ചക്കിട്ടപാറ: സെന്‍റ് ആന്‍റണീസ് ദേവാലയത്തിൽ ഇടവക മധ്യസ്ഥനായ വിശുദ്ധ അന്തോണീസിനെയും പരിശുദ്ധ കന്യകാ മറിയത്തിന്‍റെയും വിശുദ്ധ സെബസ്ത്യാനോസിന്‍റെയും നാളെ മുതൽ അടുത്ത അഞ്ചു വരെ നടക്കുന്ന സംയുക്ത തിരുനാളിന് നാളെ വൈകിട്ട് 4.45-ന് വികാരി ഫാ. മിൽട്ടൺ മുളങ്ങാശേരി കൊടിയേറ്റി തുടക്കം കുറിക്കും. തുടർന്ന് അഞ്ചിന് വിശുദ്ധ കുർബാന, സന്ദേശം, നൊവേന - ഫാ.ജോൺസൺ നന്തലത്ത് കാർമികത്വം വഹിക്കും.
പ്രധാന തിരുനാൾ ദിനങ്ങളായ ഫെബ്രുവരി മൂന്നിന് രാവിലെ 6.30 വിശുദ്ധ കുർബാന, സന്ദേശം, വൈകിട്ട് 4.30 ജപമാല, അഞ്ചിന് വിശുദ്ധ കുർബാന, സന്ദേശം, ലദീഞ്ഞ്, സെമിത്തേരി സന്ദർശനം, 7.15 സാമൂഹിക നാടകം - പാലാ കമ്യൂണിക്കേഷൻസിന്‍റെ - അകവും പുറവും, നാലിന് രാവിലെ 6.30 തിരുസ്വരൂപ പ്രതിഷ്ഠ, ആഘോഷമായ തിരുനാൾ കുർബാന, സന്ദേശം, ലദീഞ്ഞ് - ഫാ.ബിജു വള്ളിപറമ്പിൽ കാർമികനാകും, വൈകിട്ട് 4.45 പ്രസുദേന്തി വാഴ്ച, അഞ്ചിന് ആഘോഷമായ തിരുനാൾ സമൂഹബലി (നവവൈദീകർ - ഫാ.ജോർജ് തുറയ്ക്കൽ മുഖ്യകാർമികത്വത്തിൽ ) 6.45-ന് പ്രദക്ഷിണം - തലച്ചിറ റേഷൻകട ഭാഗത്തേക്ക് ) സമാപന ആശീർവാദം, 8.45 വാദ്യമേളങ്ങൾ, 9.45 ആകാശ വിസ്മയം. സമാപന ദിവസമായ അഞ്ചിന് രാവിലെ 6.30 ജപമാല ഏഴിന് ആഘോഷമായ തിരുനാൾ കുർബാന, സന്ദേശം, ലദീഞ്ഞ് - ഫാ.മാത്യു കളപ്പുര കാർമികനാകും. പത്തിന് ആഘോഷമായ തിരുനാൾ കുർബാന, സന്ദേശം, ലദീഞ്ഞ് - ഫാ. വിൻസെന്‍റ് കണ്ടത്തിൽ കാർമികത്വം വഹിക്കും.11.45 പ്രദക്ഷിണം, സമാപന ആശീർവാദം, 12.30 സ്നേഹവിരുന്ന്.