മരഞ്ചാട്ടി മേരിഗിരി ഹൈസ്കൂളിൽ കൃഷിപാഠം പദ്ധതിക്ക് തുടക്കമായി
1245890
Monday, December 5, 2022 12:42 AM IST
മരഞ്ചാട്ടി: കോഴിക്കോട് ജില്ലാ പഞ്ചായത്ത് സമഗ്ര വിദ്യാഭ്യാസ പദ്ധതിയുടെ ഭാഗമായി നടപ്പിലാക്കുന്ന പുലർകാലം, കൃഷിപാഠം പദ്ധതികൾക്ക് മരഞ്ചാട്ടി മേരിഗിരി ഹൈസ്കൂളിൽ തുടക്കമായി.
വിദ്യാർഥികളിൽ കായികവും മാനസികവുമായ വികാസം ഉറപ്പുവരുത്തുന്നതിനും കാർഷികാവബോധം സൃഷ്ടിക്കുകയുമാണ് പദ്ധതിയുടെ ലക്ഷ്യം.
കോഴിക്കോട് ജില്ലാ പഞ്ചായത്ത് അംഗം വി.പി. ജമീല പദ്ധതി ഉദ്ഘാടനം ചെയ്തു. സ്കൂൾ മാനേജർ ഫാ. കുര്യൻ താന്നിക്കൽ അധ്യക്ഷത വഹിച്ചു. വാർഡ് അംഗം സിജി സിബി മുഖ്യ പ്രഭാഷണം നടത്തി. സ്കൂൾ ഹെഡ്മാസ്റ്റർ കെ.എം. രാജു, പിടിഎ പ്രസിഡന്റ് മാർട്ടിൻ കാവുങ്കൽ, എംപിടിഎ പ്രസിഡന്റ് സാന്റി ജോർജ്ജ്, മുജീബ് റഹ്മാൻ, സിസി മാനുവൽ തുടങ്ങിയവർ പ്രസംഗിച്ചു.