കുറ്റ്യാടി: വന്യമൃഗ ശല്യത്തിൽ നിന്നും കർഷകരെ സംരക്ഷിക്കണമെന്ന് ആവശ്യപ്പെട്ട് കർഷക ഐക്യവേദിയുടെ നേതൃത്വത്തിൽ കുറ്റ്യാടി റേഞ്ച് ഫോറസ്റ്റ് ഓഫീസിലേക്ക്
കർഷകർ മാർച്ചും ധർണയും നടത്തി. നിരവധി കർഷകർ പങ്കെടുത്ത മാർച്ച് കർഷക ഐക്യവേദിയുടെ ചെയർമാൻ ദിനേശ് വളപ്പിൽ ഉദ്ഘാടനം ചെയ്തു. ബേബി ഇയ്യാലിൽ അധ്യക്ഷത വഹിച്ചു. തുടർന്ന് ഭാരവാഹികൾ ഫോറസ്റ്റ് റേഞ്ച് ഓഫീസർക്ക് നിവേദനവും നൽകി. വന്യമൃഗങ്ങളെ കാട്ടിൽ തന്നെ നിലനിർത്താൻ ആവശ്യമായ നടപടി ബന്ധപ്പെട്ട അധികാരികൾ ചെയ്യണമെന്നും,
കാട്ടുപന്നിയെ ക്ഷുദ്ര ജീവി പട്ടികയിൽ പെടുത്തി വംശവർധനവ് തടയണമെന്നും, വന്യമൃഗ സംരക്ഷണ നിയമം കാലോചിതമായി ഭേദഗതി ചെയ്യണമെന്നും നിവേദനത്തിൽആവശ്യപ്പെട്ടു. കെ. ബാബുരാജ്, ശിവാനന്ദൻ പുലിയൂര്, ചെടിയൻകണ്ടി അബ്ദുല്ലഹാജി, കെ.പി. കുമാരൻ, പി. അശോകൻ, കെ. ജയദേവ്, സലിം മുറിച്ചാണ്ടി, പവിത്രൻ വട്ടക്കണ്ടി, തോമസ് കൈതക്കുളം, ടി.വി. വത്സൻ വിൽസൺ തേരകത്തിങ്കൽ, മഠത്തിൽ പത്മനാഭൻ,ജി.പി. രാജീവൻ, വയലിൽ ജോർജ്, എം.കെ. സത്യൻ, പി.സി. സുനിൽ,വിജയൻ ചേലക്കാട്, എന്നിവർ നേതൃത്വം നൽകി.