കണ്ണൂർ: ആശുപത്രികളിലെ സുരക്ഷാ ക്രമീകരണങ്ങൾ വിലയിരുത്തുന്നതിന്‍റെ ഭാഗമായി ജില്ലയിലെ പ്രധാന ആശുപത്രികളിൽ പോലീസ് സുരക്ഷാ ഓഡിറ്റ് നടത്തി. സിറ്റി കമ്മീഷണർ അജിത് കുമാറിന്‍റെ നേതൃത്വത്തിലായിരുന്നു സുരക്ഷാ ഓഡിറ്റ്. കണ്ണൂർ ജില്ലാ ആശുപത്രി, തലശേരി, കൂത്തുപറന്പ്, പാനൂർ സർക്കാർ ആശുപത്രികൾ എന്നിവിടങ്ങളിലാണ് സുരക്ഷാ ഓഡിറ്റ് നടത്തിയത്.
തലശേരി എഎസ്പി അരുൺ കെ. പവിത്രൻ, കണ്ണൂർ, കൂത്തുപറന്പ് എസിപിമാരായ ടി.കെ. രത്നകുമാർ, മൂസ വള്ളിക്കോടൻ, തലശേരി, കൂത്തുപറന്പ്, പാനൂർ, കണ്ണൂർ സിറ്റി സ്റ്റേഷനുകളിലെ എസ്എച്ച്ഒമാർ, സ്റ്റേറ്റ്, ജില്ലാ സ്പെഷൽ ബ്രാഞ്ച് എസിപിമാർ, റവന്യു ഉദ്യോഗസ്ഥർ, ഫയർഫോഴ്സ് സേനാംഗങ്ങൾ ആശുപത്രി അധികൃതർ എന്നിവർ സുരക്ഷാ ഓഡിറ്റിൽ പങ്കെടുത്തു.
ആശുപത്രികളിലെ നിലവിലെ സുരക്ഷാക്രമീകണങ്ങൾ സംബന്ധിച്ച് ഓഡിറ്റ് ചെയ്യുകയും സുരക്ഷാ ക്രമീകരണങ്ങൾ വർധിപ്പിക്കുന്നതിനാവശ്യമായ നിദേശങ്ങൾ നൽകുകയും ചെയ്തു.