കാലിച്ചാനടുക്കം: തലശേരി അതിരൂപത മുന്‍ കോര്‍പറേറ്റ് മാനേജരും കൂത്തുപറമ്പ് നിര്‍മലഗിരി കോളജ് മുന്‍ പ്രിന്‍സിപ്പലുമായിരുന്ന ഫാ.ജോണ്‍ വടക്കുംമൂലയ്ക്ക് നാട് വിടചൊല്ലി.
കാലിച്ചാനടുക്കം സെന്റ് ജോസഫ് ദേവാലയത്തില്‍ നടന്ന സംസ്‌കാരശുശ്രൂഷകള്‍ക്ക് തലശേരി ആര്‍ച്ച്ബിഷപ് മാര്‍ ജോസഫ് പാംപ്ലാനി നേതൃത്വം നല്‍കി. ഇരിക്കൂര്‍ എംഎല്‍എ സജീവ് ജോസഫ്, പേരാവൂര്‍ എംഎല്‍എ സണ്ണി ജോസഫ്, കണ്ണൂര്‍ ഡിസിസി പ്രസിഡന്‍റ് മാര്‍ട്ടിന്‍ ജോര്‍ജ്, കാസര്‍ഗോഡ് ഡിസിസി പ്രസിഡന്‍റ് പി.കെ.ഫൈസല്‍, സിപിഎം നേതാവ് യു.തമ്പാന്‍, വികാരി ജനറാള്‍മാരായ മോണ്‍. ആന്റണി മുതുകുന്നേല്‍, മോണ്‍.സെബാസ്റ്റ്യന്‍ പാലാക്കുഴി, മോണ്‍. ജോസഫ് ഒറ്റപ്ലാക്കല്‍, മോണ്‍. മാത്യു ഇളംതുരുത്തിപ്പടവില്‍, ചാന്‍സലര്‍ ഫാ. ബിജു മുട്ടത്തുകുന്നേല്‍, ഇടവക വികാരി ഫാ. പ്രിയേഷ് കളരിമുറിയില്‍, നിര്‍മലഗിരി കോളജ് മാനേജ്‌മെന്‍റ് പ്രതിനിധികള്‍, അധ്യാപകര്‍, വിദ്യാര്‍ഥികള്‍, പൂര്‍വവിദ്യാര്‍ഥികള്‍, മാലോം, ചെറുപുഴ ഇടവകാംഗങ്ങള്‍ തുടങ്ങി രാഷ്‌ട്രീയ-മത-സാംസ്‌കാരികരംഗത്തെ പ്രമുഖര്‍ ആദരാഞ്ജലികള്‍ അര്‍പ്പിച്ചു. വ്യാഴാഴ്ച വീട്ടില്‍ നടന്ന ആദ്യഘട്ട സംസ്‌കാരശുശ്രൂഷകള്‍ക്ക് ആര്‍ച്ച് ബിഷപ് എമിരറ്റസ് മാര്‍ ജോര്‍ജ് വലിയമറ്റം നേതൃത്വം നല്‍കി.