തളിപ്പറമ്പ്: സിപിഎം പോളിറ്റ്ബ്യൂറോ അംഗവുമായ കോടിയേരി ബാലകൃഷ്ണന്റെ നിര്യാണത്തില് അനുശോചിച്ച് സിപിഎം തളിപ്പറമ്പ് ഏരിയാ കമ്മിറ്റിയുടെ നേതൃത്വത്തില് ടൗണില് മൗനജാഥ സംഘടിപ്പിച്ചു. തൃച്ചംബരം പൂക്കോത്ത് നടയില് നിന്നും ആരംഭിച്ച മൗനജാഥ നഗരം ചുറ്റി ഏരിയാ കമ്മിറ്റി ഓഫീസിന് സമീപം സമാപിച്ചു. ഏരിയ സെക്രട്ടറി കെ. സന്തോഷ്, ജില്ലാ കമ്മിറ്റിയംഗം പി. മുകുന്ദന്, സി.എം. കൃഷ്ണന് , ടി. ബാലകൃഷ്ണന്, ധീരജിന്റെ അച്ഛന് രാജേന്ദ്രന്, സഹോദരന് അദ്വൈത് തുടങ്ങി നിരവധി പേര് ജാഥയില് പങ്കെടുത്തു. നാളെ വൈകുന്നേരം തളിപ്പറമ്പ് ടൗണ് സ്ക്വയറില് സര്വകക്ഷി അനുശോചന യോഗവും സംഘടിപ്പിക്കും.
കണ്ണൂർ: മുൻമന്ത്രിയും സിപിഎം പോളിറ്റ് ബ്യൂറോ അംഗവുമായ കോടിയേരി ബാലകൃഷ്ണന്റെ നിര്യാണത്തിൽ കേരള കോൺഗ്രസ് -എം കണ്ണൂർ ജില്ലാ സെക്രട്ടറിയേറ്റ് അനുശോചനം രേഖപ്പെടുത്തി. ജില്ലാ പ്രസിഡന്റ് ജോയി കൊന്നക്കൽ അധ്യക്ഷത വഹിച്ചു. ജോയിസ് പുത്തൻപുര, സജി കുറ്റിയാനിമറ്റം, മാത്യു കുന്നപ്പള്ളി, കെ.ടി. സുരേഷ് കുമാർ, തോമസ് മാലത്ത്, സി.എം. ജോർജ്, വി.വി. സേവി, മോളി ജോസഫ്, ബിനു മണ്ഡപത്തിൽ, മാത്യു കാരിത്താങ്കൽ, ജോബിച്ചൻ മൈലാടൂർ, സി.ജെ. ജോൺ എന്നിവർ പ്രസംഗിച്ചു.
കേരള കോൺഗ്രസ് കണ്ണൂർ ജില്ലാ സെക്രട്ടേറിയേറ്റ് അനുശോചിച്ചു. ജില്ലാ പ്രസിഡന്റ് റോജസ് സെബാസ്റ്റ്യൻ അധ്യക്ഷത വഹിച്ചു. കെ.എ. ഫിലിപ്പ്, ജോസഫ് മുള്ളൻമട, ജോൺ ജോസഫ്, ജോർജ് കാനാട്ട്, ജോർജ് വടകര, വർഗീസ് വയലാമണ്ണിൽ, ജോസ് നരിമറ്റം, ജെയിംസ് പന്നിയാംമാക്കൽ, ടെൻസൺ ജോർജ്, തോമസ് തയ്യിൽ, ഡെന്നിസ് മാണി, സാബു മണിമല, ജോയി ജോസഫ്, മാർട്ടിൻ ജോസഫ്, സി.എൽ. പോൾ എന്നിവർ പങ്കെടുത്തു.
കേരള കോൺഗ്രസ് -ബി സംസ്ഥാന ജനറൽ സെക്രട്ടറി ജോസ് ചെമ്പേരി അനുശോചിച്ചു. എൽഡിഎഫിൽ എനിക്ക് അർഹമായ പരിഗണന നല്കിയത് അദ്ദേഹമാണെന്നും അടിയന്തരാവസ്ഥ കാലം തൊട്ടുള്ള ബന്ധമാണ് ഉണ്ടായിരുന്നതെന്നും അദ്ദേഹം അനുസ്മരിച്ചു. കേരള രാഷ്ട്രീയത്തിലെ ഏറ്റവും ജനപ്രിയനായ നേതാവിനെയാണ് നഷ്ടപ്പെട്ടതെന്ന് നാഷണൽ ജനശക്തി കോൺഗ്രസ് അനുസ്മരിച്ചു.
ദേശാഭിമാനി മുൻ മുഖ്യപത്രാധിപരും മുൻ മന്ത്രിയും സിപിഎം പോളിറ്റ് ബ്യൂറോ അംഗവുമായ കോടിയേരി ബാലകൃഷ്ണന്റെ വിയോഗത്തിൽ കേരള പത്രപ്രവർത്തക യൂണിയൻ കണ്ണൂർ ജില്ലാ കമ്മിറ്റി അനുശോചിച്ചു. കണ്ണൂരിലെ പത്രപ്രവർത്തകരുമായും പത്രസ്ഥാപനങ്ങളുമായും എക്കാലവും അദ്ദേഹം അടുത്തബന്ധം പുലർത്തിയിരുന്നു. ഉന്നതമായ സ്ഥാനങ്ങൾ വഹിക്കുമ്പോഴും പത്രപ്രവർത്തകർക്ക് നേരിട്ടു സമീപിച്ചു വിഷയങ്ങൾ അവതരിപ്പിക്കാൻ സ്വാതന്ത്ര്യമുള്ള വ്യക്തിത്വമായിരുന്നു അദ്ദേഹത്തിന്റേതെന്ന് പ്രസിഡന്റ് സിജി ഉലഹന്നാനും സെക്രട്ടറി കെ .വിജേഷും അനുശോചന സന്ദേശത്തിൽ പറഞ്ഞു.
വ്യാപാരി വ്യവസായി സമിതി കണ്ണൂർ ജില്ലാ കമ്മിറ്റി ദുഃഖവും അനുശോചനം രേഖപ്പെടുത്തി. ഹിന്ദ് മസ്ദൂർ സഭ സംസ്ഥാന കമ്മിറ്റി അനുശോചനം രേഖപ്പെടുത്തി. പ്രതിസന്ധി ഘട്ടങ്ങളിൽ തൊഴിലാളി പക്ഷത്തുനിന്ന സമുന്നതനായ രാഷ്ട്രീയ നേതാവിനെയാണ് നഷ്ടപ്പെട്ടിരിക്കുന്നതെന്ന് സംസ്ഥാന ജനറൽ സെക്രട്ടറി ടോമി മാത്യു പറഞ്ഞു.
കോണ്ഗ്രസ് -എസ് കണ്ണൂര് ബ്ലോക്ക് കമ്മിറ്റി അനുശോചനം രേഖപ്പെടുത്തി. കെ ബാലകൃഷ്ണന് അധ്യക്ഷത വഹിച്ചു. ഐഎന്എല്സി സംസ്ഥാന പ്രസിഡന്റ് എം. ഉണ്ണികൃഷ്ണന്, എ. അബ്ദുല് ലത്തീഫ്, രാജീവന് കീഴ്ത്തള്ളി, കെ.പി. ദിലീപ് എന്നിവർ പ്രസംഗിച്ചു. ആർട്ടിസ്റ്റ് ശശികല അനശോചിച്ചു.
കേരള രാഷ്ട്രീയത്തിൽ ജ്വലിക്കുന്ന ഓർമകൾ സമ്മാനിച്ച നേതാവിനെയാണ് കോടിയേരി ബാലകൃഷ്ണന്റെ വിയോഗത്തോടെ നഷ്ടപ്പെട്ടതെന്ന് കേരള മുസ്ലിം ജമാഅത്ത് നേതാക്കൾ അനുശോചന സന്ദേശത്തിൽ പറഞ്ഞു. കേരള മുസ്ലിം ജമാഅത്ത് സംസ്ഥാന വൈസ് പ്രസിഡന്റ് പട്ടുവം അബൂബക്കർ മുസ്ലിയാർ അനുസ്മരണ യോഗം ഉദ്ഘാടനം ചെയ്തു. എം.വി. അബ്ദുറഹ്മാൻ മുസ്ലിയാർ പരിയാരം അധ്യക്ഷത വഹിച്ചു. യു.സി. അബ്ദുൽ മജീദ്, പി.കെ. അലിക്കുഞ്ഞി ദാരിമി, എം.കെ. ഹാമിദ്, ആർ.പി. ഹുസൈൻ ഇരിക്കൂർ, കെ.എം. അബ്ദുള്ള കുട്ടി ബാഖവി, കെ. അബ്ദുൽ റഷീദ് നരിക്കോട്, അബ്ദുൽ റഷീദ് ദാരിമി, വി.വി. അബൂബക്കർ സഖാഫി, ഫിർദൗസ് സഖാഫി, മുഹമ്മദ് സഖാഫി ചൊക്ലി, ഹനീഫ് പാനൂർ, അലി മൊഗ്രാൽ, നിസാർ അതിരകം, ഷംഷീർ കടാങ്കോട്, അബ്ദുറഹിമാൻ കല്ലായി എന്നിവർ പ്രസംഗിച്ചു.