കണ്ണൂർ: രാജ്യത്തെ ജനാധിപത്യ മൂല്യങ്ങളെ പരിഹസിച്ചു കൊണ്ടും ജനാധിപത്യ സമൂഹത്തിന്റെ പ്രതിച്ഛായ തകർത്തുകൊണ്ടും കോൺഗ്രസ് നേതാവ് രാഹുൽഗാന്ധിയുടെ പാർലമെന്റ് അംഗത്വം റദ്ദാക്കിയ ലോകസഭ സെക്രട്ടേറിയറ്റ് തീരുമാനം പ്രതിഷേധാർഹമാണെന്ന് യുഡിഎഫ് ജില്ലാ നേതൃയോഗം അഭിപ്രായപ്പെട്ടു. കർണാടകത്തിലെ കോലാറിൽ കഴിഞ്ഞ ലോകസഭാ തെരഞ്ഞെടുപ്പ് റാലിയിൽ നടത്തിയ പ്രസംഗത്തെ ചൊല്ലി മറ്റൊരു സംസ്ഥാനത്ത് കേസെടുക്കുകയും പ്രസ്തുത കേസിൽ ശിക്ഷാവിധി വന്ന് 24മണിക്കൂറിനുള്ളിൽ അയോഗ്യത കൽപ്പിക്കുകയും ചെയ്തത് സ്വേഛാധിപത്യ ഭരണകൂടത്തിന്റെ ലക്ഷണമാണ്.
എതിർശബ്ദങ്ങളെയും വിയോജിപ്പുകളെയും നിയമസാധ്യതകൾ ഉപയോഗിച്ച് ഇല്ലാതാക്കാൻ ശ്രമിക്കുന്ന ഭരണകൂട ചെയ്തിക്കെതിരെ മുഴുവൻജനാധിപത്യവിശ്വാസികളും ഐക്യപ്പെടണമെന്ന് യോഗം പ്രമേയത്തിലൂടെ ആവശ്യപ്പെട്ടു. സജീവ് ജോസഫ് എംഎൽഎ ഉദ്ഘാടനം ചെയ്തു. യുഡിഎഫ് ജില്ലാ ചെയർമാൻ പി.ടി. മാത്യു അധ്യക്ഷത വഹിച്ചു. കൺവീനർ അബ്ദുൽ കരീം ചേലേരി, മേയർ ടി.ഒ. മോഹനൻ, കെ.ടി. സഹദുള്ള, എ.ഡി.മുസ്തഫ,സി.എ. അജീർ, ഇല്ലിക്കൽ ആഗസ്തി, വി.എ. നാരായണൻ, കെ.എ. ലത്തീഫ്, വി.പി. വമ്പൻ, കെ.പി. ജയാനന്ദൻ, സജീവ് മാറോളി, വി.എ. നാരായണൻ എം.സതീഷ്കുമാർ, ജോൺസൺ പി.തോമസ്, വി.പി.സുഭാഷ്, കെ.വി.കൃഷ്ണൻ, പി. സുനിൽകുമാർ, തോമസ് വക്കത്താനം, ജോസഫ് മുള്ളൻമട, എം.കെ.സജി, എം.നാരായണൻ കുട്ടി, എൽ.ജി ദയാനന്ദൻ, എസ്.എ.ഷുക്കൂർ ഹാജി, പി.എം മുഹമ്മദ് കുഞ്ഞിഹാജി, ടി.ജനാർദ്ദനൻ, എൻ.പി. താഹിർ, സുരേഷ് ബാബു എളയാവൂർ എന്നിവർ പ്രസംഗിച്ചു.
ചെറുപുഴ: കോൺഗ്രസ് പുളിങ്ങോം മണ്ഡലം കമ്മിറ്റിയുടെ നേതൃത്വത്തിൽ പുളിങ്ങോം ടൗണിൽ പ്രതിഷേധ പ്രകടനവും പൊതുയോഗവും നടന്നു. കണ്ണൂർ ജില്ല ഡിസിസി നിർവാഹക സമിതിയംഗം കെ.കെ. സുരേഷ് കുമാർ ഉദ്ഘാടനം ചെയ്തു. വി.വി. ദാമോദരൻ അധ്യക്ഷത വഹിച്ചു.
റോഷി ജോസ്, മനോജ് വടക്കേൽ, ഉഷ മുരളി, മറിയാമ്മ വർഗീസ്, വേണുഗോപാൽ ചെഞ്ചേരിയൽ, ബെന്നി രാമത്തറ, സുമേഷ് ഉറുകുഴിയിൽ, സജി കോലുവള്ളി തുടങ്ങിയവർ പ്രസംഗിച്ചു.
കരുവഞ്ചാൽ: കരുവഞ്ചാൽ മണ്ഡലം കോൺഗ്രസ് കമ്മിറ്റി രാഹുൽ ഗാന്ധിക്ക് ഐക്യദാർഢ്യം പ്രകടിപ്പിച്ച് പ്രകടനം നടത്തി. മണ്ഡലം കോൺഗ്രസ് കമ്മിറ്റി പ്രസിഡന്റ് ടോമി കുമ്പിടിയമ്മാക്കൽ അധ്യക്ഷത വഹിച്ചു. യുഡിഎഫ് ജില്ലാ ചെയർമാൻ പി.ടി. മാത്യു, ജില്ലാ സെക്രട്ടറി ബിജു പുളിയന്തൊട്ടി, എ.ടി. ജോസ്, വി.കെ. കൃഷ്ണൻ, ബേബി വളയത്ത്, പ്രിൻസ് പയ്യംമ്പള്ളിൽ, രതീഷ് പാച്ചേനി, മനോജ് കുറ്റികാട്ട്, അനീഷ് കാണിവേലിൽ, രാജേഷ് മുണ്ടയ്ക്കാമറ്റം, മനു ഫ്രാൻസിസ്, സാലു പള്ളിത്തറ, സണ്ണി തെക്കൽ, ജോൺ ചേനോത്ത്, സജി പൈങ്ങോട്ട്, ബെന്നി കൊച്ചുപുരയിൽ, ജോർജുകുട്ടി കുഴിവേലി എന്നിവർ നേതൃത്വം നൽകി.
ഉളിക്കൽ: രാഹുൽ ഗാന്ധിയുടെ പാർലമെന്റ് അംഗത്വം റദ്ദാക്കിയ നടപടിയിൽ പ്രതിഷേധിച്ച് ഉളിക്കൽ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പ്രകടനം നടത്തി. ഉളിക്കൽ ടൗണിൽ നടത്തിയ പ്രതിഷേധ പ്രകടനത്തിന് ചാക്കോ പാലക്കലോടി, പി.സി. ഷാജി, ബേബി തോലാനി, ടി.എ. ജസ്റ്റിൻ, എ.ജെ. ജോസഫ്, ജോസ് പൂമല, പ്രിൻസ് പുഷ്പ കുന്നേൽ, ദിലീപ് മാത്യു, ലിസമ്മ ബാബു എന്നിവർ നേതൃത്വം നൽകി.
തേർത്തല്ലി: രാഹുൽ ഗാന്ധിക്കെതിരായ ഭരണകൂട ഭീകരതയിലും ബിജെപി സർക്കാരിന്റെ ജനാധിപത്യ ധ്വംസനത്തിനെതിരെപ്രതിഷേധിച്ചും തേർത്തല്ലി മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ തേർത്തല്ലി ടൗണിൽ പ്രകടനവുംപ്രതിഷേധ കൂട്ടായ്മയും സംഘടിപ്പിച്ചു. കൂട്ടായ്മ രാഹുൽ ഗാന്ധിക്ക് ഐക്യദാർഢ്യം പ്രകടിപ്പിച്ചു.
മണ്ഡലം പ്രസിഡന്റ് റോയി ചക്കാനിക്കുന്നേൽ, ഡിസിസി ജനറൽ സെക്രട്ടറി ജോസ് വട്ട മല, പഞ്ചായത്ത് പ്രസിഡന്റ് ജോജി കന്നിക്കാട്ട്, ഐസക് മുണ്ടിയാങ്കൽ, സി.സി. രാജു, ബിനേഷ് പച്ചാണി. ജോൺ വട്ടമല, ബിനു കൂടത്തിനാൽ, മേഴ്സി എടാട്ടേൽ, വത്സമ്മ വാണിശേരി, ബിജു തിമിരി, ദേവദാസ് വള്ളിയാംതടം, ജോബി തൊണ്ടംകുളം, ബിനു സ്രാബിക്കൽ, ഷൈൻ പുളിക്കൽ ദേവസ്യ കളരിക്കൽ എന്നിവർ നേതൃത്വം നൽകി