കാ​ഴ്ച​പ​രി​മി​ത​ർ​ക്ക് വീ​ടു​ക​ളി​ലെ​ത്താ​ൻ സ​ർ​ക്കാ​ർ സം​വി​ധാ​നം ഒ​രു​ക്ക​ണമെന്ന്
Thursday, October 3, 2024 5:33 AM IST
ക​ണ്ണൂ​ർ: സ്വ​ത​ന്ത്ര സ​ഞ്ചാ​ര​ത്തി​ന് പ്ര​യാ​സം നേ​രി​ടു​ന്ന കാ​ഴ്ച പ​രി​മി​ത​ർ​ക്ക് സ​ർ​ക്കാ​രി​ന്‍റെ സ​ഹാ​യ​ത്തോ​ടെ വീ​ട്ടി​ലേ​ക്ക് വാ​ഹ​ന​ത്തി​ൽ പോ​കാ​നു​ള്ള സൗ​ക​ര്യം നി​യ​മ​ത്തി​ൽ മാ​റ്റം വ​രു​ത്തി​ക്കൊ​ണ്ട് സ​ർ​ക്കാ​ർ ഇ​ട​പെ​ട​ണ​മെ​ന്ന് കേ​ര​ള ഫെ​ഡ​റേ​ഷ​ൻ ഓ​ഫ് ദി ​ബ്ലൈ​ൻ​ഡ് ജി​ല്ലാ സ​മ്മേ​ള​നം ആ​വ​ശ്യ​പ്പെ​ട്ടു.

യു​ഡി​ഐ​ഡി കാ​ർ​ഡു​ള്ള ഭി​ന്ന​ശേ​ഷി​ക്കാ​ർ​ക്ക് ഭാ​രി​ച്ച ചെ​ല​വ് വ​രു​ന്ന ചി​കി​ത്സ​ക​ൾ​ക്ക് സ്വ​കാ​ര്യ ആ​ശു​പ​ത്രി​യി​ൽ നി​ശ്ചി​ത ശ​ത​മാ​നം ഇ​ള​വ് അ​നു​വ​ദി​ക്കു​ക, വാ​ഹ​ന നി​കു​തി​യി​ലെ​ന്ന പോ​ലെ റ​വ​ന്യു നി​കു​ത​കി​യി​ലും പൂ​ർ​ണ​മാ​യി ഇ​ള​വ് ന​ൽ​കു​ക, ഭി​ന്ന​ശേ​ഷി​ക്കാ​ർ ജോ​ലി ചെ​യ്യ​ന്ന സ്ഥാ​പ​ന​ങ്ങ​ൾ​ക്കു മു​ന്നി​ൽ ബ​സ് സ്റ്റോ​പ്പു​ക​ൾ അ​നു​വ​ദി​ക്കു​ക എ​ന്നീ കാ​ര്യ​ങ്ങ​ളും സ​ർ​ക്കാ​രി​നോ​ട് സ​മ്മേ​ള​നം പ്ര​മേ​യ​ത്തി​ലൂ​ടെ ആ​വ​ശ്യ​പ്പെ​ട്ടു.


തോ‌​ട്ട​ട കെ​എ​ഫ്ബി കോ​ൺ​ഫ​റ​ൻ​സ് ഹാ​ളി​ൽ മ​ന്ത്രി ക​ട​ന്ന​പ്പ​ള്ളി രാ​മ​ച​ന്ദ്ര​ൻ ഉ​ദ്ഘാ​ട​നം ചെ​യ്തു. ജി​ല്ലാ പ്ര​സി​ഡ​ന്‍റ് എം.​എം. സാ​ജി​ദ് അ​ധ്യ​ക്ഷ​ത വ​ഹി​ച്ചു. സം​സ്ഥാ​ന വൈ​സ് പ്ര​സി​ഡ​ന്‍റ് ഡോ. ​എം. കൃ​ഷ്ണ​ൻ മു​ഖ്യ​പ്ര​ഭാ​ഷ​ണം ന​ട​ത്തി. കെ​എ​ഫ്ബി റോ​ട്ട​റി ക്ല​ബ് ക​ണ്ണൂ​ർ പ്ര​സി​ഡ​ന്‍റ് എം. ​നി​രൂ​പ് മു​ഖ്യാ​തി​ഥി​യാ​യി​രു​ന്നു.

സം​സ്ഥാ​ന ഭാ​ര​വാ​ഹി​ക​ളാ​യ ബേ​ബി ജോ​സ​ഫ്, കെ.വി. പ്രേ​മ​ല​ത, ജി​ല്ലാ സെ​ക്ര​ട്ട​റി ടി.​എ​ൻ. മു​ര​ളീ​ധ​ര​ൻ, വൈ​സ് പ്ര​സി​ഡ​ന്‍റ് ടി.​ ചി​ത്ര, പി. ​ശ്രീ​ജി​ത്ത്, സി.കെ. അ​ബൂ​ബ​ക്ക​ർ, കെ.​പി.​ അ​ബ്ദു​ള്ള, കെ.​ടി. ​ഫാ​ത്തി​മ, ടി. ​പ്ര​ശാ​ന്ത് എ​ന്നി​വ​ർ പ്ര​സം​ഗി​ച്ചു.