കണ്ണൂർ: മുന്നാക്ക സമുദായങ്ങൾക്ക് സാമ്പത്തിക സംവരണം ഏർപ്പെടുത്തുമ്പോൾ അത് പിന്നാക്ക സമുദായമായ ലത്തീൻ സമുദായത്തിന് അർഹതപ്പെട്ട ആനുകൂല്യങ്ങളിൽ കുറവ് വരുത്താതെ നടപ്പാക്കണമെന്ന് കണ്ണൂർ രൂപത വികാരിജനറാൾ മോൺ. ഡോ. ക്ലാരൻസ് പാലിയത്ത്. കേരള ലാറ്റിൻ കാത്തലിക്ക് അസോസിയേഷൻ (കെഎൽസിഎ) സുവർണ ജൂബിലി ആഘോഷത്തോടനുബന്ധിച്ച് കണ്ണൂർ ബർണശേരി ഹോളി ട്രിനിറ്റി കത്തീഡ്രൽ അങ്കണത്തിൽ ഉയർത്തുന്ന സുവർണജൂബിലി പതാക പ്രയാണം ഉദ്ഘാടനം ചെയ്തു പ്രസംഗിക്കുകയായി രുന്നു അദ്ദേഹം. തയ്യിൽ സെന്‍റ ആന്‍റണിസ് ദേവാലയ അങ്കണത്തിൽ നടന്ന ചടങ്ങിൽ കെഎൽസിഎ കണ്ണൂർ രൂപത പ്രസിഡന്‍റ് രതീഷ് ആന്‍റണിയ്ക്കാണ് പതാക കൈമാറിയത്. ഇരുചക്ര വാഹനങ്ങളുടെ അകന്പടിയോടെയായിരുന്നു പതാക പ്രയാണം.
ആന്‍റണി നൊറോണ, ഫാ. മാർട്ടിൻ രായപ്പൻ, ഗോഡ്സൺ ഡിക്രൂസ്, ക്രിസ്റ്റഫർ കല്ലറയ്ക്കൽ, ബിജു ജോസി കരുമാഞ്ചേരി, ജോൺ ബാബു, കെ.എച്ച്. ജോൺ, ഷിബു ഫെർണാണ്ടസ്, റിനേഷ് ആന്‍റണി, റിജ സ്റ്റീഫൻ, ഡിക്സൺ ബാബു, ജോസ് പ്രകാശ്, ശ്രീജൻ ഫ്രാൻസിസ്, ജോസഫൈൻ എന്നിവർ പ്രസംഗിച്ചു. സമുദായദിനമായ ഇന്ന് ഹോളി ട്രിനിറ്റി കത്തീഡ്രലിൽ രാവിലെ 8.30 ന് ദിവ്യബലി. തുടർന്ന് കണ്ണൂർ രൂപത പ്രസിഡന്‍റ് രതീഷ് ആന്‍റണി പതാക ഉയർത്തും. തുടർന്ന് സിസ്റ്റർ മരിയ സെലിൻ നഗറിൽ നടക്കുന്ന പൊതുസമ്മേളനം ബിഷപ് ഡോ. അലക്സ്‌ വടക്കുംതല ഉദ്ഘാടനം ചെയ്യും. സംവരണവും സുപ്രീം കോടതിയും എന്ന വിഷയത്തിൽ സംസ്ഥാന ജനറൽ സെക്രട്ടറി ഷെറി ജെ. തോമസ്, സമുദായ ഉന്നതിയും വിദ്യാഭ്യാസവും എന്ന വിഷയത്തിൽ കെആർഎൽസിസി അസോസിയേറ്റ് സെക്രട്ടറി റവ.ഡോ. ജിജു അറക്കത്തറ ക്ലാസ് നയിക്കും.