കണ്ണൂർ: വാഹന വിപണന രംഗത്തെ അതികായന്മാരായ കെവിആർ ഗ്രൂപ്പ് ഓഫ് കന്പനീസ് രജതജൂബിലി നിറവിൽ. 1997ൽ കോഴിക്കോട് പ്രവർത്തനമാരംഭിച്ച് കണ്ണൂർ, വയനാട്, കാസർഗോഡ്, മലപ്പുറം, പാലക്കാട് ജില്ലകളിലായി വിവിധ ഡീലർഷിപ്പുകളിലേക്ക് വ്യാപിച്ച കന്പനിയുടെ 25ാം വാർഷികത്തിൽ നിരവധി ആനുകൂല്യങ്ങളും സമ്മാനപദ്ധതികളുമാണ് ഉപഭോക്താക്കൾക്കായി ഒരുക്കിയിരിക്കുന്നതെന്ന് മാനേജ്മെന്‍റ് അറിയിച്ചു. കെവിആർ ഗ്രൂപ്പ് ഷോറൂമുകളിൽനിന്നുള്ള പർച്ചേസുകളിൽനിന്നു നറുക്കെടുപ്പിലൂടെ തെരഞ്ഞെടുക്കപ്പെടുന്നവർക്ക് ഗൃഹോപകരണങ്ങൾ സമ്മാനമായി നൽകും. കൂടാതെ, എല്ലാ വാഹന പർച്ചേസുകൾക്കും സമ്മാനങ്ങളും തെരഞ്ഞെടുക്കപ്പെടുന്ന ഭാഗ്യശാലികൾക്ക് 50 പവൻ സ്വർണംവരെ ബംബർ സമ്മാനവും നൽകും.
ഉപഭോക്താക്കൾക്ക് ഗുണമേന്മയുള്ള ഉത്പന്നങ്ങൾ എത്തിച്ചുനൽകുന്നതിലും വിൽപനാനന്തര സേവനങ്ങളിലും പുലർത്തുന്ന വിശ്വാസ്യതയാണ് 25 വർഷം തികയ്ക്കാൻ കന്പനിയെ പ്രാപ്തമാക്കിയതെന്ന് ജോയിന്‍റ് ഡയറക്ടർ സുജിത്ത് റാം പാറയിൽ പത്രസമ്മേളനത്തിൽ പറഞ്ഞു. ബജാജ് ടു വീലർ, ത്രീ വീലർ, കെടിഎം, ഹുസ്ക്വർണ, ചേതക്, ജീപ്പ്, ടാറ്റ മോട്ടോർസ്, ഹ്യൂണ്ടായ്, ആഥർ തുടങ്ങിയവയുടെ അംഗീകൃത ഡീലറും കാനോൺ, ഹ്യൂണ്ടായ് മൊബീസ് എന്നിവയുടെ അംഗീകൃത വിതരണക്കാരും ഉത്തരകേരളത്തിൽ ബജാജ് ടു വീലർ, ത്രീ വീലർ സ്പെയർ പാർട്സുകളുടെ ഹോൾസെയിൽ വിതരണക്കാരുമാണ് കെവിആർ ഗ്രൂപ്പ്. സേവനരംഗത്ത് മികച്ച മാതൃക കാട്ടാറുള്ള കന്പനി എല്ലാ വർഷവും പഠനത്തിൽ മികവ് തെളിയിക്കുന്ന ഓട്ടോറിക്ഷാ തൊഴിലാളികളുടെ മക്കൾക്ക് സ്കോളർഷിപ്പ് വിതരണം നടത്താറുണ്ട്. ജോയിന്‍റ് ഡയറക്ടർ സുനീത് റാം പാറയിൽ, സിഇഒ ബിജു രാമചന്ദ്രൻ, ജനറൽ മാനേജർ സുനിൽ കുമാർ, ലീഗൽ അഡ്വൈസർ എൻ.ടി. ജയരാജൻ എന്നിവരും പത്രസമ്മേളനത്തിൽ പങ്കെടുത്തു.