മാ​ത​മം​ഗ​ല​ത്തെ തൊ​ഴി​ൽ ത​ർ​ക്കം: പോ​ലീ​സ് സം​ര​ക്ഷ​ണ​ത്തി​ൽ ലോ​ഡി​റ​ക്കി
Sunday, January 29, 2023 12:24 AM IST
പെ​രു​മ്പ​ട​വ്: ക​യ​റ്റി​റ​ക്ക് ത​ർ​ക്കം തു​ട​രു​ന്ന മാ​ത​മം​ഗ​ല​ത്തെ വ്യാ​പാ​ര​സ്ഥാ​പ​ന​മാ​യ ശ്രീ​പോ​ർ​ക്ക​ലി​യി​ൽ ഇ​ന്ന​ലെ പോ​ലീ​സ് സം​ര​ക്ഷ​ണ​ത്തി​ൽ ലോ​ഡി​റ​ക്കി. ര​ണ്ട​ര വ​ർ​ഷം മു​മ്പാ​ണ് ഇ​വി​ടെ സ്ഥാ​പ​നം തു​ട​ങ്ങി​യ​ത്. ലോ​ഡ് ക​യ​റ്റി​റ​ക്കു​ന്ന​തു സം​ബ​ന്ധി​ച്ച് ത​ർ​ക്കം തു​ട​രു​ന്ന​തി​നാ​ൽ ഇ​തു​വ​രെ സാ​ധ​ന​ങ്ങ​ൾ ഇ​റ​ക്കാ​ൻ ക​ഴി​യാ​തെ ഉ​ട​മ മോ​ഹ​ൻ​ലാ​ൽ പ്ര​തി​സ​ന്ധി​യി​ലാ​യി​രു​ന്നു. സ്വ​ന്തം തൊ​ഴി​ലാ​ളി​ക​ളെ വ​ച്ച് ലോ​ഡ് ഇ​റ​ക്കു​ന്ന​ത് മാ​ത​മം​ഗ​ല​ത്തെ സി​ഐ​ടി​യു നേ​തൃ​ത്വ​ത്തി​ലു​ള്ള തൊ​ഴി​ലാ​ളി​ക​ൾ ത​ട​യു​ക​യാ​യി​രു​ന്നു.
ക​ഴി​ഞ്ഞ നാ​ലു​ത​വ​ണ വ​ന്ന ലോ​ഡു​ക​ളും സി​ഐ​ടി​യു തൊ​ഴി​ലാ​ളി​ക​ൾ മ​ട​ക്കി അ​യ​ച്ചു. ക​ട​യു​ട​മ ഹൈ​ക്കോ​ട​തി​യെ സ​മീ​പി​ച്ച​തി​നെ തു​ട​ർ​ന്ന് ര​ണ്ടു​പേ​ർ​ക്ക് തൊ​ഴി​ൽ കാ​ർ​ഡ് ല​ഭ്യ​മാ​യി​രു​ന്നു. ഇ​വ​രെ വ​ച്ച് ലോ​ഡ് ഇ​റ​ക്കു​ന്ന​തും ക​യ​റ്റു​ന്ന​തു​മാ​ണ് സ്ഥ​ല​ത്തെ തൊ​ഴി​ലാ​ളി​ക​ൾ ത​ട​ഞ്ഞ​ത്. ത​ട​ഞ്ഞ തൊ​ഴി​ലാ​ളി​ക​ളെ പെ​രി​ങ്ങോം പോ​ലീ​സ് അ​റ​സ്റ്റ് ചെ​യ്തു നീ​ക്കി. തു​ട​ർ​ന്നാ​ണ് സ്ഥാ​പ​ന​ത്തി​ലെ ജീ​വ​ന​ക്കാ​ർ ച​ര​ക്കി​റ​ക്കി​യ​ത്. ഇ​തി​നി​ട​യി​ൽ സ്ഥാ​പ​ന​ത്തി​ന്‍റെ സ​മീ​പ​ത്തു​ണ്ടാ​യി​രു​ന്ന ഉ​ട​മ​യു​ടെ വാ​ഹ​ന​ത്തി​ന്‍റെ ട​യ​റി​ന്‍റെ കാ​റ്റ് പോ​ലീ​സ് നോ​ക്കി​നി​ൽ​ക്കെ ചു​മ​ട്ടു​തൊ​ഴി​ലാ​ളി​ക​ൾ അ​ഴി​ച്ചു​വി​ട്ട​താ​യും പ​റ​യു​ന്നു.
അ​റ​സ്റ്റി​ലാ​യ തൊ​ഴി​ലാ​ളി​ക​ൾ​ക്കെ​തി​രേ നി​സാ​ര കേ​സു​ക​ളാ​ണ് ചു​മ​ത്തി​യി​രി​ക്കു​ന്ന​തെ​ന്ന് സ്ഥാ​പ​ന ഉ​ട​മ മോ​ഹ​ൻ​ലാ​ൽ ആ​രോ​പി​ച്ചു. ഇ​തി​നെ​തി​രേ ഹൈ​ക്കോ​ട​തി​യെ സ​മീ​പി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി. നാ​ട്ടി​ലെ ചു​മ​ട്ടു​തൊ​ഴി​ലാ​ളി​ക​ളു​ടെ തൊ​ഴി​ൽ നി​ഷേ​ധി​ച്ച് സ്വ​ന്തം ആ​ൾ​ക്കാ​രെ വ​ച്ച് ലോ​ഡി​റ​ക്കാ​നു​ള്ള നീ​ക്കം അ​നു​വ​ദി​ക്കി​ല്ലെ​ന്നാ​ണ് ചു​മ​ട്ടു​തൊ​ഴി​ലാ​ളി​ക​ൾ ആ​വ​ർ​ത്തി​ക്കു​ന്ന​ത്.
പ്ര​ദേ​ശ​ത്ത് പെ​രി​ങ്ങോം, പ​ഴ​യ​ങ്ങാ​ടി, പ​രി​യാ​രം സ്റ്റേ​ഷ​നു​ക​ളി​ലെ പോ​ലീ​സ് സം​ഘം ക്യാ​മ്പ് ചെ​യ്യു​ന്നു​മു​ണ്ട്. ക​ഴി​ഞ്ഞ​ദി​വ​സം ലോ​ഡു​മാ​യി വ​ന്ന വാ​ഹ​ന​ത്തി​ന്‍റെ ഡ്രൈ​വ​റെ മ​ർ​ദി​ച്ച​തി​നെ​തി​രേ പോ​ലീ​സ് കേ​സെ​ടു​ത്തി​രു​ന്നു. ഇ​തി​നെ​തി​രേ ചു​മ​ട്ടു​തൊ​ഴി​ലാ​ളി​ക​ൾ മാ​ത​മം​ഗ​ല​ത്ത് പ്ര​തി​ഷേ​ധ​പ്ര​ക​ട​നം ന​ട​ത്തി​യി​രു​ന്നു. പ്ര​ശ്ന​പ​രി​ഹാ​രം നീ​ളു​ന്ന​തി​നാ​ൽ പ്ര​ദേ​ശ​ത്ത് സ്ഥി​രം പോ​ലീ​സ് റോ​ന്തു​ചു​റ്റു​ന്ന​ത് ഇ​വി​ടെ​യെ​ത്തു​ന്ന ജ​ന​ങ്ങ​ളി​ലും വ്യാ​പാ​രി​ക​ളി​ലും ആ​ശ​ങ്ക ഉ​യ​ർ​ത്തു​ന്നു​ണ്ട്.

Copyright @ 2022 , Rashtra Deepika Ltd.