താമരശേരി: വിദ്യാരംഗം കലാസാഹിത്യ വേദി താമരശേരി ഉപജില്ല സാഹിത്യോത്സവം പുതുപ്പാടി ഗവ.ഹൈസ്കൂളില് നടന്നു. എല്പി, യുപി, ഹൈസ്കൂള് വിഭാഗങ്ങളിലായി ഉപജില്ലയിലെ 500 ഓളം പ്രതിഭകള് പങ്കെടുത്തു.
കഥ, കവിത, ചിത്രം, കാവ്യാലാപനം, അഭിനയം, നാടന് പാട്ട്, പുസ്തകാസ്വാദനം തുടങ്ങിയവ സാഹിത്യോത്സവത്തില് വ്യത്യസ്താനുഭവമായി. സാഹിത്യോത്സവം പുതുപ്പാടി പഞ്ചായത്ത് പ്രസിഡന്റ് ബീന തങ്കച്ചന് ഉദ്ഘാടനം ചെയ്തു.
ഉപജില്ല വിദ്യാഭ്യാസ ഓഫീസര് എന്. കെ.പ്രേമന് അധ്യക്ഷത വഹിച്ചു. നാടക സാഹിത്യ പ്രതിഭ വിനോദ് പാലങ്ങാട്, ജില്ലാ പഞ്ചായത്ത് അംഗം അംബിക മംഗലത്ത്, കൊടുവള്ളി ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയര്മാന് കെ.പി. സുനീര്, പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയര് പേഴ്സണ് സിന്ധു ജോയ്, ക്ഷേമ കാര്യ സ്റ്റാൻഡിംഗ് കമ്മിറ്റി ചെയര്മാന് ജാസില് പെരുമ്പള്ളി, വാര്ഡ് അംഗം അമല്രാജ്, പഞ്ചായത്ത് അംഗം ഉഷ വിനോദ്, ബ്ലോക്ക് പ്രോഗ്രാം കോര്ഡിനേറ്റര് വി.എം. മെഹറലി, ഉപജില്ല കോര്ഡിനേറ്റര് എ.എന്. നിഷിത കുമാരി, പ്രധാനാധ്യാപകന് ഇ. ശ്യാംകുമാര്, ഹെഡ് മാസ്റ്റേഴ്സ് ഫോറം കണ്വീനര് സക്കീര് പാലയുള്ളതില്, ഹയര് സെക്കൻഡറി സ്റ്റാഫ് സെക്രട്ടറി ആര്.കെ. ഷാഫി, പിടിഎ പ്രസിഡന്റ് ഒതയോത്ത് അഷ്റഫ് തുടങ്ങിയവര് പ്രസംഗിച്ചു.