ആലക്കോട്: ചെറുപുഷ്പ മിഷൻലീഗ് തലശേരി അതിരൂപത സമിതിയുടെ 63-ാമത് കൗൺസിൽ സമ്മേളനം നാളെ ആലക്കോട് നടക്കും.
അതിരൂപത വികാരി ജനറാൾ മോൺ. സെബാസ്റ്റ്യൻ പാലാക്കുഴി ഉദ്ഘാടനം ചെയ്യും. അതിരൂപത പ്രസിഡന്‍റ് സുനിൽ കല്ലിടുക്കിൽ അധ്യക്ഷത വഹിക്കും. ജോയിന്‍റ് സെക്രട്ടറി ഏലിക്കുട്ടി എടാട്ട് റിപ്പോർട്ട് അവതരിപ്പിക്കും. സെക്രട്ടറി ജയ്സൺ പുളിച്ചുമാക്കൽ കണക്ക് അവതരിപ്പിക്കും. ദേശീയ വൈസ് പ്രസിഡന്‍റ് ഫാ. ആന്‍റണി തെക്കേമുറി, സംസ്ഥാന പ്രസിഡന്‍റ് ബേബി പ്ലാശേരി, ഫൊറോന വികാരി ഫാ. മാണി ആട്ടേൽ, റവ.ഡോ.ഫിലിപ്പ് കവിയിൽ, ഫാ. തോമസ് മേനപ്പാട്ട് പടിക്കൽ, ജിതിൻ മണ്ണംപ്ലാക്കൽ, ടോമി കുന്നേൽപറമ്പിൽ, സിസ്റ്റർ അഞ്ജലി എസ്എച്ച്, മാത്യു പാലപ്പള്ളി, ഫാ. ജോസഫ് വടക്കേപറമ്പിൽ, സുനിൽ ചെന്നിക്കര എന്നിവർ പ്രസംഗിക്കും.
ഉച്ചകഴിഞ്ഞ് ന‌ടക്കുന്ന സമ്മേളനം ആർച്ച്ബിഷപ് മാർ ജോസഫ് പാംപ്ലാനി ഉദ്ഘാടനം ചെയ്യും. സുനിൽ കല്ലിടുക്കിൽ അധ്യക്ഷത വഹിക്കും. ചെറുപുഷ്പ മിഷൻ ലീഗ് ദേശീയ പ്രസിഡന്‍റ് ജസ്റ്റീസ് കുര്യൻ ജോസഫ് മുഖ്യപ്രഭാഷണം നടത്തും. മിഷൻ ജ്യോതി പ്രകാശനം ഫാ. ജേക്കബ് വെണ്ണായപ്പിള്ളി നിർവഹിക്കും. ഫാ. ഏബ്രഹാം പോണാട്ട്, ബേബി ജോസഫ് പാലക്കാട്ട്, ബാബു പതിപ്പള്ളി, ഫാ. ഷിജു ഐക്കരകാനായിൽ, ഫാ. ജോസഫ് വടക്കേപറമ്പിൽ, ജയ്സൺ പുളിച്ചുമാക്കൽ എന്നിവർ പ്രസംഗിക്കും.