ചപ്പാരപ്പടവ്: പടപ്പേങ്ങാട് ഗവ. എൽപി സ്കൂൾ 70ാം വാർഷികാഘോഷവും യാത്രയയപ്പ് സമ്മേളനവും ജില്ലാ പഞ്ചായത്ത് വൈസ് പ്രസിഡന്‍റ് ബിനോയി കുര്യൻ ഉദ്ഘാടനം ചെയ്തു. ചപ്പാരപ്പടവ് ഗ്രാമപഞ്ചായത്ത് പ്രസിഡന്‍റ് സുനിജ ബാലകൃഷ്ണൻ അധ്യക്ഷത വഹിച്ചു.
സീനിയർ അസിസ്റ്റന്‍റ് വി.ടി. മഞ്ജുള റിപ്പോർട്ട് അവതരിപ്പിച്ചു. പഞ്ചായത്ത് അംഗം ഫസീല ഷംസീർ എൻഡോമെന്‍റ് വിതരണവും സ്കോളർഷിപ്പ് വിജയികൾക്കുള്ള സർട്ടിഫിക്കറ്റ് വിതരണവും നിർവഹിച്ചു. ചടങ്ങിൽ വിരമിക്കുന്ന മുഖ്യാധ്യാപിക ലക്ഷ്മിയെ ആദരിച്ചു.
പി. രവീന്ദ്രൻ, സണ്ണി പോത്തനാംതടത്തിൽ, അഷറഫ് മടക്കാട്, കെ. പ്രജിത്ത്, ജോസ് മുടവനാട്, ജെയിംസ് പുറപ്പോക്കര, എം.വി. ജനാർദനൻ, പി.ജി. വിജയമ്മ, ഷൈനി ഗിരീഷ്, സി. പവിത്രൻ, സെലിൻ ജോസ് പായിക്കാട്ട്, പിടിഎ പ്രസിഡന്‍റ് എ.എൻ. വിനോദ്, സ്റ്റാഫ് സെക്രട്ടറി ടി.പി. ഹാമിദ് എന്നിവർ പ്രസംഗിച്ചു. തുടർന്ന് വിദ്യാർഥികളുടെയും രക്ഷിതാക്കളുടെയും കലാവിരുന്ന്, നാടൻ കലാമേള എന്നിവ നടന്നു.
ചെമ്പന്തൊട്ടി: ചെറുപുഷ്പം യുപി സ്കൂളിന്‍റെ അറുപത്തിയെട്ടാമത് വാർഷികാഘോഷവും വിരമിക്കുന്ന മുഖ്യാധ്യാപിക സിസ്റ്റർ ജെസിക്കുട്ടി ജോസഫിനുള്ള യാത്രയയപ്പ് സമ്മേളനവും തലശേരി അതിരൂപത കോർപറേറ്റ് മാനേജർ ഫാ. മാത്യു ശാസ്താംപടവിൽ ഉദ്ഘാടനം ചെയ്തു. ഇരിക്കൂർ ഉപജില്ല വിദ്യാഭ്യാസ ഓഫീസർ ഗിരീഷ് മോഹൻ അധ്യക്ഷത വഹിച്ചു. കേരള ലളിതകലാ അക്കാദമി വൈസ് ചെയർമാൻ എബി എൻ. ജോസഫ് മുഖ്യപ്രഭാഷണവും സ്കൂൾ മാനേജർ ഫാ. ആന്‍റണി മഞ്ഞളാംകുന്നേൽ അനുഗ്രഹ പ്രഭാഷണവും നടത്തി.
സജീവ് ജോസഫ് എംഎൽഎ തന്‍റെ സഹപാഠി കൂടിയായ സിസ്റ്റർ ജെസിക്കുട്ടി ജോസഫിന്‍റെ വിരമിക്കൽ ചടങ്ങിലേക്ക് സന്ദേശമയച്ചിരുന്നു. സ്കൂൾ അസിസ്റ്റന്‍റ് മാനേജർ ഫാ. ആന്‍റണി മറ്റക്കോട്ടിൽ, ഇരിക്കൂർ ബ്ലോക്ക് പ്രോഗ്രാം കോ-ഓർഡിനേറ്റർ (ബിപിസി) ടി.വി.ഒ. സുനിൽകുമാർ, പിടിഎ പ്രസിഡന്‍റ് തോമസ് കുര്യൻ, മദർ പിടിഎ പ്രസിഡന്‍റ് ഷിനി ഷിജു, ഹൈസ്കൂൾ മുഖ്യാധ്യാപകൻ സി.എൽ. ആന്‍റോ, സ്കൂൾ ലീഡർ അൽജു വിജു, പ്രോഗ്രാം കൺവീനർ റാണി തോമസ്, പി. ഷാജി എന്നിവർ പ്രസംഗിച്ചു.
വിദ്യാർഥികൾക്കുള്ള എൻഡോവ്മെന്‍റുകൾ, എൽഎസ്എസ്, യുഎസ്എസ് വിജയികൾക്കുള്ള മൊമെന്‍റോകൾ, വിവിധ ഡിവിഷനുകളിലെ ബെസ്റ്റ് ഔട്ട് ഗോയിംഗ് സ്റ്റുഡൻസിനുള്ള ട്രോഫികൾ എന്നിവ വിതരണം ചെയ്തു. ഉപജില്ലാതലത്തിൽ നടന്ന ഭാഷോത്സവം, ഭാഷാമൃതം പരിപാടികളിൽ മികച്ച വിജയം നേടിയ വിദ്യാർഥികളെയും രക്ഷിതാക്കളെയും സ്കൂൾ മാനേജർ സർട്ടിഫിക്കറ്റുകൾ നൽകി അനുമോദിച്ചു. വിവിധ കലാപരിപാടികളും അരങ്ങേറി.