ബ​സു​ക​ളി​ല്ല; ജില്ലയിൽ നി​ല​ച്ച​ത് 22 കെ​എ​സ്ആ​ർ​ടി​സി സ​ർ​വീ​സു​ക​ൾ
Wednesday, February 1, 2023 12:46 AM IST
ക​ണ്ണൂ​ർ: ബ​സു​ക​ൾ ഇ​ല്ലാ​ത്ത​തി​നാ​ൽ ജി​ല്ല​യി​ൽ 22 കെ​എ​സ്ആ​ർ​ടി​സി സ​ർ​വീ​സു​ക​ൾ മു​ട​ങ്ങി​ക്കി​ട​ക്കു​ന്നു. കോ​വി​ഡ് സ​മ​യ​ത്ത് നി​ർ​ത്ത​ലാ​ക്കി​യ സ​ർ​വീ​സു​ക​ളാ​ണ് യാ​ത്ര​ക്കാ​ർ ആ​വ​ശ്യ​പ്പെ​ട്ടി​ട്ടും പു​നഃ​സ്ഥാ​പി​ക്കാ​ൻ ക​ഴി​യാ​ത്ത​ത്. ക​ണ്ണൂ​ർ ഡി​പ്പോ​യി​ലാ​ണ് ഏ​റ്റ​വും കൂ​ടു​ത​ൽ ബ​സു​ക​ളു​ടെ ദൗ​ർ​ല​ഭ്യം. കാ​ഞ്ഞി​ര​ക്കൊ​ല്ലി, കു​ടി​യാ​ന്മ​ല, ഇ​രി​ട്ടി, ഉ​ളി​ക്ക​ൽ തു​ട​ങ്ങി​യ മേ​ഖ​ല​ക​ളി​ലേ​ക്കു​ള്ള 12 സ​ർ​വീ​സു​ക​ളാ​ണ് ബ​സി​ല്ലാ​ത്ത​തി​നാ​ൽ ക​ണ്ണൂ​ർ ഡി​പ്പോ​യി​ൽ​നി​ന്നും മു​ട​ങ്ങി​യ​ത്.
കോ​വി​ഡ് പ്ര​തി​സ​ന്ധി​ക്കു​മു​ന്പ് 79 ഓ​ർ​ഡി​ന​റി ബ​സു​ക​ളാ​ണ് ഡി​പ്പോ​യി​ൽ​നി​ന്നും സ​ർ​വീ​സ് ന​ട​ത്തി യി​രു​ന്ന​ത്. കോ​വി​ഡി​നു​ശേ​ഷം 61 ആ​യി ചു​രു​ങ്ങി. ഇ​തി​ൽ ആ​റെ​ണ്ണം സ​ർ​വീ​സ് പു​നഃ​രാ​രം​ഭി​ച്ചി​രു​ന്നെ​ങ്കി​ലും ക​ള​ക്‌​ഷ​ൻ കു​റ​വാ​യ​തി​നാ​ൽ നി​ർ​ത്തു​ക​യാ​യി​രു​ന്നു. ബ​സു​ക​ൾ ല​ഭ്യ​മാ​കു​ന്ന മു​റ​യ്ക്ക് ഡി​പ്പോ​യി​ൽ​നി​ന്നും സ​ർ​വീ​സു​ക​ൾ പു​നഃ​രാ​രം​ഭി​ക്കാ​ൻ ക​ഴി​യു​മെ​ന്നാ​ണ് ക​ണ്ണൂ​ർ ഡി​പ്പോ​യി​ലെ ജ​ന​റ​ൽ ക​ൺ​ട്രോ​ളിം​ഗ് ഇ​ൻ​സ്പെ​ക്ട​ർ അ​റി​യി​ച്ച​ത്.
പ​യ്യ​ന്നൂ​ർ ഡി​പ്പോ​യി​ൽ ഒ​ൻ​പ​ത് സ​ർ​വീ​സു​ക​ളാ​ണ് മു​ട​ങ്ങി​ക്കി​ട​ക്കു​ന്ന​ത്. 68 സ​ർ​വീ​സു​ക​ൾ ഉ​ണ്ടാ​യി​രു​ന്ന​തി​ൽ​നി​ന്ന് കോ​വി​ഡി​നു​ശേ​ഷം 59 ആ​യി ചു​രു​ങ്ങു​ക​യാ​യി​രു​ന്നു. ത​ല​ശേ​രി ഡി​പ്പോ​യി​ൽ ര​ണ്ട് സ​ർ​വീ​സു​ക​ളും മു​ട​ങ്ങി​യി​ട്ടു​ണ്ട്.
മ​റ്റു ഡി​പ്പോ​ക​ളി​ൽ സ്പെ​യ​ർ ബ​സു​ക​ൾ ഇ​ല്ലാ​ത്ത​തി​നാ​ൽ പ​ക​രം സം​വി​ധാ​നം ഏ​ർ​പ്പെ​ടു​ത്താ​നും ക​ഴി​യു​ന്നി​ല്ല. അ​റ്റ​കു​റ്റ​പ്പ​ണി​ക​ൾ​ക്കാ​യി പോ​കു​ന്ന ബ​സു​ക​ൾ​ക്ക് പ​ക​രം സ​ർ​വീ​സ് ന​ട​ത്തു​ന്ന​തി​നാ​യി ഓ​രോ ജി​ല്ല​യി​ലും കു​റ​ച്ച് ബ​സു​ക​ൾ കോ​മ​ൺ പൂ​ൾ സം​വി​ധാ​ന​ത്തി​ലേ​ക്ക് മാ​റ്റി​വ​യ്ക്കു​മാ​യി​രു​ന്നു. അ​റ്റ​കു​റ്റ​പ്പ​ണി ക​ഴി​ഞ്ഞ് പ​ഴ​യ ബ​സ് തി​രി​ച്ചെ​ത്തു​ന്ന​തു​വ​രെ മാ​ത്ര​മാ​ണ് ഇ​ത്ത​രം ബ​സു​ക​ൾ നി​ര​ത്തി​ലി​റ​ക്കു​ന്ന​ത്. എ​ന്നാ​ൽ ജി​ല്ല​യി​ലെ കോ​മ​ൺ പൂ​ൾ സം​വി​ധാ​ന​ത്തി​ലും നി​ല​വി​ൽ ബ​സു​ക​ളി​ല്ല. പു​തി​യ ബ​സു​ക​ൾ വ​ന്നാ​ൽ മാ​ത്ര​മേ മു​ട​ങ്ങി​പ്പോ​യ സ​ർ​വീ​സു​ക​ളി​ൽ പ​ല​തും പു​നഃ​രാ​രം​ഭി​ക്കാ​ൻ ക​ഴി​യു​ക​യു​ള്ളൂ.
മു​ഴു​വ​ൻ കെ​എ​സ്ആ​ർ​ടി​സി ബ​സു​ക​ളും ഇ​ന്നു​മു​ത​ൽ സ​ർ​വീ​സി​ന് ഇ​റ​ക്ക​ണ​മെ​ന്ന് കെ​എ​സ്ആ​ർ​ടി​സി ഓ​പ്പ​റേ​ഷ​ൻ എ​ക്സി​ക്യൂ​ട്ടീ​വ് ഡ​യ​റ​ക്‌​ട​ർ സോ​ണ​ൽ മേ​ധാ​വി​ക​ൾ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.

Copyright @ 2022 , Rashtra Deepika Ltd.