ഐഐഎച്ച്ടിയിൽ
അസി. പ്രഫസർ നിയമനം
കണ്ണൂർ: ഇന്ത്യൻ ഇൻസ്റ്റിറ്റ്യൂട്ട് ഓഫ് ഹാന്‍റലൂം ടെക്നോളജിക്ക് കീഴിലുള്ള കോസ്റ്റ്യൂം ആൻഡ് ഫാഷൻ ഡിസൈനിംഗ് അസി. പ്രഫസർ തസ്തികയിൽ കരാർ അടിസ്ഥാനത്തിൽ നിയമനം നടത്തുന്നു. ഫാഷൻ ഡിസൈനിംഗ് / ഗാർമെന്‍റ് ടെക്നോളജി/ ഡിസൈനിംഗ് മേഖലയിൽ ബിരുദാനന്തര ബിരുദം, യൂജിസി നെറ്റ് , അധ്യാപന പരിചയം (അഭികാമ്യം) എന്നി യോഗ്യതയുള്ളർക്ക് അപേക്ഷിക്കാം. അപേക്ഷ 15ന് വൈകുന്നേരം അഞ്ചിനു മുന്പായി എക്സിക്യൂട്ടീവ് ഡയരക്ടർ, ഇന്ത്യൻ ഇൻസ്റ്റിറ്റ്യൂട്ട് ഓഫ് ഹാന്‍റ്ലൂം ടെക്നോളജി-കണ്ണൂർ, പി.ഒ.കിഴുന്ന, തോട്ടട, കണ്ണൂർ-7 എന്ന വിലാസത്തിൽ ലഭിക്കണം. ഇ-മെയിൽ മുഖേനയുള്ള അപേക്ഷകൾ സ്വീകരിക്കുന്നതല്ല. ഫോൺ: 0497 2835390.
ഇന്‍റീരിയർ ഡിസൈനിംഗ് കോഴ്സ്
കണ്ണൂർ: കണ്ണൂര്‍ ഗവ.ഐ ടി ഐയും ഐ എം സിയും സംയുക്തമായി നടത്തുന്ന ഇന്‍റീരിയര്‍ ഡിസൈനിംഗ് കോഴസിന് അപേക്ഷ ക്ഷണിച്ചു. കോഴ്‌സിന്‍റെ ഭാഗമായി ഓട്ടോകാഡ്, ത്രീഡിഎസ് മാക്‌സ്, വിറേ, റെവിറ്റ്, ഫോട്ടോഷോപ്പ്, സ്‌കെച്ച് അപ്പ് എന്നീ സോഫ്റ്റ്‌വെയറുകളിലും പരിശീലനം നല്‍കും. പ്ലസ്ടു, വി എച്ച് എസ് ഇ, ഐ ടി ഐ, ഡിപ്ലോമ, ബി ടെക്ക് കഴിഞ്ഞ വിദ്യാര്‍ഥികള്‍ക്ക് അപേക്ഷിക്കാം. ഫോണ്‍: 9447311257.
ലീഗല്‍ കം പ്രൊബേഷന്
ഓഫീസര്‍ നിയമനം
കണ്ണൂർ: ജില്ലാ ചൈല്‍ഡ് പ്രൊട്ടക്ഷന് യൂണിറ്റില്‍ ലീഗല്‍ കം പ്രൊബേഷന് ഓഫീസറെ കരാര്‍ അടിസ്ഥാനത്തില്‍ നിയമിക്കുന്നു.അപേക്ഷ ഒമ്പതിന് വൈകുന്നേരം അഞ്ചിനകം ജില്ലാ ചൈല്‍ഡ് പ്രൊട്ടക്ഷന് ഓഫീസര്‍, ജില്ലാ ചൈല്‍ഡ് പ്രൊട്ടക്ഷന് യൂണിറ്റ്, മുനിസിപ്പല്‍ ടൗണ്‍ ഹാള്‍ ഷോപ്പിംഗ് കോംപ്ലക്‌സ്, രണ്ടാം നില, തലശേരി 670104 എന്ന വിലാസത്തില്‍ സമര്‍പ്പിക്കണം. ഫോണ്‍: 0490 2967199.
ഇറച്ചിക്കോഴി വളർത്തൽ
പരിശീലനം
കണ്ണൂർ: കണ്ണൂരിലെ മൃഗസംരക്ഷണ പരിശീലന കേന്ദ്രത്തിൽ എട്ട്, ഒന്പത് തീയതികളിൽ ഇറച്ചി കോഴി വളർത്തലിൽ പരിശീലനം നൽകുന്നു. പങ്കെടുക്കുന്നവർ ഏഴിനു മുന്പ് പേർ രജിസ്റ്റർ ചെയ്യണം. ഫോൺ: 0497 2763473.
വിദ്യാഭ്യാസ വായ്പ
കണ്ണൂർ: സംസ്ഥാന ന്യൂനപക്ഷ വികസന ധനകാര്യ കോര്‍പറേഷന്‍ ന്യൂനപക്ഷ വിഭാഗത്തില്‍പ്പെട്ട (ക്രിസ്ത്യന്‍, മുസ്‌ലിം, ജൈനന്‍, സിഖ്, ബുദ്ധൻ, പാഴ്‌സി) പ്രൊഫഷണല് ബിരുദ-ബിരുദാനന്തര ബിരുദ വിദ്യാര്‍ഥികള്‍ക്ക് കുറഞ്ഞ പലിശ നിരക്കില്‍ വിദ്യാഭ്യാസ (വിദേശ പഠനം ഉള്‍പ്പെടെ) ലോണിനുള്ള അപേക്ഷ ക്ഷണിച്ചു. ലോണിന് തെരഞ്ഞെടുക്കുന്നവര്‍ വസ്തുജാമ്യമോ ഉദ്യോഗസ്ഥ ജാമ്യമോ നല്‍കണം. കൂടുതല്‍ വിവരങ്ങള്‍ക്ക് കണ്ണൂര്‍, കാസര്‍ഗോഡ് ജില്ലയിലുള്ളവര്‍ കോര്‍പറേഷന്‍റെ കാസര്‍കോട് റീജണല്‍ ഓഫീസില്‍ ബന്ധപ്പെടണം. അപേക്ഷഫോറം www.ksmdfc.org ല്‍ ലഭിക്കും. ഫോണ്‍: 04994 283061.
വാട്ടര്‍ മീറ്റര്‍ വിച്ഛേദിക്കും
കണ്ണൂർ: കണ്ണൂരിലെ വാട്ടര്‍ സപ്ലൈ സബ്ഡിവിഷനു കീഴിലെ കുടിവെള്ള ഉപഭോക്താക്കളുടെ വാട്ടര്‍ മീറ്റര്‍ പ്രവര്‍ത്തനരഹിതമായ കണക്ഷനുകളില്‍ നോട്ടീസ് കിട്ടിയിട്ടും വാട്ടര്‍ മീറ്റര്‍ സ്ഥാപിക്കാത്ത കണക്ഷനുകള്‍ ഇനിയൊരു അറിയിപ്പ് കൂടാതെ വിഛേദിക്കുമെന്ന് അസി. എക്സിക്യൂട്ടീവ് എൻജിനിയര്‍ അറിയിച്ചു.
റേഷന്‍ വിതരണം
കണ്ണൂർ: ഈ മാസം പൊതുവിഭാഗത്തിന് (വെള്ള കാര്‍ഡ്) ആറ് കിലോഗ്രാം അരി വിതരണം ചെയ്യുമെന്ന് ജില്ലാ സപ്ലൈ ഓഫീസര്‍ അറിയിച്ചു.