ചെറുപുഴ: ചെറുപുഴ ജെഎം യുപി സ്കൂളിൽ കുട്ടികൾക്കായി ബോധവത്കരണ ക്ലാസും അയേൺ ഗുളിക വിതരണവും നടത്തി. അനീമിയ എന്ന അവസ്ഥയിൽ നിന്നു കുട്ടികളെ രക്ഷിക്കുക എന്ന ലക്ഷ്യത്തോടുകൂടി ചെറുപുഴ ജെഎം യുപി സ്കൂൾ ഹെൽത്ത് ക്ലബിന്‍റെയും പുളിങ്ങോം എഫ്എച്ച്സി യുടെയും സംയുക്താഭിമുഖ്യത്തിലാണു പരിപാടി സംഘടിപ്പിച്ചത്. സ്കൂൾ മുറ്റത്ത് വൃക്ഷത്തൈ നടുകയും ചെയ്തു.
അനീമിയ ടെസ്റ്റ് സംഘടിപ്പിക്കുകയും കുട്ടികൾക്കായി എച്ച്ബി സ്ക്രീനിംഗ് നടത്തുകയും ചെയ്തു. സ്കൂൾ മുഖ്യാധ്യാപകൻ പി.എൻ. ഉണ്ണികൃഷ്ണൻ അധ്യക്ഷത വഹിച്ചു. സംസ്ഥാന ആരോഗ്യവകുപ്പ് ജെപിഎച്ച്എൻ സൈറ ടി. മുഹമ്മദ് പരിപാടി ഉദ്ഘാടനം ചെയ്തു. ആർബിഎസ്കെ നഴ്സ് സി.എൻ. സിജിമോൾ, എംഎൽഎസ്പി കെ. കവിത എന്നിവർ ഹെൽത്ത് ക്ലബ് കൺവീനർ ഫ്ലോജസ് ജോണി, സ്റ്റാഫ് സെക്രട്ടറി വി.വി. അജയകുമാർ എന്നിവർ പ്രസംഗിച്ചു.