ശ്രീകണ്ഠപുരം: ആരോഗ്യമുള്ള ജനത, അഭിവൃദ്ധിയുള്ള നാട്, സന്തോഷമുള്ള കുടുംബം, തിളക്കമുള്ള വ്യക്തികൾ, ജനത നാടിന്റെയും കുടുംബത്തെയും അഭിമാനം എന്ന സന്ദേശം ഉയർത്തി കെസിബിസി മദ്യവിരുദ്ധ സമിതി, മുക്തിശ്രീയുടെ ആഭിമുഖ്യത്തിൽ മദ്യ ലഹരി വിമുക്ത ബോധവത്കരണ കാന്പയിൻ ശ്രീകണ്ഠപുരത്ത് കെസിബിസി മദ്യവിരുദ്ധ സമിതി സംസ്ഥാന വക്താവ് ഫാ. ചാക്കോ കുടിപ്പറമ്പിൽ ഉദ്ഘാടനം ചെയ്തു.
ദിനംപ്രതി വർധിച്ചുകൊണ്ടിരിക്കുന്ന ലഹരി വസ്തുക്കൾ നിയന്ത്രിക്കാൻ ശക്തമായ നിയമ സംവിധാനങ്ങൾ കൊണ്ടുവന്ന് പൊതുസമൂഹത്തെ രക്ഷിക്കാൻ സർക്കാർ പ്രതിജ്ഞാബദ്ധരാകണമെന്നും സുബോധവും ആരോഗ്യമുള്ളതുമായ ഒരു ജനതയെയാണ് രാഷ്ട്രത്തിന് ആവശ്യമെന്നും അദ്ദേഹം പറഞ്ഞു. മേഖലാ ഡയറക്ടർ ഫാ. അനൂപ് നരിമറ്റം അധ്യക്ഷത വഹിച്ചു.
മുക്തിശ്രീ അതിരൂപത പ്രസിഡന്റ് ഷിനോ പാറക്കൽ, മേഖലാ പ്രസിഡന്റ് സോയി ജോസഫ്, മുക്തിശ്രീ മേഖല പ്രസിഡന്റ് സിനി സോജൻ, മേഖലാ ഭാരവാഹികളായ ബെന്നി ചേരൂരിക്കൽ, മാത്തുക്കുട്ടി പനയ്ക്കൽ, സോയി ലോറൻസ് ഇലവുങ്കൽ, ഇന്ദു കാവിപുരയിടം, ജോളി നടുത്തൊട്ടിയിൽ, അന്നമ്മ ഓലയ്ക്കൽ, ത്രേസ്യാമ്മ താഴത്തെമുറിയിൽ, ആലീസ് മേലേട്ട്, വിൻസി എന്നിവർ പ്രസംഗിച്ചു.