ചെറുപുഴ: തലശേരി അതിരൂപതയിൽ ചെറുപുഴ, തോമാപുരം, വെള്ളരിക്കുണ്ട് പ്രദേശങ്ങളിലെ പ്ലസ് ടുവിന് പഠിക്കുന്ന വിദ്യാർഥികളുടെ സംഗമം "സോൾട്ട്- 2022' നടത്തി.
ചെറുപുഴ സെന്‍റ് മേരീസ് ഓഡിറ്റോറിയത്തിൽ നടത്തിയ സംഗമം അതിരൂപത വികാരി ജനറാൾ മോൺ. ആന്‍റണി മുതുകുന്നേൽ ഉദ്ഘാടനം ചെയ്തു. ചെറുപുഴ സെന്‍റ് മേരീസ് ഫൊറോന വികാരി റവ. ഡോ. ജോസ് വെട്ടിക്കൽ അധ്യക്ഷത വഹിച്ചു.
റവ. ഡോ. ടോം ഓലിക്കരോട്ട് വിദ്യാർഥികൾ അഭിമുഖീകരിക്കുന്ന പ്രശ്നങ്ങളെക്കുറിച്ച് ബോധവത്കരണ ക്ലാസ് നടത്തി.
ചെമ്പേരി വിമൽജ്യോതി എൻജിനിയറിംഗ് കോളജ് അസി. മാനേജർ ഫാ. സോണി വടശേരിൽ കരിയർ ഗൈഡൻസ് ക്ലാസിന് നേതൃത്വം നൽകി. ഫാ. ജോസഫ് വയലുങ്കൽ, ഫാ. ജോസ് പൊട്ടൻപുഴ, സജി തുരുത്തേൽ, ബിജു ചൊവ്വാറ്റുകുന്നേൽ, മാനുവൽ മാപ്പിളപറമ്പിൽ, അലക്സ് കൊല്ലപറമ്പിൽ, ജെയിംസ് മുരിക്കിനാപ്രായിൽ, ആന്‍റണി പുത്തൻപുരക്കൽ, ബേബി മാങ്കോട്ടിൽ, ജോണി കൈപ്പള്ളിപാറയിൽ, സാജു പുത്തൻപുര, സജി വള്ളോപ്പിള്ളിൽ, സിസ്റ്റർ റോസിലിയ എൻഎസ്, സിസ്റ്റർ മേരിക്കുട്ടി എംഎംഎം, സിസ്റ്റർ നവ്യ റോസ് എംഎസ്ജെ, ബ്രദർ ജസ്റ്റിൻ അരീക്കുഴുപ്പിൽ എന്നിവർ സംഗമത്തിന് നേതൃത്വം നൽകി.
വിവിധ കലാപരിപാടികൾ സംഗമത്തിന് ഉണർവ് നൽകി. ചെറുപുഴ, തോമാപുരം, വെള്ളരിക്കുണ്ട് മേഖലയിൽ നിന്നുള്ള എണ്ണുറോളം വിദ്യാർഥികൾ സംഗമത്തിൽ പങ്കെടുത്തു.
തലശേരി അതിരൂപത വിശ്വാസപരിശീലന ഡയറക്ടർ റവ. ഡോ. ജേക്കബ് വെണ്ണായപ്പിള്ളിൽ സ്വാഗതവും അസി. ഡയറക്ടർ ഫാ. ജോസഫ് വടക്കേപറമ്പിൽ നന്ദിയും പറഞ്ഞു.