വായാട്ടുപറമ്പ്: വായാട്ടുപറമ്പ് സെന്റ് ജോസഫ്സ് ഹയർ സെക്കൻഡറി സ്കൂളിൽ വനിതാ ശിശുക്ഷേമ വികസന വകുപ്പിന്റെ കീഴിലുള്ള ജില്ലാ ശിശുസംരക്ഷണ യൂണിറ്റിന്റെ ആഭിമുഖ്യത്തിൽ കുട്ടികൾക്കായി ബോധവത്കരണ ക്ലാസ് നടത്തി.
അവർ റെസ്പോൺസിബിലിറ്റി ടു ചിൽഡ്രൻ (ഒആർസി) പദ്ധതിയുടെ ഭാഗമായിട്ടാണു ക്ലാസ് നടത്തിയത്. നവമാധ്യമങ്ങളുടെ ദുരുപയോഗം കുട്ടികളിലുണ്ടാക്കുന്ന മാറ്റം എന്ന വിഷയത്തിലാണു ക്ലാസ് സംഘടിപ്പിച്ചത്. സൈക്കോളജിസ്റ്റും കണ്ണൂർ ഡിജിറ്റൽ ഡീ അഡിക്ഷൻ സെന്ററിലെ ട്രെയിനറുമായ സുധീഷ്ണയാണു ക്ലാസ് നയിച്ചത്. കൂടെയുണ്ട് ഞങ്ങൾ എന്ന ട്രെയിനിംഗ് പ്രോഗ്രാമിൽ അറുപതോളം കുട്ടികൾ പങ്കെടുത്തു. സ്കൂളിലെ ഒആർസി പ്രവർത്തനങ്ങളുടെ ചുമതല വഹിക്കുന്ന ദീപ മാത്യു പരിപാടിക്കു നേതൃത്വം നൽകി.