ഇരിട്ടി: ആറളം പഞ്ചായത്തിൽ ദുരന്ത നിവാരണ പ്രവർത്തനങ്ങൾ ഫലപ്രമാക്കുന്നതിന്‍റെ ഭാഗമായി വാർഡ്തല ദുരന്ത നിവാരണ സമിതികൾ പുനസംഘടിപ്പിക്കാനും, സമിതി (ആർആർടി) അംഗങ്ങൾ ക്ക് പരിശീലനം നല്കാനും തീരുമാനിച്ചു. പ്രകൃതിക്ഷോഭ ദുരന്തങ്ങൾ പ്രതിരോധിക്കുന്നതിന്‍റെ ഭാഗമായി പഞ്ചായത്തിന്‍റെ നേതൃത്വത്തിൽ വിളിച്ചുചേർത്ത യോഗത്തിലാണ് തീരുമാനം.
യോഗത്തിൽ ആറളം പഞ്ചായത്ത് പ്രസിഡന്‍റ് കെ.പി. രാജേഷ് അധ്യക്ഷത വഹിച്ചു. വൈസ് പ്രസിഡന്‍റ് ജെസിമോൾ വാഴപ്പള്ളി, സ്ഥിരം സമിതി അധ്യക്ഷരായ ജോസ് അന്ത്യാംകുളം, വത്സ ജോസ്, ഇ.സി. രാജു, പഞ്ചായത്ത് സെക്രട്ടറി എം.എ. ആന്‍റണി, കെഎസ്ഇബി അസിസ്‌റ്റന്‍റ് എൻജിനിയർ പി.ജി. സനീഷ്, മരാമത്ത് ഓവർസിയർമാരായ കെ. അനുരഞ്ച്, റിഞ്ചു ജോർജ്, കൃഷി ഓഫിസർ റാം മോഹൻ, സ്പെഷൽ വില്ലേജ് ഓഫിസർ പി.ബി. പ്രകാശൻ, ഫയർ ആൻഡ് റെസ്‌ക്യൂ ഓഫിസർ പി.എച്ച്. നൗഷാദ്, എസ്ഐ റെജികുമാർ, മെഡിക്കൽ ഓഫിസർ പ്രിയ സദാനന്ദൻ, ഹെൽത്ത് ഇൻസ്പെക്‌ടർ വി. സുന്ദരം എന്നിവർ പ്രസംഗിച്ചു.