പെരുമ്പടവ്: ചെറുപാറ സെന്‍റ് സെബാസ്റ്റ്യൻസ് ദേവാലയ തിരുനാളിന് നാളെ തുടക്കം കുറിക്കും. വൈകുന്നേരം 3.45ന് ജപമാലയും തുടർന്ന് 4.15ന് ഇടവക വികാരി ഫാ. ജോസഫ് കാനക്കാട്ട് കൊടിയേറ്റും നിർവഹിക്കും. തുടർന്ന് 4.30ന് ഫാ. റിമൽ ചെമ്പനാനിക്കലിന്‍റെ കാർമികത്വത്തിൽ വിശുദ്ധ കുർബാന, വചന സന്ദേശം, നൊവേന. 28 മുതൽ ഫെബ്രുവരി മൂന്ന് വരെ വൈകുന്നേരം നാലിന് ജപമാല, 4.30ന് വിശുദ്ധ കുർബാന, വചന സന്ദേശം, നൊവേന എന്നിവയ്ക്ക് ഫാ.ഏബ്രഹാം മഠത്തിമ്യാലിൽ, ഫാ. ജെഫ്രിൻ തണ്ടാശേരി, ഫാ. മാത്യു കല്ലുങ്കൽ, ഫാ. അഗസ്റ്റിൻ ഉറുമ്പുകാട്ടിൽ, ഫാ. ജോജി കിഴക്കരക്കാട്ട്, ഫാ. ബോണി മൂങ്ങാമാക്കൽ എന്നിവർ കാർമികത്വം വഹിക്കും. 29ന് രാവിലെ ഏഴിന് ജപമാല. 7.30ന് ഫാ.ജോസഫ് കാനക്കാട്ടിന്‍റെ കാർമികത്വത്തിൽ വിശുദ്ധ കുർബാന, വചന സന്ദേശം, നൊവേന. ഫെബ്രുവരി മൂന്നിന് വൈകുന്നേരം ആറിന് സെമിത്തേരി സന്ദർശനം, ഒപ്പീസ്. തുടർന്ന് 6.45ന് സൺഡേസ്കൂൾ, ഭക്ത സംഘടനകളുടെ കലാവിരുന്ന്. നാലിന് വൈകുന്നേരം 3.45ന് തിരുസ്വരൂപ പ്രതിഷ്ഠ, നാലിന് ജപമാല, 4.30ന് ഫാ. ജോജോ പൊടിമറ്റത്തിന്‍റെ കാർമികത്വത്തിൽ തിരുനാൾ കുർബാന, വചന സന്ദേശം, നൊവേന. 6.30ന് സൗത്ത് പെരിങ്ങാലയിലേക്ക് പ്രദക്ഷിണം. പന്തലിൽ ഫാ. ആന്‍റണി പള്ളിക്കുന്നേലിന്‍റെ കാർമികത്വത്തിൽ പ്രസംഗം. തുടർന്ന് 8.30ന് വാദ്യമേളം. സമാപന ദിനമായ അഞ്ചിന് രാവിലെ ഏഴിന് വി. കുർബാന. 9.30ന് ജപമാല, പത്തിന് ഫാ. പ്രജിൽ പണ്ടാരപ്പറമ്പിലിന്‍റെ കാർമികത്വത്തിൽ ആഘോഷമായ തിരുനാൾ പാട്ടുകുർബാന, വചന സന്ദേശം, ലദീഞ്ഞ്. ഉച്ചയ്ക്ക് 12ന് പ്രദക്ഷിണം. 12.30ന് സമാപനാശീർവാദം.