ആ​ന​മ​തി​ൽ നി​ർ​മാ​ണം മു​ട​ക്കി​യ​വ​ർ​ക്കെ​തി​രേ കൊ​ല​ക്കു​റ്റ​ത്തി​ന് കേ​സെ​ടു​ക്ക​ണം: മാ​ർ ജോ​സ​ഫ് പാം​പ്ലാ​നി
Friday, March 24, 2023 12:50 AM IST
ഇ​രി​ട്ടി: ആ​റ​ളം ഫാ​മി​ൽ കാ​ട്ടാ​ന​യാ​ക്ര​മ​ണ​ത്തി​ൽ ഒ​രു മ​നു​ഷ്യ​ജീ​വ​ൻ​കൂ​ടി പൊ​ലി​ഞ്ഞ​ത് അ​തീ​വ ദൗ​ർ​ഭാ​ഗ്യ​വും ദുഃ​ഖ​ക​ര​വു​മാ​ണെ​ന്ന് ത​ല​ശേ​രി അ​തി​രൂ​പ​ത ആ​ർ​ച്ച്ബി​ഷ​പ് മാ​ർ ജോ​സ​ഫ് പാം​പ്ലാ​നി. ആ​ന​മ​തി​ൽ നി​ർ​മി​ച്ചി​രു​ന്നെ​ങ്കി​ൽ ജീ​വ​നു​ക​ൾ പൊ​ലി​യി​ല്ലാ​യി​രു​ന്നു. ഈ ​സാ​ഹ​ച​ര്യ​ത്തി​ൽ ആ​ന​മ​തി​ൽ നി​ർ​മാ​ണം മു‌​ട​ക്കി​യ​വ​ർ​ക്കെ​തി​രേ കൊ​ല​ക്കു​റ്റ​ത്തി​ന് കേ​സെ​ടു​ക്ക​ണ​മെ​ന്നും മാ​ർ ജോ​സ​ഫ് പാം​പ്ലാ​നി പ​റ​ഞ്ഞു. കാ​ട്ടാ​ന​യാ​ക്ര​മ​ണ​ത്തി​ൽ കൊ​ല്ല​പ്പെ​ട്ട ര​ഘു​വി​ന്‍റെ വീ​ട് സ​ന്ദ​ർ​ശി​ച്ച് ബ​ന്ധു​ക്ക​ളെ ആ​ശ്വ​സി​പ്പി​ച്ച ശേ​ഷം മാ​ധ്യ​മ​പ്ര​വ​ർ​ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു ആ​ർ​ച്ച്ബി​ഷ​പ്.

ആ​ന മ​തി​ൽ നി​ർ​മാ​ണം അ​ട്ടി​മ​റി​ച്ച ചീ​ഫ് സെ​ക്ര​ട്ട​റി​യു​ടെ​യും മ​റ്റു ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​ടെ​യും ധാ​ർ​ഷ്ട്യ നി​ല​പാ​ടി​നു കാ​ര​ണം സ​ർ​ക്കാ​രി​ന് ഇ​വ​രെ നി​യ​ന്ത്രി​ക്കാ​ൻ ക​ഴി​യു​ന്നി​ല്ലെ​ന്ന​താ​ണ്. പാ​വ​പ്പെ​ട്ട ആ​ദി​വാ​സി​ക​ൾ​ക്കു സു​ര​ക്ഷി​ത ജീ​വി​ത​സാ​ഹ​ച​ര്യം ഉ​റ​പ്പാ​ക്കാ​ൻ ആ​ന മ​തി​ൽ നി​ർ​മി​ക്ക​ണ​മെ​ന്ന് മു​ന്പു​ള്ള ഉ​ദ്യോ​ഗ​സ്ഥ​രും പ്ര​ദേ​ശ​വാ​സി​ക​ളും ആ​വ​ശ്യ​പ്പെ​ട്ടി​രു​ന്നു. ക​ഴി​ഞ്ഞ വ​ർ​ഷം ഫെ​ബ്രു​വ​രി ഏ​ഴി​ന് മൂ​ന്നു മ​ന്ത്രി​മാ​രു​ടെ നേ​തൃ​ത്വ​ത്തി​ൽ ചേ​ർ​ന്ന യോ​ഗ​ത്തി​ൽ ജ​ന​പ്ര​തി​നി​ധി​ക​ളും ഇ​ക്കാ​ര്യം ഒ​റ്റ​ക്കെ​ട്ടാ​യി ആ​വ​ശ്യ​പ്പെ​ട്ടി​രു​ന്നു.

എ​ന്നാ​ൽ ഈ ​നി​ർ​ദേ​ശ​ങ്ങ​ളെ​ല്ലാം അ​ട്ടി​മ​റി​ക്ക​പ്പെ​ടു​ക​യും ഹൈ​ക്കോ​ട​തി​യി​ൽ ആ​ന​മ​തി​ലി​നു വി​രു​ദ്ധ​മാ​യി ശി​പാ​ർ​ശ ചെ​യ്യു​ക​യു​മാ​ണ് ചീ​ഫ് സെ​ക്ര​ട്ട​റി ചെ​യ്ത​ത്. ഇ​ത് തി​രു​ത്താ​ൻ മു​ഖ്യ​മ​ന്ത്രി ഇ​ട​പെ​ട്ടി​രു​ന്നെ​ങ്കി​ൽ പ​റ​ക്ക​മു​റ്റാ​ത്ത ര​ഘു​വി​ന്‍റെ മൂ​ന്നു മ​ക്ക​ൾ അ​നാ​ഥ​രാ​കി​ല്ലാ​യി​രു​ന്നു.

ബ​ഫ​ർ​സോ​ൺ പ്ര​ശ്ന​ങ്ങ​ളി​ലും മ​ന്ത്രി​മാ​രു​ടെ ഉ​ത്ത​ര​വി​നെ മ​റി​ക​ട​ന്നു​കൊ​ണ്ട് ഉ​ദ്യോ​ഗ​സ്ഥ​രെ​ടു​ക്കു​ന്ന തീ​രു​മാ​ന​ങ്ങ​ൾ സാ​ധാ​ര​ണ​ക്കാ​രെ പ്ര​തി​സ​ന്ധി​യി​ലാ​ക്കു​ക​യാ​ണ്. നാ​ലു വ​ർ​ഷം മു​ന്പ് മ​ന്ത്രി​യാ​യി​രു​ന്ന എ.​കെ. ബാ​ല​ൻ ഫാ​മി​ൽ പ്ര​ഖ്യാ​പി​ച്ച ആ​ന​മ​തി​ൽ സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കി​യി​രു​ന്നെ​ങ്കി​ൽ ര​ഘു ഉ​ൾ​പ്പെ​ടെ​യു​ള്ള​വ​ർ കൊ​ല്ല​പ്പെ​ടി​ല്ലാ​യി​രു​ന്നു. അ​ന്ന് 22 കോ​ടി രൂ​പ​യ്ക്ക് ന​ട​പ്പാ​കേ​ണ്ടി​യി​രു​ന്ന ആ​ന മ​തി​ലി​ന് ഇ​പ്പോ​ൾ 53 കോ​ടി രൂ​പ​യാ​ണ് പു​തു​ക്കി​യ എ​സ്റ്റി​മേ​റ്റ്. സ​ർ​ക്കാ​രി​നു ന​ഷ്ട​മാ​കു​ന്ന 31 കോ​ടി രൂ​പ​യ്ക്കും ന​ഷ്ട​പ്പെ​ട്ട ജീ​വ​നു​ക​ൾ​ക്കും ആ​രാ​ണ് മ​റു​പ​ടി പ​റ​യു​ക​യെ​ന്നും ആ​ർ​ച്ച് ബി​ഷ​പ് ചോ​ദി​ച്ചു.

മ​നു​ഷ്യ​ജീ​വ​നു​ക​ൾ​ക്ക് കാ​ട്ടു​മൃ​ഗ​ങ്ങ​ളു​ടെ വി​ല പോ​ലും ന​ൽ​കാ​ത്ത​ത് പ​രി​ഷ്‌​കൃ​ത സ​മൂ​ഹ​ത്തി​ന് ചേ​ർ​ന്ന​ത​ല്ല. ആ​ന​മ​തി​ൽ നി​ർ​മാ​ണം പൂ​ർ​ത്തി​യാ​കു​ന്ന​തു​വ​രെ സോ​ളാ​ർ തൂ​ക്കു​വേ​ലി​യെ​ങ്കി​ലും സ്ഥാ​പി​ച്ച് ഇ​വി​ടു​ത്തു​കാ​രു​ടെ ജീ​വ​ന് സു​ര​ക്ഷ​യൊ​രു​ക്കാ​ൻ സ​ർ​ക്കാ​ർ ത​യാ​റാ​ക​ണം. രാ​ത്രി​കാ​ല​ങ്ങ​ളി​ൽ അ​പ​ക​ടം പ​തി​യി​രി​ക്കു​ന്ന വ​ഴി​ക​ളി​ൽ ആ​ന​യു​ടെ സാ​ന്നി​ധ്യം തി​രി​ച്ച​റി​യാ​ൻ സാ​ധി​ക്കു​ന്ന വി​ധം വ​ഴി​വി​ള​ക്കു​ക​ൾ സ്ഥാ​പി​ക്കാ​നെ​ങ്കി​ലും സ​ർ​ക്കാ​ർ ത​യാ​റാ​ക​ണ​മെ​ന്നും ആ​ർ​ച്ച്ബി​ഷ​പ് ആ​വ​ശ്യ​പ്പെ​ട്ടു.

വി​കാ​രി ജ​ന​റാ​ൾ മോ​ൺ. സെ​ബാ​സ്റ്റ്യ​ൻ പാ​ലാ​ക്കു​ഴി, അ​തി​രൂ​പ​ത പാ​സ്റ്റ​റ​ൽ കോ -​ഓ​ർ​ഡി​നേ​റ്റ​റും ക​ത്തോ​ലി​ക്കാ കോ​ൺ​ഗ്ര​സ് ഡ​യ​റ​ക്ട​റു​മാ​യ ഫാ. ​ഫി​ലി​പ്പ് ക​വി​യി​ൽ, ഇ​ൻ​ഫാം ദേ​ശീ​യ ജ​ന​റ​ൽ സെ​ക്ര​ട്ട​റി ഫാ. ​ജോ​സ​ഫ് കാ​വ​നാ​ടി, അ​തി​രൂ​പ​ത ഡ​യ​റ​ക്ട​ർ ഫാ. ​ജോ​ബി ചെ​രു​വി​ൽ, എ​ടൂ​ർ സെ​ന്‍റ് മേ​രീ​സ് ഫൊ​റോ​നാ വി​കാ​രി ഫാ. ​തോ​മ​സ് വ​ട​ക്കേ​മു​റി​യി​ൽ,

ത​ല​ശേ​രി അ​തി​രൂ​പ​ത കു​ടും​ബ കൂ​ട്ടാ​യ്മ പ്ര​സി​ഡ​ന്‍റ് ഡോ. ​എം.​ജെ.​മാ​ത്യു മ​ണ്ഡ​പ​ത്തി​ൽ. ക​ത്തോ​ലി​ക്കാ കോ​ൺ​ഗ്ര​സ് അ​തി​രു​പ​താ ജ​ന​റ​ൽ സെ​ക്ര​ട്ട​റി ബെ​ന്നി പു​തി​യാം​പു​റം, ഇ​ൻ​ഫാം ജി​ല്ലാ ജ​ന​റ​ൽ സെ​ക്ര​ട്ട​റി സ​ണ്ണി തു​ണ്ട​ത്തി​ൽ, ടോ​മി ച​ക്കാ​ല​ക്കു​ന്നേ​ൽ, സെ​ക്ര​ട്ട​റി സാ​ജു തെ​ക്കേ​ക്ക​ര എ​ന്നി​വ​രും ആ​ർ​ച്ച് ബി​ഷ​പ്പി​നൊ​പ്പ​മു​ണ്ടാ​യി​രു​ന്നു.

Copyright @ 2022 , Rashtra Deepika Ltd.