മക്കിയാട്: ജനമൈത്രി പോലീസിന്റെയും കൽപ്പറ്റ ഫാത്തിമ മാതാ മിഷൻ ആശുപത്രിയുടെയും സംയുക്താഭിമുഖ്യത്തിൽ തൊണ്ടർനാട് കുഞ്ഞോം ആദിവാസി വന സംരക്ഷണ സമിതി ഹാളിൽ സൗജന്യ മെഡിക്കൽ ക്യാന്പ് നടത്തി. ചുരുളി, ചിറക്കാംപാടി, അരിമല, കൊന്പറ, പുതിയിടതോന്പിൽ, കുഞ്ഞോം, ചപ്പ, മുണ്ടയിൽ, മട്ടിലയം, പന്നിപ്പാട്, മണപ്പാട്ടിൽ, ചേലാറ്റിൽ, കല്ലറ, പാതിരിമന്ദം, കാട്ടേരി, കല്ലിങ്കൽ, ചിറക്കാംവയൽ കോളനികളിൽനിന്നും സമീപപ്രദേശങ്ങളിൽനിന്നുമായി 350ഓളം പേർ പങ്കെടുത്തു.
ജില്ലാ പോലീസ് മേധാവി ആർ. ആനന്ദ് ഉദ്ഘാടനം ചെയ്തു. വാർഡ് അംഗം പ്രീത രാമൻ അധ്യക്ഷത വഹിച്ചു. മാനന്തവാടി ഡിവൈഎസ്പി എ.പി. ചന്ദ്രൻ, പഞ്ചായത്തംഗം എ.വി. ഗണേഷ്, ഡോ.സിസ്റ്റർ ജയ(ഫാത്തിമ മാതാ ഹോസ്പിറ്റൽ), തൊണ്ടർനാട് പോലീസ് എസ്എച്ച്ഒ അജീഷ്കുമാർ, കുഞ്ഞോം ഫോറസ്റ്റർ രാജേന്ദ്രൻ എന്നിവർ പ്രസംഗിച്ചു. ജനമൈത്രി അസിസ്റ്റന്റ് നോഡൽ ഓഫീസർ കെ.എം. ശശിധരൻ സ്വാഗതവും തൊണ്ടർനാട് സ്റ്റേഷൻ സീനിയർ സിവിൽ പോലീസ് ഓഫീസർ ഷാജിത്ത് നന്ദിയും പറഞ്ഞു.