പു​ഴ​യി​ലൂ​ടെ ഒ​ഴു​കി​വ​ന്ന 74കാ​രി​യെ അ​ഗ്നി ര​ക്ഷാസേ​ന​യും നാ​ട്ടു​കാ​രും ചേ​ർ​ന്നു ര​ക്ഷ​പ്പെ​ടു​ത്തി
Tuesday, July 23, 2024 7:40 AM IST
മു​ക്കം: കു​ളി​ക്കു​ന്ന​തി​നി​ടെ കാ​ൽ​വ​ഴു​തി പു​ഴ​യി​ൽ വീ​ണു മൂ​ന്നു കി​ലോ​മീ​റ്റ​റോ​ളം ദൂ​രം ഇ​രു​വ​ഞ്ഞി​പ്പു​ഴ​യി​ലൂ​ടെ ഒ​ഴു​കി​യെ​ത്തി​യ എ​ഴു​പ​ത്തി​നാ​ലു​കാ​രി​യെ മു​ക്കം അ​ഗ്നി ര​ക്ഷാസേ​ന​യും നാ​ട്ടു​കാ​രും ചേ​ർ​ന്നു ര​ക്ഷ​പ്പെ​ടു​ത്തി. തൊ​ണ്ടി​മ്മ​ൽ മ​ര​ക്കാ​ട്ടു​പു​റം സ്വ​ദേ​ശി​നി താ​ഴ​ത്തു​വീ​ട്ടി​ൽ മാ​ധ​വി​യെ​യാ​ണ് അ​ഗ്നി ​ര​ക്ഷാ​സേ​ന​യു​ടെ​യും നാ​ട്ടു​കാ​രു​ടെ​യും സ​മ​യോ​ചി​ത ഇ​ട​പെ​ട​ൽ മൂ​ലം ര​ക്ഷ​പ്പെ​ടു​ത്തി​യ​ത്. ഇ​ന്ന​ലെ ഉ​ച്ച​യ്ക്ക് ര​ണ്ട​ര​യോ​ടെ അ​ഗ​സ്ത്യ​ൻ​മു​ഴി പാ​ല​ത്തി​നു സ​മീ​പ​മാ​ണ് അ​പ​ക​ടം. കു​ളി​ക്കാ​ൻ ഇ​റ​ങ്ങി​യ മാ​ധ​വി ഒ​ഴു​ക്കി​ൽ​പെ​ടു​ക​യാ​യി​രു​ന്നു.

അ​ഗ​സ്ത്യ​ൻ​മു​ഴി പാ​ല​ത്തി​ലൂ​ടെ വ​രി​ക​യാ​യി​രു​ന്ന ഓ​ട്ടോ​ഡ്രൈ​വ​ർ ദി​ലീ​പ്, മാ​ധ​വി ഒ​ഴു​കി​വ​രു​ന്ന​ത് ക​ണ്ട് വി​വ​രം അ​ഗ്നി​ര​ക്ഷാ​സേ​ന​യെ അ​റി​യി​ക്കു​ക​യാ​യി​രു​ന്നു. അ​ഗ്നി ര​ക്ഷാസേ​നാം​ഗ​ങ്ങ​ളും അ​ഫ്നാ​സ്, സ​ജീ​ർ, ദി​ലീ​പ് എ​ന്നീ നാ​ട്ടു​കാ​രും പു​ഴ​യി​ലേ​ക്ക് ചാ​ടി ലൈ​ഫ്ബോ​യ്, ലൈ​ഫ് ജാ​ക്ക​റ്റ്, റോ​പ്പ് എ​ന്നി​വ​യു​ടെ സ​ഹാ​യ​ത്തോ​ടെ നീ​ന്തി​യെ​ത്തി മാ​ധ​വി​യെ ര​ക്ഷ​പ്പെ​ടു​ത്തി ആ​ശു​പ​ത്രി​യി​ലെ​ത്തി​ച്ചു.


മാ​ധ​വി​ക്ക് കാ​ര്യ​മാ​യ പ​രി​ക്കു​ക​ളി​ല്ല. സ്റ്റേ​ഷ​ൻ ഓ​ഫീ​സ​ർ എം. ​അ​ബ്ദു​ൾ ഗ​ഫൂ​ർ, അ​സി. സ്റ്റേ​ഷ​ൻ ഓ​ഫീ​സ​ർ പി. ​അ​ബ്ദു​ൾ ഷു​ക്കൂ​ർ, സേ​നാം​ഗം​ങ്ങ​ളാ​യ ആ​ർ. മി​ഥു​ൻ, കെ. ​ഷ​നീ​ബ്, കെ. ​അ​ഭി​നേ​ഷ്, എം. ​സു​ജി​ത്ത്, എം. ​നി​സാ​മു​ദീ​ൻ, കെ.​എ​സ്. ശ​ര​ത്, വി.​എം. മി​ഥു​ൻ, കെ.​എ​സ്. വി​ജ​യ​കു​മാ​ർ, ചാ​ക്കോ ജോ​സ​ഫ് എ​ന്നി​വ​രാ​ണ് ര​ക്ഷാ​സം​ഘ​ത്തി​ലു​ണ്ടാ​യി​രു​ന്ന​ത്.