അരിവിളഞ്ഞപൊയിൽ: സാന്തോം ഇംഗ്ലീഷ് മീഡിയം സ്കൂളിൾ 17-ാം വാർഷികം ആഘോഷിച്ചു. സംസ്ഥാന സ്കൂൾ കലോത്സവത്തിൽ ഹിന്ദി പ്രസംഗ മത്സര ജേതാവായ ആദിത്യൻ സുനിൽ ഉദ്ഘാടന കർമം നിർവഹിച്ചു. സ്കൂൾ മാനേജർ ഫാ. തോമസ് മേനപ്പാട്ടുപടിക്കൽ അധ്യക്ഷത വഹിച്ചു.
പ്രിൻസിപ്പൽ ജോസ് ചേപ്പുംപാറ ,വാർഡ് മെംബർ അബിഷ ഷാജി, പിടിഎ പ്രസിഡന്‍റ് മനോജ്‌ കട്ടക്കയം, സ്കൂൾ ലീഡർ ആഷിക്, വൈസ് പ്രിൻസിപ്പൽ സിസ്റ്റർ മെറീന സിഎസ്എൻ പ്രസം ഗിച്ചു. കുട്ടികളുടെ കലാപരിപാടികളും അരങ്ങേറി.
നെടുങ്ങോം: നെടുങ്ങോം ജിഎച്ച്എസ്എസ് വാർഷികാഘോഷവും വിരമിക്കുന്ന അധ്യാപകർക്കുള്ള യാത്രയയപ്പും സജീവ് ജോസഫ് എംഎൽഎ ഉദ്ഘാടനം ചെയ്തു. ശ്രീകണ്ഠപുരം നഗരസഭ ചെയർപേഴ്സൺ കെ.വി. ഫിലോമിന അധ്യക്ഷത വഹിച്ചു. കവിയും സംഗീതജ്ഞനുമായ ഡോ. എ.എസ്. പ്രശാന്ത് കൃഷ്ണൻ വിശിഷ്ടാതിഥിയായിരുന്നു.
പി.ആർ. അലക്സ്, ബോബി മാത്യു, ത്രേസ്യാമ്മ മാത്യു, പി.വി. ചന്ദ്രാംഗദൻ, വി.സി. രവീന്ദ്രൻ, കെ.ഒ. പ്രദീപൻ, പി.കെ. ഗിരീഷ് മോഹൻ, ടി.വി.ഒ. സുനിൽ കുമാർ, കെ. ഭാസ്കരൻ, പി. പ്രകാശൻ, സാവിത്രി മാനോജ്, ഇ.കെ. ജയപ്രസാദ് എന്നിവർ പ്രസംഗിച്ചു.