ചെറുപുഴ: വിവിധ ക്രൈസ്തവ സംഘടനകളുടെ നേതൃത്വത്തിൽ യുണൈറ്റഡ് ക്രിസ്ത്യൻ ഫ്രണ്ട് ഇന്ത്യയുടെ (യുസിഎഫ്) സംസ്ഥാന കമ്മിറ്റിയുടെ നേതൃത്വത്തിൽ നടത്തുന്ന ലോംഗ് മാർച്ച് കണ്ണൂരിൽ സമാപിച്ചു. വർധിച്ചു വരുന്ന മയക്കുമരുന്ന് വ്യാപനത്തിനെതിരേയും കാട്ടുമൃഗ ശല്യത്തിനെതിരേയും പരിസ്ഥിതി ലോല, തീരദേശ മേഖലകളിലെ ജനങ്ങളുടെ പ്രശ്നങ്ങൾ പരിഹരിക്കണമെന്നാവശ്യപ്പെട്ടുമാണ് ലോംഗ് മാർച്ച് നടത്തിയത്.
ചെറുപുഴയിൽ നടന്ന ഉദ്ഘാടന യോഗത്തിൽ യുസിഎഫ് കണ്ണൂർ ജില്ലാ പ്രസിഡന്‍റ് ഷാജി തെക്കേമുറിയിൽ അധ്യക്ഷത വഹിച്ചു. ജാഥാ ലീഡറും യുസിഎഫ് സംസ്ഥാന പ്രസിഡന്‍റുമായ ജസ്റ്റിൻ പള്ളിവാതുക്കൽ ഉദ്ഘാടനം ചെയ്തു. ജസ്റ്റിൻ ഇളയാനിക്കാട്ട്, സജി കാക്കനാട്ട്, ഷാജി പിണക്കാട്ട്, ജോസ് നെട്ടനാനി, ബെന്നി പണ്ടാരശേരി, ജോൺ പോൾ, ബിജു എബ്രാഹം, പി.ജെ. ബിൻസ്, ബാജി ടി. ബേബി, പ്രസാദ് ആൻഡ്രൂസ് എന്നിവർ പ്രസംഗിച്ചു. തേർത്തല്ലി, ആലക്കോട്, കരുവഞ്ചാൽ, നടുവിൽ, ചെന്പന്തൊട്ടി, ചെന്പേരി, പയ്യാവൂർ, ഉളിക്കൽ എന്നിവടങ്ങളിലെ പര്യടനത്തിനുശേഷം ഇരിട്ടിയിൽ സമാപിച്ചു.
പയ്യാവൂരിൽ നൽകിയ സ്വീകരണത്തിൽ ടൗൺ ദേവാലയ വികാരി ഫാ. സുനിൽ പാറയ്ക്കൽ, പാസ്റ്റർ ജെയ്മോൻ ലൂക്കോസ്, ബെന്നി പണ്ടാരശേരി, ജോസ് നെട്ടനാനി, സജീ കാക്കനാട്ട് എന്നിവർ പ്രസംഗിച്ചു.