കണ്ണൂർ: ജില്ലാ ഭരണകൂടത്തിന്‍റെ ആഭിമുഖ്യത്തിൽ മഹാത്മഗാന്ധിയുടെ 75-ാം രക്തസാക്ഷി ദിനാചരണം നടത്തി. ജില്ലാ കളക്ടർ എസ്. ചന്ദ്രശേഖർ അധ്യക്ഷത വഹിച്ചു. എഡിഎം കെ.കെ. ദിവാകരൻ, ഡെപ്യൂട്ടി കളക്ടർമാരായ ടി.വി. രഞ്ജിത് (എൽഎ), കെ.എസ്. ജോസഫ് (ഡിഎം), ഹുസൂർ ശിരസ്തദാർ പി. പ്രേംരാജ്, ജില്ലാ ഇൻഫർമേഷൻ ഓഫീസർ ഇ.കെ. പദ്മനാഭൻ, വിവിധ വകുപ്പ് ഉദ്യോഗസ്ഥർ എന്നിവർ പങ്കെടുത്തു. തുടർന്ന് മൗനാചരണവും നടത്തി.
മഹാത്മാഗാന്ധിയുടെ രക്തസാക്ഷിത്വ ദിനത്തിൽ കണ്ണൂർ കോർപറേഷൻ ഓഫീസിലെ ഗാന്ധി പ്രതിമക്ക്‌ മുന്നിൽ കൗൺസിലർമാരും ജീവനക്കാരും പുഷ്പാർച്ചനയും അനുസ്മരണവും നടത്തി. മേയർ ടി.ഒ. മോഹനൻ, സ്റ്റാൻഡിംഗ് കമ്മിറ്റി ചെയർമാൻമാരായ എം.പി. രാജേഷ്, സുരേഷ് ബാബു എളയാവൂർ, കൗൺസിലർ ടി. രവീന്ദ്രൻ തുടങ്ങിയവർ നേതൃത്വം നൽകി.
ഇരിട്ടി: ഇന്ത്യയിലെ ജനാധിപത്യ ഭരണകൂടങ്ങൾ ഇന്നും ഗാന്ധിജിയേയും അദ്ദേഹത്തിന്‍റെ ആദർശങ്ങളേയും ഭയപ്പെടുന്നുവെന്ന് കെസിബിസി മദ്യവിരുദ്ധ സമിതി സംസ്ഥാന വക്താവ് ഫാ. ചാക്കോ കുടിപ്പറമ്പിൽ. ഗാന്ധിജിയുടെ എഴുപത്തഞ്ചാം രക്തസാക്ഷിദിനത്തിൽ എടൂർ മേഖലാ കെസിബിസി മദ്യവിരുദ്ധ സമിതിയും മുക്തിശ്രീയും സംയുക്തമായി സംഘടിപ്പിച്ച മദ്യം, മയക്കുമരുന്ന്, വർഗീയത എന്നീ സാമൂഹ്യതിന്മകൾക്കെതിരേ നടന്ന വാഹനപ്രചാരണ ജാഥയുടെ സമാപന സമ്മേളനം ഇരിട്ടിയിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മേഖലാ ഡയറക്ടർ ഫാ. സെബാസ്റ്റ്യൻ മുട്ടത്തുപാറ അധ്യക്ഷത വഹിച്ചു. ആന്‍റണി മേൽവെട്ടം, മേരി ആലക്കാമറ്റത്തിൽ, ജോർജ് കുറ്റാരപ്പള്ളി, ജോഷി പുവത്തോലിൽ, മാത്യു പുഞ്ചായിൽ, പയസ് പരപരാഗം, ബേബി താന്നിയിൽ, ഡയാന ഇരുപ്പക്കാട്ട്, അലീന മണ്ണഞ്ചേരി, മേരിക്കുട്ടി പച്ചമ്പള്ളി എന്നിവർ പ്രസംഗിച്ചു.രാവിലെ കീഴ്പള്ളി ടൗണിൽ ഫാ.ജോസ് പൂവന്നിക്കുന്നേൽ പരിപാടിയുടെ ഉദ്ഘാടനം നിർവഹിച്ചു.
കണ്ണുർ: ഭാരതത്തിൽ ജനാധിപത്യത്തിന്‍റെ നിലനിൽപ്പ് മതേതരത്വത്തിൽ അധിഷ്ടിതമാണെന്നും ഗാന്ധിയൻ ദർശനങ്ങൾ എല്ലാ കാലഘട്ടത്തിലും പ്രസക്തമാണെന്നും കോൺഗ്രസ്-എസ് സംസ്ഥാന പ്രസിഡന്‍റ് കടന്നപ്പള്ളി രാമചന്ദ്രൻ എംഎൽഎ. മഹാത്മാഗാന്ധിയുടെ രക്തസാക്ഷിത്വ ദിനം കോൺഗ്രസ്-എസ് ദേശീയ പുനരർപ്പണ ദിനമായി ആചരിക്കുന്നതിന്‍റെ ഉദ്ഘാടനം നിർവഹിച്ചു പ്രസംഗിക്കുകയായിരുന്നു കടന്നപ്പള്ളി രാമചന്ദ്രൻ എംഎൽഎ. ജില്ലാ പ്രസിഡന്‍റ് കെ.കെ.ജയപ്രകാശ് അധ്യക്ഷത വഹിച്ചു. സംസ്ഥാന ജനറൽ സെക്രട്ടറി ഇ.പി.ആർ വേശാല, കെ.എ.വിജയൻ, എം.ഉണ്ണികൃഷ്ണൻ, കെ.പി. ദിലീപ്. കെ.വി. ദേവദാസ് യു.പി. മുഹമ്മദ്കുഞ്ഞി, പി.ജയൻ, കെ.സി. രാമചന്ദ്രൻ, രമേശൻ ഒതയോത്ത്, കെ. .രാമചന്ദ്രൻ,ഗോപീകൃഷ്ണൻ, രാജീവ് കിഴുത്തള്ളി,കെ.വി.ഗിരീഷ്, റനീഷ് മാത്യു, അഷറഫ് പിലാത്തറ, എ. അബ്ദുൾ ലത്തീഫ്, നസീമ റഹീം, വി.രഘൂത്തമൻ ,പി.പ്രഭാകരൻ എന്നിവർ പ്രസംഗിച്ചു. താലൂക്ക് ഓഫീസ് വളപ്പിലെ ഗാന്ധി പ്രതിമയിൽ പുഷ്പാർച്ചനയും നടന്നു.
കണ്ണൂർ: കേരള മദ്യനിരോധന സമിതി കണ്ണൂർ ജില്ലാ കമ്മിറ്റിയുടെ ആഭിമുഖ്യത്തിൽ കണ്ണൂർ ഗാന്ധി സ്ക്വയർ പരിസരത്ത് നടത്തിയ ഉപവാസ സമരം കണ്ണൂർ കോർപ്പറേഷൻ സ്റ്റാൻഡിംഗ് കമ്മിറ്റി ചെയർമാൻ പി.കെ. രാഗേഷ് ഉദ്ഘാടനം ചെയ്തു. ജില്ലാ പ്രസിഡന്‍റ് ഐ.സി മേരി അധ്യക്ഷത വഹിച്ചു. കേരള മദ്യനിരോധന സമിതി സംസ്ഥാന വൈസ് പ്രസിഡന്‍റ് ആർട്ടിസ്റ്റ് ശശികല മുഖ്യപ്രഭാഷണം നടത്തി. കെ.വി.രവീന്ദ്രൻ, ജില്ലാ വനിത വിഭാഗം പ്രസിഡന്‍റ് പ്രസന്ന ലോഹിതാക്ഷൻ, സൗമി മട്ടന്നൂർ, മധു കക്കാട്, ശിവദാസൻ കരിപ്പാൽ, നാണി ടീച്ചർ, ലിസി, സിസ്റ്റർ ആസ്റ്റലി എഫ്സിസി, മോഹിനി, എം.കെ.വിനോദൻ, വത്സല പനമറ്റം, ഇമ്തിയാസ്, സുലൈമാൻ എന്നിവർ പ്രസംഗിച്ചു. വൈകുന്നേരം കടന്നപ്പള്ളി രാമചന്ദ്രൻ എംഎൽഎ ഉപവാസമനുഷ്ഠിച്ചവർക്ക് നാരങ്ങാ നീര് നൽകി ഉപവാസ സമരത്തിന്‍റെ സമാപന സമ്മേളനം ഉദ്ഘാടനം ചെയ്തു.
കണ്ണൂര്‍: പീപ്പിള്‍സ് മൂവ്‌മെന്‍റ് ഫോര്‍ പീസിന്‍റെ ആഭിമുഖ്യത്തില്‍ കോളജ് ഓഫ് കോമേഴ്‌സില്‍ നടന്ന ചടങ്ങില്‍ ഗാന്ധിജിയുടെ ഛായാചിത്രത്തില്‍ പുഷ്പാര്‍ച്ചന നടത്തി. കോര്‍പറേഷന്‍ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ സുരേഷ്ബാബു എളയാവൂര്‍ ഉദ്ഘാടനം ചെയ്തു. കോളജ് ഓഫ് കോമേഴ്‌സ് ചെയര്‍മാന്‍ സി. അനില്‍കുമാര്‍ അധ്യക്ഷത വഹിച്ചു. ടി.പി.ആര്‍. നാഥ് കെ.പി.എ. റഹീം അനുസ്മരണ പ്രഭാഷണം നടത്തി. ഫാ. സ്‌കറിയ കല്ലൂര്‍, ഹരിദാസ് മംഗലശേരി, ഡോ. ജോസ്‌ലിറ്റ്മാത്യു, ഷാജു ജോണ്‍, ടി.വി. ശ്രീജന്‍ തുടങ്ങിയവര്‍ പ്രസംഗിച്ചു. കോളജ് വിദ്യാര്‍ഥികള്‍ക്കായി നടത്തിയ ജില്ലാതല പ്രസംഗമത്സരത്തിൽ അന്‍വിര്‍ സണ്ണി (മലബാര്‍ ബിഎഡ് കോളജ്), എ.പി. മുഹമ്മദ് അനസ് (കോളജ് ഓഫ് കോമേഴ്‌സ്), കെ. മുഹമ്മദ് ഉവൈസ് (ഏച്ചൂര്‍ നളന്ദ കോളജ്) എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.
പേരാവൂർ: ബ്ലോക്ക് കോൺഗ്രസ് കമ്മിറ്റിയുടെ ആഭിമുഖ്യത്തിൽ പേരാവൂർ കോൺഗ്രസ് ഓഫീസിൽ പുഷ്പാർച്ചനയും അനുസ്മരണ യോഗവും നടന്നു. ബ്ലോക്ക് പ്രസിഡന്‍റ് സുരേഷ് ചാലാറത്ത് ഉദ്ഘാടനം ചെയ്തു, കെ.കെ. വിജയൻ, ഷിജിന ചാലാറത്ത്, ഷെഫീർ ചെക്യത്ത്, ബാബു ജോസ്, സി.ഹരിദാസ്, എം.വി. ജനാർദ്ദനൻ, എസ്.കെ. ഇസ്മായിൽ, എ. പത്മൽ, സി.പി. ജലാൽ എന്നിവർ പ്രസംഗിച്ചു.
മണത്തണ: ഇന്ത്യൻനാഷണൽ കോൺഗ്രസ് മണത്തണ ബൂത്ത് കമ്മിറ്റിയുടെ നേതൃത്വത്തിൽ മഹാത്മജി രക്തസാക്ഷിത്വ ദിനമാചരിച്ചു. ഡിസിസി ജനറൽ സെക്രട്ടറി ബൈജു വർഗീസ് ഉദ്ഘാടനം ചെയ്തു. ജോണി ചിറമ്മൽ അധ്യക്ഷത വഹിച്ചു. തോമസ് പാറയ്ക്കൽ, മധുസൂദനൻ ആയ്യോത്തുംചാൽ, വിജയൻ മാത്തോട്ടം, പി.മുഹമ്മദ്, കെ.കുഞ്ഞ് കാരിമല, എന്നിവർ പ്രസംഗിച്ചു.
അങ്ങാടിക്കടവ്: അയ്യൻകുന്ന് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ഗാന്ധി രക്തസാക്ഷി അനുസ്മരണം അങ്ങാടിക്കടവ് ടൗണിൽ ബ്ലോക്ക് പഞ്ചായത്ത് പ്രസിഡന്‍റ് കെ.വേലായുധൻ ഉദ്ഘാടനം ചെയ്തു. മണ്ഡലം പ്രസിഡന്‍റ് ജയിൻസ് മാത്യു, പഞ്ചായത്ത് പ്രസിഡന്‍റ് കുര്യാച്ചൻ പൈമ്പള്ളി കുന്നേൽ, ബെന്നി ഫിലിപ്പ്, എം.കെ. വിനോദ്, ഐസക് ജോസഫ്, കെ.എസ്. ശ്രീ കാന്ത്, ഷിബോ കൊച്ചുവേലിക്കകത്ത്, ജോസ് കുഞ്ഞ് തടത്തിൽ, സിന്ധു ബെന്നി, സീമ സനോജ്, സെലീന ബിനോയി, സിബിച്ചൻ പുതുപ്പറമ്പിൽ, ബേബി കൂടപ്പാട്ട് എന്നിവർ പ്രസംഗിച്ചു.
കണ്ണൂർ: ആഗോള സമാധാന സംഘടനയായ വേൾഡ് വിത്തൗട്ട് വാറിന്‍റെയും ഗാന്ധിയൻ സംഘടനകളുടെയും സംയുക്താഭിമുഖ്യത്തിൽ മഹാത്മജിയുടെ 75 മത് രക്തസാക്ഷിത്വ ദിനം മാനവ മൈത്രി ദിനമായി ആചരിച്ചു. കണ്ണൂർ പഴയ ബസ് സ്റ്റാൻഡ് പരിസരത്ത് മാനവ മൈത്രി സംഗമം വിദ്യാഭ്യാസ പ്രവർത്തകൻ ഡോ. വിജയൻ ചാലോട് ഉദ്ഘാടനം ചെയ്തു. ടി.പി. ആർ. നാഥ് അധ്യക്ഷത വഹിച്ചു. പി.കെ.പ്രേമരാജൻ, ഇ.വി.ജി. നമ്പ്യാർ,ഡോ. ഡി.സുരേന്ദ്രനാഥ്, രാജൻ കോരമ്പേത്ത് , ചെറുകര ബാലകൃഷ്ണൻ, കെ.പി.അബ്ദുൾ അസീസ് മാസ്റ്റർ,കെ.ചന്ദ്രബാബു,പ്രദീപൻ മഠത്തിൽ, ദിനു മൊട്ടമ്മൽ,ജമാൽ സിറ്റി,രാജൻ തീയ റേത്ത്,ചന്ദ്രൻ മന്ന എന്നിവർ പ്രസംഗിച്ചു.
കേളകം: മഞ്ഞളാംപുറം യുപി സ്കൂളിൽ സോഷ്യൽ സയൻസ് ക്ലബിന്‍റെ നേതൃത്വത്തിൽ ഗാന്ധി അനുസ്മരണയോഗം സംഘടിപ്പിച്ചു. ഗാന്ധി പ്രതിമയിൽ പുഷ്പാർച്ചന നടത്തി. മുഖ്യാധ്യാപികയുടെ ചുമതലയുള്ള റോസമ്മ പ്രസംഗിച്ചു. ഷാജു അലക്സ്, മോളി ഡോമിനിക്ക്, സിസ്റ്റർ മിനി തോമസ്, ഷീജ പി. മാത്യു, സിസ്റ്റർ സ്മിത ത്രേസ്യമ്മ, രശ്മി ജോസ് എന്നിവർ നേതൃത്വം നൽകി.