്ടി​വ​യ്ക്കാ​നു​ള്ള നീ​ക്കം സ​ർ​ക്കാ​ർ ഉ​പേ​ക്ഷി​ക്ക​ണം. 

എ​യ്ഡ​ഡ് വി​ദ്യാ​ഭ്യാ​സ​മേ​ഖ​ല​യോ​ടു​ള്ള ഈ ​ഇ​ര​ട്ട​ത്താ​പ്പ് ന​യം ഉ​പേ​ക്ഷി​ച്ച് നി​ല​വി​ലു​ള്ള ഉ​ത്ത​ര​വ് പി​ൻ​വ​ലി​ച്ച് അ​ധ്യാ​പ​ക​രു​ടെ സ്ഥി​ര നി​യ​മ​ന​ങ്ങ​ൾ അം​ഗീ​ക​രി​ക്ക​ണ​മെ​ന്നും കാ​ത്ത​ലി​ക് ടീ​ച്ചേ​ഴ്സ് ഗി​ൽ​ഡ് ​ആ​വ​ശ്യ​പ്പെ​ട്ടു. സ്കൂ​ൾ മാ​നേ​ജ​ർ ഫാ. ​ആ​ന്‍റ​ണി മ​ഞ്ഞ​ളാം​കു​ന്നേ​ൽ, മു​ഖ്യാ​ധ്യാ​പ​ക​ൻ ബി​ജു സി.​ഏ​ബ്ര​ഹാം, കെ.​വി. രാ​ജേ​ഷ്, വി.​എം.​തോ​മ​സ്, ജോ​യി​സ് സ​ക്ക​റി​യാ​സ് എ​ന്നി​വ​ർ പ്ര​സം​ഗി​ച്ചു.